Hwègbèèlì 28:18 - Mokpwe: Bakwery (New Testament)

¹⁸ Nà òma hwàtimbelì hwa Ròmànì hwà mà nò kàyìrzɛ hwà mà arza lì nò hwɛmɛ ema na ɛ̀ndɛ, èhwanja hwa rzìi nò lùwane tɔ̀ lìtiŋga ema lì ma nò kànɛyi e kpelì.

Hwègbèèlì 28:18 ပူးပေါင်းရင်းမြစ်များ

Hwègbèèlì 22:30

È mòkànèlì wà hwàànèlì wà njuma à mà arza ò lì hwiya kɔ̀yi-kɔ̀yi mamɛ wònyà Yudà hwa òhwa nanù ema Pàwolò à gbèyi. Ò eŋgànɛ̀lɛ̀ ò wònɛyi wùnyà à mà òhwa ama hwa rzòlòhwè Pàwolò iŋgi ŋgɔ̀kɔ̀hwì. Rzìi à yòwɛ̀ ipìlìrzì ndɛ̀nɛ nà wòlìya wò arzɛ wò mbòwà wò wònyà Yudà nanù ema wɔ̀ nà mɔ̀ hwa hwɛnɛ wòlìyà. Rzìi à wòwa Pàwolò à hwa tɛ̀mìrzɛ̀lɛ̀lɛ̀ è mɔ̀ ò màrzò mà awu.

Hwègbèèlì 23:29

Nà ma arzìirzɛ̀ ndi na rza luwa tɔ̀ eyà ema e òhwa nanù ema mɔ̀ à aŋgàmɛ̀nɛ̀yi lì ŋwa tɔ̀ lì aŋgɛhwɛ ò hwèwòwà. Hweya hwe arzɛ ema hwa òhwa nanù ema mɔ̀ à gbèyi, hwe hwèlì ndi hweyà ema hwe ɔŋgeya e mbenda ya awu.

Hwègbèèlì 24:10

Aŋga ndi e mòkànèlì Hvɛlìkrzi a à ŋgba Pàwolò ehvòlò ya lì òhwa eyà, Pàwolò rzìi a wòteyà lì òhwa nanù ema, “Imba na hwi nanù ema ò wa ò ma kàyìrzɛ meyaŋgò rzàyi-rzàyi ò tenì ya rzàyi-rzàyi ja meya ema me ma aka ò tenì ya ene èkòmè. Ndèŋgànɛlɛ na òka mɔ̀nyɛ̀ŋgì ò lì kaya ŋmàŋgò mò ami ò wòrzò wò aŋgɔ̀.

Hwègbèèlì 24:22

È mòkànèlì Hvɛlìkrzi a hwèlì ndi mòtò ema mɔ̀ à mà màà lì rzɔ̀ŋgìtɛ̀nɛ̀ e Njiya ya jɔ̀kɛ̀. A ma aŋga mòŋgò ŋmàŋgò lì hvɛhvɛ lòni, rzìi a hwa òhweyà nanù ema, “Nà akɛlɛ ndi ene mbàkò e hvònda ema Lìrzìyàrzì ema a hwèlì e mòkànèlì hwa hwàànà njuma a ò jɛ̀ɛ̀.”

Hwègbèèlì 25:25

Ndi ò hweyàrzìrzèlì hwe ami, na ɛni nanù ema, a rza gbèyi tɔ̀ eyà ema e mò kànɛyi e kpelì. Ndi ehwànja à mà wunduwa nanù ema ŋmàŋgò mò eni mò kàyàwe ndi na Kàyìrzà, ò eŋgànɛlɛ imba na mo òma aŋga.