Hwègbèèlì 28:11 - Mokpwe: Bakwery (New Testament)

¹¹ O mburzà ya ŋgbɛ̀ndɛ iyàwò ja lì lìya ò Malta, irzɔ i ma kpèeyà ò tenì ya melì me ŋmànja ema me ma uwɛ̀lɛ̀lɛ̀yi ò Alɛ̀rzàndrìyà. Mene melì me ma hwɛ̀lɛ̀hwɛ̀ ndi nanù ema, “Mòòhwà ma màyìrzɛ̀.” Je e hwiya lì anjiya aŋga, meŋge melì me ŋmànja me ma hwɛ ò eŋge èki ò eŋge hvònda ema yùulùlì e ma inyàmɛnɛ.

Hwègbèèlì 28:11 ပူးပေါင်းရင်းမြစ်များ

Hwègbèèlì 13:6

Hwà mà akeyà ò yòndi ya arzɛ natɛ̀ɛ hwa uka ò mbòwa ya Pàhvɔ̀rzì. Nà òma hwà mà uke aŋga, hwa ùŋmanɛlɛ ŋgaŋga hvɔ̀kɔ ya mbòwa ema e ma hwɛ̀lɛ̀hwɛ̀ Ba-Yerzù. A ma hwɛ ndi mòtò wà Yudà ema à mà ahwɛlɛ ŋmìti e mòòhwèlì wà èlìŋgɛ̀ wa ama Lohwɛ̀.

Hwègbèèlì 27:6

Aŋga ndi òŋgò mòkànèlì wa hwàànà njuma a ɛnɛ melì me ŋmànja ema me ma uwɛ̀lɛ̀lɛ̀yi ò mbòwa ndɛnɛ ya Alɛ̀rzàndrìyà ema me ma hwɛ lì ɛndɛ ò èkòmè ya Itàlì, rzìi a jò kpɛɛlɛ ò tenì ya meŋge melì me ŋmànja.

Hwègbèèlì 28:10

Hwanù hwatò hwà mà jò ŋgbàà màahweyà rzayì-rzayì. Nà òma e hvònda e ma ùke ya lì ɛ̀ndɛ yɔ̀ndɔ̀ ya malìhwa, hwanù hwatò hwà mà jò ŋgba mamɛ ya arzɛ ema e jò arzana ò lì ɛ̀ndɛ eŋge yɔ̀ndɔ̀.

Hwègbèèlì 28:12

I ma ɛndɛ rzìi jò uka ò mbòwa ndɛnɛ ya Rzilakurzi, rzìi i lìya aŋga menya meyawò.

Hwègbèèlì 6:9

Ndi lòŋgò la hwatò hwà mà wòteyà lì tɔ̀wɔ na mɔ̀. Hwàŋga hwatò hwà mà hwɛ ndi hwatò ema hwà mà uwɛ̀lɛ̀lɛ̀yi ò e ŋgindi ya hwatò ema hwɛ lì ɛndɛ ò e ndawò ya màkànɛ ŋgɛ̀lɛŋgɛlɛ ema e ma hwɛ̀lɛ̀hwɛ̀ ndi e ndawò ya màkanɛ̀ ya hwàkòmì ema hwa rza enje hwàkòmì hvɛ. Hwàŋga hwatò hwà mà hwɛ ndi hwa wònyà Yudà ema hwà mà uwɛ̀lɛ̀lɛ̀yi ò mambòwà mà Rzìrènè na Alɛ̀rzàndrìyà. Wɔ̀ na hwahvɛhvɛ hwatò hwa wònyà Yudà ema hwà mà uwɛ̀lɛ̀lɛ̀yi ò hwèrzòòkà hwe Rzìlirzìyà na Èrzìyà, wɔ̀ hwà mà wòteyà lì tɔ̀wɔ na Rzìtehvànɛ.

1 Kɔ̀rintìyà 8:4

O èŋgànɛ̀lɛ̀, inyɛ na ohwe lì hvomɛ̀nɛ̀ lì làa la mòlelì ema mo ŋgbàahwì nàa jàhwèyà o hwèrzùmbu. Irzɔ hwa arzɛ i hwi nà è jɔ̀kɛ̀ nanù ema, hweŋge hwèrzùmbu hwe rza enje ndi Lohwɛ̀, ndeŋga nanù hvɛ ema, ò rza enje lìhvɛ̀hvɛ̀ Lohwà lì aka tɛ Lohwà lɔ̀kɔ lìti mɛnɛ.