Hwègbèèlì 27:43 - Mokpwe: Bakwery (New Testament)

⁴³ Ndi òŋgò mòkànèlì wa rzònja, à mà arza ò lì kàrzòlɛ Pàwolò, ò eŋgànɛ̀lɛ̀ à mà aya irzònja ema hwa rzi gbeyà nanù. Mɔ̀ à mà kànèyà nanù ema hwaŋga hwatò ema hwa tànɛyi lì nyɔ̀keyà hwa hvànje ò malìhwa hvɔ̀ni hwa nyɔ̀keyà ò lì uka ò rzàawà.

Hwègbèèlì 27:43 ပူးပေါင်းရင်းမြစ်များ

Hwègbèèlì 23:10

Mòtàŋgò mò ma òlòwa nyayi ema e mòkànèlì wa hwààna njuma à mà òka wɔ̀ŋgɔ̀ nanù ema, wɔ hwa tànɛyi lì tàawa Pàwolò. O eŋgànɛ̀lɛ̀ rzɔ, mɔ̀ à mà àka hwàanèlì wa eni hwa njuma ò lì rzihwa ò tenì ya e ŋgindi, ò lì wòwa Pàwolò ò ìtììtènì ja awu, lì ɛndɛ lì mò uta ò ndawò ya ŋguhwa.

Hwègbèèlì 23:24

È àrzeyà Pàwolò iwɔ̀rzi ema i mò ɛ̀ndɛnɛ. È mò timbe e mò ɛ̀ndɛ̀nɛ̀ ò ma e mòkànèlì Hvɛlìkrzi e rzi hwɛ nanù ema eyà ya wòhwe e mò gbèyɛ̀nɛ.”

Hwègbèèlì 27:11

Ndi e mòkànèlì wa rzònja a rzi lòkɛ̀ mamɛ ema Pàwolò à mà òhwe ndi à mà lòkɛ̀ ndi mamɛ ema e mòlukelì na e mòhwɛnɛ wa meŋge melì me ŋmànja hwa mò òhwe.

Hwègbèèlì 27:3

O wònɛyi wùnyà irzɔ i ma uka ò mbòwa ndɛnɛ ya Rzidònì. Jùlìyɔ̀rzì à mà hwɛneya Pàwolò ŋmèma mò gbamù. Rzìi à mò hwɛmɛ nanù ema a ɛndɛ a ɛnɛ imbunda ja eni, òma hwà mà mò ŋgba tɔ̀ mamɛ ema a arza.

Hwègbèèlì 27:31

Ndi Pàwolò à mà òhweyà òŋgò mòkànèlì wa rzònja na irzònja nanù ema, “Hwanu hwàgbèelì hwa melì me ŋmànja hwa rza enje tɛ anu tenì inyɔ e rza tànɛyi lì kàrzòwà.”

Hwègbèèlì 27:42

Irzònja rzìi i kaka wùndɛ̀ ò lì òŋwa hwatò hwa arzɛ hwa hwèwòwà ema hwà mà hwɛ ò tenì ya meŋge melì me ŋmànja, aŋga nanù wɔ hwa rza ò tanɛ lì nyɔ̀keyà ò lì uka ò rzàawà rzi hwa hwaŋga.

2 Kɔ̀rintìyà 11:25

Hwatò hwa Romànì, hwà mà no anana na eeye ŋgèlì iyàwò. O hvonda hvɔ̀kɔ hwahvɛhvɛ hwatò hwà mà no ùŋma màŋyàyi natɛ̀ɛ hwà mà arza lì no òŋwa. Ŋgelì iyàwò ema mèelì me malìhwa me ma jo indane o tenì ya ŋmànja. Hvonda hvɔ̀kɔ nà mà hwɛ lì inda o tenì ya ŋmànja rzi ene e ma gbèyɛ̀nɛ wùnyà wɔ̀kɔ rzurzu ŋmerze na wùuwù.