Hwègbèèlì 27:37 - Mokpwe: Bakwery (New Testament)

³⁷ I ma hwɛ hwègbe hwehwakɛ mèni lìrzamba na mòtòhwa me hwatò ò tenì ya mene melì me ŋmànja.

Hwègbèèlì 27:37 ပူးပေါင်းရင်းမြစ်များ

Hwègbèèlì 2:41

Rzayi-rzayi ja hwàtò ema hwà mà lòkɛ̀ eyà ema Petrò à mà òhwe hwà mà lùhwìrzɛ̀hwɛ̀. O wòŋgò wùnyà mɛnɛ, eyà ya hwekòlì hweyàwò hwe hwatò hwe mà ahwatɛ ò Mɔ̀rzɔ̀ŋgi mò hwàlòkèlì hwa ama Krirztò.

Hwègbèèlì 27:38

Nà òma hwaŋga hwatò hwa melì me ŋmànja hwà mà kulɛ lì laa ò hweyàrzèlì hwe awu, hwà mà undirzɛ mùùnà ema mò ma hwɛ mbàrzi ò tenì ya ŋmànja, hwà mà gbeyà ndi nanù ò lì arza nanù ema mòrzimbɔ̀ mò melì me ŋmànja mò wàmeyà.

Hwègbèèlì 7:14

O mburza nanù, Jòrzɛ̀hvù rzìi a òhweyà wònyanyàŋgò wa eni ò lì òhweyà rzàŋgò hwa awu Jèkɔ̀bu ò lì jà ò Ìjiptò na lìtumba la eni la arzɛ. Wɔ̀ hwa arzɛ hwà mà hwɛ meni lìrzamba me hwatò na hwata.

Ròmànì 13:1

Inyɛ̀ tɔ̀ ima mɔ̀ wa anyu a hweyàne hwaŋga ema hwa hwèlì ò lìkànèyà. Èhwànja ò rza tanɛ lì hwɛ lìkànèyà e rzi hwɛ ema Lohwɛ̀ a emelì, ndèŋgànɛ̀lɛ̀ e wɔ̀ ema hwa hwèlì hwàkànèyà, Lohwɛ̀ mɔ̀ ndi à ika hwàkànèlì hwa arzɛ ò mbòkò.

1 Pètrò 3:20

Hweŋge hwèlìŋgɛ̀ hwe hwèlì ndi hwèlìŋgɛ̀ ema hwe rzi hweyàne Lohwɛ̀ natɛ̀ɛ na e kòòhwà. O e hvonda ema Lohwɛ̀ à mà hwa ŋgbe hvoka hvonda ema e wawi o lì hwɛmɛ wòhwe wo awu. O eŋge hvonda ema Nowà à mà hwɛ lì oŋga wɔ̀ɔ̀lɔ̀ wo ndɛnɛ. Hwàmbi ya hwatò mɛnɛ ndi hwà mà hwɛ o tenì ya woŋgo wɔ̀lɔ̀ wo ndɛnɛ. Hwà mà rzùŋgahwà ndi na malìhwa.