Hwègbèèlì 27:32 - Mokpwe: Bakwery (New Testament)

³² O eŋgànɛ̀lɛ̀ i rzònja i ma kɛ meyɔlì ema me ma tiŋgɛ wɔ̀ɔ̀lɔ̀, rzìi wɔ̀ɔ̀lɔ̀ wò ɛndɛ e ya eni.

Hwègbèèlì 27:32 ပူးပေါင်းရင်းမြစ်များ

Lukàrzɛ̀ 16:8

Èŋge èhwàŋgì ya mòtò e mà hweye nanù, rzìi a eka òŋgò mògbèèlì wà èni wà wòhwe a òhwa nanù ema, ‘À gbeyànì lìhwiyè la gbamù.’” Yerzù rzìi a òhwa hvɛ nanù ema, “Nànù ndi hwatò ema hwa òŋgama hweyà hwe ène rze, hwa gbeyànà mahwiye ma awu, ò lì ɔ̀njɔ hwanɛ̀yi hwatò, ò lì gbeyà hweyà hwe awu lì akà è wɔ̀ ema hwa òŋgama ŋmàye mò ama Lohwɛ̀.”

Yòwanìrzɛ̀ 2:15

Ò èŋgànɛ̀lɛ̀ rzɔ, Yerzù à mà òŋga hvònji nà mɛ̀yɔ̀lì, rzìi à è hvàyanà hwaŋga hwatò hwa arzɛ, nà mɛ̀ɛ̀lɛ̀ŋgù nà inyàkà ò eŋge ndawò yà Lohwà. À mà wùùlɛ̀ wòkòndò wò hwaŋga hwatò ema hwa mà hwɛ lì kenjirzɛ wòkòndò nà lì nòŋgòlɛ̀ hvɛ itèhwèlì ema hwa mà hwɛ lì kenjirzɛ wòkòndò hwa awu ò ŋmanyu.

Hwègbèèlì 27:31

Ndi Pàwolò à mà òhweyà òŋgò mòkànèlì wa rzònja na irzònja nanù ema, “Hwanu hwàgbèelì hwa melì me ŋmànja hwa rza enje tɛ anu tenì inyɔ e rza tànɛyi lì kàrzòwà.”

Hwègbèèlì 27:33

Wùùnyà wò ma kòmbɛnɛ lì yahwa, Pàwolò rzìi a hwa rzòrzòmeya wɔ hwa arzɛ nanù ema hwa le mòlelì. A ma òhwa nanù ema, “O nàŋgɛ nanù inyɔ e ma lìya ò tenì ya lìyòme la mèenyà na meni ema e rzi lelì tɔ mòlelì.