Hwègbèèlì 27:30 - Mokpwe: Bakwery (New Testament)

³⁰ Rzìi hwàgbèelì hwa melì me ŋmànja hwa wòteyà lì arza ŋmanò mò lì hwaŋga lì anjiya ò tenì ya meŋge melì me ŋmànja. Hwà mà rziirzɛ wɔ̀ɔ̀lɔ̀ ò malìhwa rzi hwa àhwàŋgɛ̀lɛ̀ nanù ema hwa ɛndɛ ndi ò lì rziirzɛ mahvɛhvɛ miyò ò wòrzò wò meŋge melì me ŋmànja.

Hwègbèèlì 27:30 ပူးပေါင်းရင်းမြစ်များ

Hwègbèèlì 27:16

Nà òma i ma aka e mbɛŋgɛ ya e ŋmanà yòndi ema a hwɛ̀lɛ̀hwɛ̀ Kawuda, i ma luwa ŋmanà ehvòlò ò lì akeyà èki ema e mbɛ̀hvɛ̀nì e rzi imbamɛ. Aŋga ndi i ma keke natɛ̀ɛ rzìi i rzeeya ehvòlò ya wɔ̀lɔ̀ ema i ma hwɛ lì rzìima ò mburza aŋga nanù wò rzi wuhweyà. Je e hwiya lì gbeyà nanù ò ma i ma taka rzàyi-rzàyi.

Hwègbèèlì 27:27

O wuu ema wò ma òndìrzɛ̀ lìyòme la mèenyà na mèni, ema i ma hwɛ nanù mɛnɛ ò tenì ya ŋmànja mò Adrìya, eyà ya kɔ̀rzi ya wuu ɔndi hwatò ema hwà mà hwɛ lì luka melì me ŋmànja hwà mà ayèmbɛ nanù ema ja a amba lì uka ò rzàawà.

Hwègbèèlì 27:29

Hwà mà kpèeyà wɔ̀ŋgɔ̀ nanù ema mèelì me awu me ŋmànja me ò hwaŋga ò ŋmanyu ya ewòmɛ ya lìŋyàyi. O eŋgànɛ̀lɛ̀ hwà mà rziirzɛ miyò manii ema me lɛmbɛ mèelì me ŋmànja ò mburza ya melì me ŋmànja ò lì tɛmirzɛ mèelì me ŋmànja, rzìi hwa wòteyà lì kànɛ nanù ema wùùnya wò yahwe kàrzi-kàrzi.

Hwègbèèlì 27:31

Ndi Pàwolò à mà òhweyà òŋgò mòkànèlì wa rzònja na irzònja nanù ema, “Hwanu hwàgbèelì hwa melì me ŋmànja hwa rza enje tɛ anu tenì inyɔ e rza tànɛyi lì kàrzòwà.”

Hwègbèèlì 27:32

O eŋgànɛ̀lɛ̀ i rzònja i ma kɛ meyɔlì ema me ma tiŋgɛ wɔ̀ɔ̀lɔ̀, rzìi wɔ̀ɔ̀lɔ̀ wò ɛndɛ e ya eni.