Hwègbèèlì 27:24 - Mokpwe: Bakwery (New Testament)

²⁴ ‘Ìi Pàwolò ò rzi òka tɔ wɔ̀ŋgɔ̀! O wa ò hwɛni lì tɛ̀mɛ̀ ò wòrzò wa ama Kàyìrzà e mòkànèlì ò lì kàya. O nyòla e ndèli ema Lohwɛ̀ a ò hwɛnelì, mɔ̀ à ò rzùŋgà hwaŋga hwatò hwa arzɛ ema hwa ɛndɛlɛnɛ na ò wa ò ene yɔ̀ndɔ ya malìhwa.’

Hwègbèèlì 27:24 ပူးပေါင်းရင်းမြစ်များ

Matiyò 10:18

O nyòla ami, hwatò hwa e ɛ̀ndɛnɛ ò marzò ma i Gɔ̀winà, na ìkiŋgɛ̀. Wɔ̀ hwa gbeyà ene, aŋga nanù inyɔ e hwa òhweyà na hwaŋga ema hwa rza enje wònyà Yudà ŋmɛ̀ndì mò gbamù.

Matiyò 10:28

È rzi òka tɔ̀ mòtò wa hwènàmà ema a tànɛyi lì òŋwa e nyàmà nyò wɔ̀ŋgɔ̀, ndi à rza tànɛyi lì òŋwa èlìŋgɛ̀. Ndi e òke Lohwɛ̀ wɔ̀ŋgɔ̀ ema a tànɛyi lì hvàŋga e nyò na èlìŋgɛ̀ ò tenì ya èhvɔ̀ndì ya mùnya.

Yòwanìrzɛ̀ 11:9

Yerzù rzìi a hwa alàhwɛ̀ ama, “Rzeke e hwèlì e jɔ̀kɛ̀ nanù ema wùnyà tɛ wò hwɛni lìyòmɛ la awa na ihwàkɛ e? Hwàŋga hwatò ema hwa ɛndɛ o ŋmèrze hwa rza kpa, èhwanja wɔ̀ hwa hwèlì na e mɔ̀ ema a hwèlì ŋmàye mò ène rze.

Hwègbèèlì 19:21

O mburza ya hwene hwègbèèlì hwe arzɛ, Pàwolò à mà kulɛ ò ŋmèma mò eni nanù ema a akeyà ò tenì ya hwèrzòòkà hwe Màrzèdonìyà na Àkayiyà ndèŋgànà a e ɛndɛ ò Jèrurzalɛ̀mù. A ma òhwa nanù ema, “Nà mà ɛndɛ tɛ aŋga, na àŋgàmɛ̀nɛ̀yi lì ɛndɛ hvɛ ò lì ɛnɛ èkòmè ya Ròmànì.”

Hwègbèèlì 23:11

O wòŋgò wuu, Rzàŋgò à mà tɛmeya Pàwolò ò tòŋgòŋgò rzìi a mò òhweyà nanù ema, “O rza òka wɔ̀ŋgɔ̀! Èhwànja e ŋgànà ema ò nò tɛmelì e mbòŋgi ò ene mbòwa ya Jèrurzalɛ̀mù, nanù mɛnɛ hvɛ ndi ò hwɛni lì nò tɛmeya e mbòŋgi ò èkòmè ya Ròmànì.”

Hwègbèèlì 25:11

O eŋgànɛlɛ rzɔ, na undi tɛ mbenda ema e nò kànɛyi e mbàkò ya kpelì, nanù òma na emelì e kpelì. Ndi ò rza enje tɛ eyà ya jɔ̀kɛ̀ ò mamɛ ema hwanu hwatò hwa òhwa ò lì nò teŋgɛ̀nɛ̀, nanù òma tɔ̀ mòtò a rza hwɛni tɔ̀ wònja ò lì nò akɛlɛlɛ e wɔ̀ ò màà ma awu. O eŋgànɛlɛ na atɛ̀kɛ̀yi nanù ema Kàyìrzà mɔ̀ ŋmìti ndi à nò kàyìrzɛ.”

Hwègbèèlì 27:31

Ndi Pàwolò à mà òhweyà òŋgò mòkànèlì wa rzònja na irzònja nanù ema, “Hwanu hwàgbèelì hwa melì me ŋmànja hwa rza enje tɛ anu tenì inyɔ e rza tànɛyi lì kàrzòwà.”

Hwègbèèlì 27:37

I ma hwɛ hwègbe hwehwakɛ mèni lìrzamba na mòtòhwa me hwatò ò tenì ya mene melì me ŋmànja.

Hwègbèèlì 27:42

Irzònja rzìi i kaka wùndɛ̀ ò lì òŋwa hwatò hwa arzɛ hwa hwèwòwà ema hwà mà hwɛ ò tenì ya meŋge melì me ŋmànja, aŋga nanù wɔ hwa rza ò tanɛ lì nyɔ̀keyà ò lì uka ò rzàawà rzi hwa hwaŋga.

Hwègbèèlì 27:44

Rzìi à òhweyà hvɛ hwànɛ̀yi hwatò ema hwa lɛmbɛ hwèrzùŋgù hwe hwèhwàmbò tɔ̀ hwehvɛhvɛ hwèmà ema hwe ma kɛrzeya ò melì me ŋmànja ò lì hwa òŋgàma o mburza. Ndèŋgànɛlɛ nanù ndi irzɔ hwa arzɛ i ma gbèyi ò lì uka ò rzàawà ema tɔ̀ eyà e rzi jò gbèyɛ̀nɛ.

Hwègbèèlì 9:15

Ndi Rzàŋgò à mà òhweyà Ànàniyarzì nanù ema, “Ɛ̀ndɛ̀, èhwanja nà mà hvɔ̀rzɔ̀ ònò mòtò ò lì nò gbèeyà. Mɔ̀ à ò gbeyà hwaŋga hwatò ema hwa rza enje wònyà Yudà, ikìŋgɛ̀ jà awu, nà wònyà Yudà ò lì nò hwiya.

Hvìlɛ̀mɔ̀nì 1:22

Èhvɛhvɛ eyà ema imba nà ohwi nanù ema nà ò òhweyà è hwèlì ndi nanù ema, ò nò rzèkeyà tùù hvɔ̀kɔ ò ndawò yà aŋgɔ̀, èhwanja nà lòkɛ̀yì nanù ema Lohwɛ̀ à ò è hweyànà màkanɛ̀ mà anyu, à ò nò ulɛ̀ ò hwèwòwà oma nà mà è uŋmànɛ̀lɛ̀ hvɛ.

Jèmìrzì 5:16

O eŋgànɛ̀lɛ rzɔ, e àpùrzɛ̀lɛ̀nɛ̀ wòhwe hwa anyu mɔ̀kɔ na ɔ̀nɛyi ndèŋgànɛ̀lɛ̀ inyɛ tɔ̀ ima mòtò a kànɛlɛlɛ ŋmanyàŋgò wa eni, aŋga nanù inyɔ hwa arzɛ e wɔ̀wìrzɛ̀hwɛ. Màkanɛ̀ ma e mòtò ema a gbeyà hweyà hwe jɔ̀kɛ̀ o worzo wo ama Lohwɛ̀ hwe imbami rzàyi-rzàyi, ndèŋgànɛlɛ ma ɛndeya.

Hwèwulùwèlì 1:17

Nà oma nà mà mo ɛnɛ, nà mà kpa o matàŋgà mà eni rzìi na hwɛ ndi nàa mòtò ema à mà ŋwɛɛ. Rzìi à no hwàkɛ lìya la eni la mome rzìi a ohwa nanù ema, “O rza oka wɔ̀ŋgɔ̀, imba ndi na hwèlì e Mòtò wa Hwèwòteli ndèŋgànɛ̀lɛ̀ na hwèlì e Mòto wa Lìrzukù.