Hwègbèèlì 26:23 - Mokpwe: Bakwery (New Testament)

²³ Wɔ̀ hwà mà òhwa nanù ema è Mɔ̀ ema à Ɔ̀kirzɛ̀hwɛ̀yi a hwɛnì lì taka rzìi a hwɛ e mòtò hwa wòrzò ò lì hvùmùwà ò kpelì. A ò òhweyà hwatò nanù ema ŋmàye mò hvànyeya hwatò hwa wònyà Yudà na ò hwaŋga hwatò ema hwa rza enje wònyà Yudà nàŋgɛ.”

Hwègbèèlì 26:23 ပူးပေါင်းရင်းမြစ်များ

Matiyò 26:24

È Ŋmanà wà è Mòtò wà Hwènàmà à hwɛnì lì ŋwa nà òma è kààtì yà Lohwà è òhwi, è ò hwɛ màwɔ̀ŋgɔ̀ nà òŋgò mòtò ema à ò nò ahwìrzɛ. È mà lɔ̀wu ema òŋgò mòtò à rzìi ŋyahwe hvɛ tɔ̀.”

Matiyò 27:53

Hwà mà hwɛmɛ irzɔ̀ŋgɔ̀ ja awu, ò mburzà hwèhvùmùwèlì hwe ama Yerzù, hwa mà ɛ̀ndɛ ò Jèrurzalɛ̀mù ema rzayì-rzayì ja hwatò hwà mà hwa ɛnɛ.

Lukàrzɛ̀ 2:32

Ŋmàye mò eni mò ò gbeyà hwaŋga hwatò ema hwa rza enje wònyà Yudà hwa ò hwiyà, ndèŋgàna a ò jànà èluhwe ò hwatò hwa aŋgɔ̀ hwa Irzàyɛ̀lì.”

Lukàrzɛ̀ 24:26

Rzeke e mà hwɛ ndi nanù ema, è Mɔ̀ ema à Ɔ̀kirzɛ̀hwɛ̀yi à ò lùwa mene mètàkà me arzɛ, ndèŋgàna à ò lùwa èluhwe ya eni.”

Lukàrzɛ̀ 24:46

À mà hwa òhweyà nanù ema, “È tìlahwi ò e kààtì ya Lohwɛ̀ nanù ema, è Mɔ̀ ema à Ɔ̀kirzɛ̀hwɛ̀yi à hwɛnì lì tàka rzìi a ŋwa, rziyàyò à hvùmùwa.

Yòwanìrzɛ̀ 10:18

Tɔ̀ mòtò a rza tànɛyi lì nò wòwàna lòŋgɛ la ami. Imba na lì wɔ̀lɛ̀nɛ̀ ndi ò hwèlìŋgànèlì hwe ami. Nà òhvi hvɛ lìkànèyà ò lì ŋgbà lòŋgɛ la ami ndèŋgàna ò lì li wòwa hvɛ. Èya ene ema Tatɛ̀ a nò òhwèlì ema na gbeeye.”

Yòwanìrzɛ̀ 11:25

Yerzù rzìi a mò òhweyà nanù ema, “Imba ndi na hwèlì hwèhvùmùwèlì nà lòŋgɛ, tɔ̀ ima mɔ̀ ema à nò lòkɛ̀ tɔ̀ nɛ à ŋwa, à ò tɛ̀mɛ̀ hvɛ ò lòŋgɛ.

Hwègbèèlì 13:34

Lohwɛ̀ à mà mò hvùmùlɛ̀ ò kpèelì e rzi hwɛ mɔ̀ lì timba ò mɔ̀nyɛ̀ lì rzɔ̀mbɔ̀. Lohwɛ̀ à mà òhwa lì hvòmɛ̀nɛ̀ eŋge nanù ema, ‘Imba na ò ŋgba lì nàmìrzɛ̀hwɛ la wòtani ema lì rza ayèŋgòwɛ̀, ema nà mà òhwe nanù ema na ŋgba kiŋgɛ Dàhwitì.’

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

Hwègbèèlì 26:8

Mamɛ ndèŋgàtɛ inyɔ hwatò hwa wònyà Yudà e rza tànɛyi lì lòkɛ̀ nanù ema Lohwɛ̀ a tànɛyi lì hvùmùlɛ hwatò ema hwà mà ŋwɛɛ ò lì hwɛ o lòŋgɛ e?

Hwègbèèlì 3:18

Tɔ̀ nɛ e ma gbèyɛnɛ nanù, Lohwɛ̀ ŋmìti ndi à mà òndìrzɛ̀ e mbɔrzi ya eni na òma à mà òhweyà hwà-òhwèlì hwa eni hwa arzɛ hwa hwèlìŋgɛ̀ ema hwa òhwe nanù ema è Mɔ̀ ema à Ɔ̀kirzɛ̀hwɛ̀yi a ò taka.

Hwègbèèlì 3:24

Hwanɛyi hwà-òhwèlì hwa hwèlìŋgɛ hvɛ lì wòteyà Rzamùwɛlì na hwaŋga hvɛ ema hwà mà jà ò mburza ya eni wɔ̀ hwa arzɛ hwà mà òhva ŋmɛ̀ndì, ndèŋgànɛ̀lɛ̀ hwà mà òhwa hweyà ema hwe ò gbèyɛ̀nɛ ò mene mèenyà.

1 Kɔ̀rintìyà 15:3

Nà ma e ohweyà Ŋmɛ̀ndì mò Gbamù ema nà mà luwe ndèŋgàna mo hwèlì wòlìtò. Mòŋgo ŋmɛ̀ndì mò hwèlì ndi ema, Krirztò à mà jo ŋwèeyà o wòhwe wò arzu, na oma e tìlahwì o kààtì ya ama Lohwà.

2 Kɔ̀rintìyà 4:4

Mòkarzɛ̀, e mòkànèlì wa ene rze mɔ̀ ndi à kànèyà màlùtèyà ma hwatò ema hwa rza lòkɛ̀yì Krirztò. Wɔ̀ hwa rza tànɛyi lì rzɔ̀ŋgìtɛ̀nɛ̀ nanù ema ŋmɛ̀ndì mò gbamù e uŋmɛ̀lɛ̀ nɛ Krirztò a hwɛni wòlìto. Krirztò mɔ̀ ŋmìti a hwèlì ndi nàa Lohwɛ̀.

Kòlòrzìyà 1:18

Mɔ̀ ndi à hwèlì mòòhvò mò hwatò ema hwa mò lòkɛ̀yì, ndèŋgànɛlɛ wɔ̀ hwa hwèlì ndi nàa è nyo yà eni. Mɔ̀ ndi à ŋgba hwaŋga hwatò lòŋgɛ ehwànja mɔ̀ ndi à hwèlì è mòtò wà worzo ema Lohwɛ̀ à hvùmùlɛ̀yi ò kpelì, ndèŋganɛlɛ ema mɔ̀ ndi à ò hwɛ natɛ̀ɛ nà ò gbìndèyà. Ène eyà è mà gbèyɛ̀nɛ̀ ndi nanù aŋga nanù mɔ̀ à hwɛ ò lì kànèyà hweyà hwe arzɛ.

Hibrù 2:10

Lohwɛ̀ ndi à hwɛni hwèèmà hwe arzɛ ndèŋgànɛ̀lɛ̀ mɔ̀ ndi à hwe ɔ̀ŋgeyà. Nà oma e hwèlì nanù ema Lohwɛ̀ mɔ̀ à arza nanù ema rzayi-rzayi ja hwatò hwa luwe ehvolo o lì hwɛ hwàanà hwa eni ndèŋgànɛ̀lɛ̀ hwa luwe ŋmàye. O ma lɔ̀wu nanù ema mɔ̀ à gbeeye mòtò o lì hwa lìhvoweya e njiya lì akeyà na motàka. Ène eyà e mo gbeyà mɔ̀ o lì hwɛ mòtò ema mɔ̀ à o tanɛ lì gbèya ema hwatò hwa luwe lìrzùŋgàhwa.

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.