Hwègbèèlì 25:8 - Mokpwe: Bakwery (New Testament)

⁸ Pàwolò mɔ̀ à mà òhwa nanù ema, hweyà ema hwa òhwa ò lì mò teŋgɛ̀nɛ̀ hwe rza enje e jɔ̀kɛ̀. Mɔ̀ à mà òhwa nanù ema, “Imba na rzi gbèyi tɔ̀ eyà ema e uŋmɛ̀lɛ̀ nanù ema na teŋgɛ̀nɛ̀ e mbenda ya hwatò hwa wònyà Yudà tɔ̀ lì teŋgɛ̀nɛ̀ e Ndawò yà Lohwà tɔ̀ lì teŋgɛ̀nɛ̀ Kàyìrzà hwa Ròmànì.”

Hwègbèèlì 25:8 ပူးပေါင်းရင်းမြစ်များ

Hwègbèèlì 23:1

Pàwolò à mà ɔ̀ŋgɔ hwatò hwa hwèlìyelì hwe lìkànèyà la mbòwa kòò rzìi a òhwa nanù ema, “Ìi wònyànyàŋgò hwa ami kòkò hwa wònyà Yudà! Nàtɛ̀ɛ na ò wònò wùnyà wò yawònò èlìŋgɛ̀ ya ami e hwèlì gbamù, ò lì hvòmɛ̀nɛ̀ lòŋgɛ la ami ò wòrzò wa ama Lohwɛ̀.”

Hwègbèèlì 24:12

Tɔ̀ wùnyà tɔ̀ wɔ̀kɔ hwatò hwa wònyà Yudà hwà rzi nò ùŋmanɛlɛ na tɔ̀wɔ na tɔ̀ mòtò tɔ̀ mɔ̀kɔ ò tenì ya e ndawò yà Lohwà. Ndeŋgànɛlɛ wɔ̀ hwa rzi nò ùŋmànɛ̀lɛ̀ ema na hwèlì lì keka ò lì tinɛlɛ hwatò ò lì gbeyà mòhvùŋgu ò tenì ya e ndawò ya màkanɛ̀ ya wònyà Yudà, tɔ̀ ò tenì ya e mbòwa ndɛnɛ.

Hwègbèèlì 24:14

Ò jɔ̀kɛ̀ imba na imelì ò wòrzò wò aŋgɔ̀ nanù ema na gbèeyà Lòohwà ema imbamba ja arzu i ma gbèeyà nàa òma imba na òŋgama e Njiya ya jɔ̀kɛ̀. Nà lòkɛ̀ hweyà hwe arzɛ ema hwe tɛmi ehve-ehve lì hvòmɛ̀nɛ̀ e mbenda ya ama Mòrzè na mamɛ ema hwà-òhwèlì hwa hwèlìŋgɛ̀ hwà mà tìle.

Hwègbèèlì 24:6

A ma arza hvɛ lì keka ò lì hvàŋga èluhwe ya e Ndawò yà Lohwà rzìi i mò lɛmbɛ.

Hwègbèèlì 25:10

Pàwolò rzìi a mò alàhwɛ̀ nanù ema, “Jàyɛ̀ imba na tɛmi ndi ò wòrzò wò kònda hvɔ̀kɔ ya hwèkàyìrzèlì hwe lìkànèyà la ama Kàyirza, èki ya jɔ̀kɛ̀ ema imba na àŋgàmɛ̀nɛ̀yi lì kàyìrzɛ̀hwɛ. Nà rzi gbèyi hwatò hwa wònyà Yudà tɔ̀ eyà ya wòhwe na òma ò wà witi hvɛ ò hwi kɔ̀yi-kɔ̀yi.

Hwègbèèlì 28:17

O mburzà ya mèenyà meyawò, Pàwolò à mà rzàŋga hwatimbelì hwa hwatò hwa wònyà Yudà ema hwà mà lìya ò èŋge mbòwà ndɛnɛ ya Ròmànì ò wòlìya. È hvònda ema hwà mà jèe, rzìi mɔ̀ à hwa òhweyà nanù ema, “Ìi wònyànyàŋgò wa ami hwa Irzàyɛ̀lì, imba na rzi gbeye hwatò hwa arzu tɔ̀ eyà yɔ̀kɔ ya wòhwe, ndèŋgàna na rzi gbeye tɔ̀ eyà yɔ̀kɔ ya wòhwe ò lì teŋgɛ̀nɛ̀ ɛ̀ɛ̀mɛ̀ ema imbamba ja arzu i ma jò lìiya. Ndi tɔ̀ nanù, hwatò hwa arzu hwà mà nò lɛmbɛ ò Jèrurzalɛ̀mù rzìi hwa nò akɛlɛ ò hwàtimbelì hwa Ròmànì. O eŋgànɛ̀lɛ̀, na hwèlì ndi ànu nàa mòtò wa hwèwòwà.

Hwègbèèlì 28:21

Hwàŋga hwàtimbelì rzìi hwa òhweyà Pàwolò nanù ema, “I rza lu tɔ̀ itita ema jò uhwɛlɛyi ò Jùdeyà ò lì ò teŋgɛ̀nɛ̀. Ndeŋgana tɔ̀ mòtò tɔ̀ mɔ̀kɔ wa arzu a rzi wurzi rzìi a jò jànelì ŋmɛ̀ndì tɔ̀ mbɔrzi ya wòhwe lì ò teŋgɛ̀nɛ̀.

2 Kɔ̀rintìyà 1:12

Mamɛ ya arzɛ ema e gbèyɛ̀nɛ̀yi, e jò ŋgbelì kumba. I tànɛyi lì ohwà na mèèmà me rzaŋgi ema o hwɛ̀ɛ̀mɛ̀ hwɛ arzu hwe arzɛ anù rze, rzɛ̀hvɔ̀nì na oma i hwèlì na inyɔ na mèèmà me wòtani, na e jɔ̀kɛ̀ ya arzu. Nànù ndi Lohwɛ̀ a mà tɛ̀yirzɛ ema e hwɛ. Rzeketɛ o lìhwiyè la arzù la mòtò wa hwènàmà, ììlì ja ama Lohwɛ̀.