Hwègbèèlì 25:7 - Mokpwe: Bakwery (New Testament)

⁷ È hvònda ema hwà mà jàne Pàwolò aŋga, hwatò hwa wònyà Yudà ema hwà mà uwɛ̀lɛ̀lɛ̀yi ò Jèrurzalɛ̀mù hwà mà mò tɛmeya ò tòŋgòŋgò. Wɔ̀ hwà mà wòteyà lì òhwa hweyà hwe wòhwe ema wɔ hwà mà òhwe nanù ema à mà gbeyà. Ndi hwa rzìi tànɛ lì uŋmɛ̀lɛ̀ tɔ̀ lìtiŋga tɔ̀ lɔ̀kɔ nanù ema mɔ̀ à mà gbeyà hwene hweyà.

Hwègbèèlì 25:7 ပူးပေါင်းရင်းမြစ်များ

Matiyò 15:1

O mburza hvònda, lòŋgò la Ihvalìrzàyì na lòŋgò la Hwà-òkòlèlì hwa mbenda hwa mà uhwɛlɛlɛ ò Jèrurzalɛ̀mù rzìi hwa jà lì ijòwa Yerzù ema,

Lukàrzɛ̀ 23:10

Ipìlìrzì ndɛnɛ nà hwà-òkòlèlì hwa mbenda hwa mà tɛ̀mɛ̀ rzìi hwa mò kìkòwà.

Lukàrzɛ̀ 23:2

Aŋgà ndi hwa mà wòteya lì mò kùwa ewɛnyɛnyɛ, lì mò kìkòwa lì òhwà nanù ema, “Ò nò mòtò à hwèlì à hvùŋgùwà ekòmè ya arzu. À òhwà àma, ì rzì taŋga è njàŋge yà ama Kàyìrzà. À òhwà à mà Mɔ̀ ndì à Ɔ̀kirzɛ̀hwɛ̀yi, ama mɔ̀ ndì a hwèlì è kiŋgɛ̀.”

Hwègbèèlì 21:28

Hwa a tɛɛ nanù ema, “Ìi wònyàmòwè hwa Irzàyɛ̀lì, e jò òŋgòwane! È mòtò ònò ema a òkòlɛ hwatò hwa arzɛ ò hweki hwe arzɛ nanù ema hwatò hwa Irzàyɛ̀lì, e mbenda ya ama Mòrzè na e ndawò yà Lohwà hwe rza enje tɔ̀ eyà. Tɔ̀ nàŋgɛ nanù, mɔ̀ à mà jànà lòŋgò la hwatò ema hwa rza enje wònyà Yudà ò tenì ya e ndawò yà Lohwà ndèŋgànà eŋge eyà e ma gbeyà e ndawò yà Lohwà e rza rzàŋgi hvɛ.”

Hwègbèèlì 24:13

Hwa rza tànɛyi hvɛ tɔ̀ lì ò uŋmɛ̀lɛ̀ lìtiŋga lɔ̀kɔ ò hwenè hweyà hwe arzɛ ema hwa òhwa lì nò teŋgɛ̀nɛ̀.

Hwègbèèlì 25:24

Hvɛ̀rzìtùrzì rzìi a òhwa nanù ema, “Kìŋgɛ̀ Agrìpa kòkò, na hwatò hwa arzɛ ema i hwèlì anù. Onò mòtò ema ye ɛnɛ anu nanù, a hwèlì ndi mòtò ema hwatò hwa wònyà Yudà ema hwa hwèlì anu, na e wɔ̀ ema hwa hwèlì ò Jèrurzalɛ̀mù hwa jelì lì nò òhweyà nanù ema à mà gbeyà hweyà hwe wòhwe, wɔ̀ hwa tɛɛ nanù ema mɔ̀ à rza kànɛyi lì hwɛ ò lòŋgɛ.

1 Tɛ̀rzàlonìyà 2:16

Hwà mà keka hvɛ lì jo tɛmirzɛ o lì ohwa ŋmɛ̀ndì mo ama Lohwɛ̀ o hwatò ema hwa rza enje wònyà Yudà, aŋga nanù hwaŋga hwatò ema hwa rza enje wonyà Yuda hwa rza o rzùŋgàhwà. O ihvonda ja àrzɛ, wɔ̀ hwa hwàtɛ ndi wòhwe o wòhwe, natɛ̀ɛ o lìrzùkù, Lohwɛ̀ a àŋgàmɛ̀nɛ̀yi lì hwa kɔ̀kìrzɛ̀.