Hwègbèèlì 25:11 - Mokpwe: Bakwery (New Testament)

¹¹ O eŋgànɛlɛ rzɔ, na undi tɛ mbenda ema e nò kànɛyi e mbàkò ya kpelì, nanù òma na emelì e kpelì. Ndi ò rza enje tɛ eyà ya jɔ̀kɛ̀ ò mamɛ ema hwanu hwatò hwa òhwa ò lì nò teŋgɛ̀nɛ̀, nanù òma tɔ̀ mòtò a rza hwɛni tɔ̀ wònja ò lì nò akɛlɛlɛ e wɔ̀ ò màà ma awu. O eŋgànɛlɛ na atɛ̀kɛ̀yi nanù ema Kàyìrzà mɔ̀ ŋmìti ndi à nò kàyìrzɛ.”

Hwègbèèlì 25:11 ပူးပေါင်းရင်းမြစ်များ

Hwègbèèlì 16:37

Ndi Pàwolò à mà òhweyà iŋgi pòlìrzi nanù ema, “Irzɔ i rza lùwahwi tɔ̀ njɔ̀mi, tɔ̀ hvɔ̀kɔ ya lìtòna, ndi hwà mà jò gbiyɛ hvònji ò marzò ma hwatò. Ndèŋgànɛ̀lɛ̀ hvɛ irzɔ i hwèlì ndi wònjà ja lìkànèyà la Ròmànì. O mburzà nanù, rzi hwa jò aŋgɛ hvɛ ò hwèwòwà. O nàŋgɛ̀ nanù wɔ̀ hwa arza nanù ema je ɛ̀ndɛ ò wùndɛ̀ e? Jàyɛ̀ e rza ɛndeya! Hwàŋga hwàtimbèlì hwiti ndi hwa hwɛnì lì jà anù, ò lì jò rzòlòwa.”

Hwègbèèlì 18:14

Nà òma Pàwolò à mà arze lì òhwa, Galìyò e Gɔ̀winà rzi a òhweyà wònyà Yudà nanù ema, “Ène eyà e ma hwɛ tɛ ndi nàa lùùrze, tɔ eyà ya wòhwe ema mòtò a gbèyi, aŋga òma na hwɛni lìtiŋga ò lì e hweyàna inyɔ wònyà Yudà.

Hwègbèèlì 22:25

Ndi è hvònda ema wɔ̀ hwa mà hwɛ ò lì kàka Pàwolò ò lì mò gbiyɛ è hvònji, Pàwolò rzìi à ijòwa è ŋmànèlì wà njuma ema à mà mò kòmbɛ̀nɛ̀ nanù ema, “È hvòmɛ̀nɛ̀ nanù ema inyɔ è gbiyɛ wònja yà Ròmànì, ema è rzìi è kàyìrzɛ̀ e?”

Hwègbèèlì 25:10

Pàwolò rzìi a mò alàhwɛ̀ nanù ema, “Jàyɛ̀ imba na tɛmi ndi ò wòrzò wò kònda hvɔ̀kɔ ya hwèkàyìrzèlì hwe lìkànèyà la ama Kàyirza, èki ya jɔ̀kɛ̀ ema imba na àŋgàmɛ̀nɛ̀yi lì kàyìrzɛ̀hwɛ. Nà rzi gbèyi hwatò hwa wònyà Yudà tɔ̀ eyà ya wòhwe na òma ò wà witi hvɛ ò hwi kɔ̀yi-kɔ̀yi.

Hwègbèèlì 25:12

Hvɛ̀rzìtùrzì rzìi a atòòwanɛ meyòhvò na hwèwàŋgì wa eni ema hwe mò eyeya, rzìi a alàhwɛ̀ nanù ema, “Nà òma ò ma òhwɛ nanù ema Kàyìrzà ndi à hwɛni lì ò kàyìrzɛ, ò eŋgànɛlɛ ò aŋgàmɛ̀nɛ̀yi lì ɛndɛ ò ma Kayirzà.”

Hwègbèèlì 25:21

Ndi Pàwolò à mà òhwa nanù ema inyɛ a timbirzɛhwɛ hvɛ ò hwèwòwà natɛ̀ɛ na e hvònda ema Kàyìrzà a ò akɛlɛ e mbàkò ya ŋmàŋgò mò eni. O èŋgànɛ̀lɛ̀ nà mà akɛlɛ lìlò nanù ema hwàànà njuma hwa mò ɔŋgeya natɛ̀ɛ na e hvònda ema na ò mò òmɛ ò ma Kàyìrzà.”

Hwègbèèlì 25:25

Ndi ò hweyàrzìrzèlì hwe ami, na ɛni nanù ema, a rza gbèyi tɔ̀ eyà ema e mò kànɛyi e kpelì. Ndi ehwànja à mà wunduwa nanù ema ŋmàŋgò mò eni mò kàyàwe ndi na Kàyìrzà, ò eŋgànɛlɛ imba na mo òma aŋga.

Hwègbèèlì 26:32

Agrìpa rzìi a òhweyà Hvɛ̀rzìtùrzì nanù ema, “Oma ònò mòtò a rzòlòwahwi a rzi atɛkɛ tɛ ndi nanù ema hwa mò ɛ̀ndɛnɛ ò ma Kàyìrzà.”

Hwègbèèlì 28:19

Ndi hwatò hwa wònyà Yudà hwa rza emeyà nanù ema na hwɛmɛhwɛ, ò èŋgànɛ̀lɛ̀ imba nà mà òhwa nanù ema Kàyìrzà mɔ̀ ŋmìti ndi à kulɛ ŋmàŋgò mò ami. Ndi tɔ̀ na aŋga, imba na rzi òhve tɔ̀ eyà ya wòhwe ò lì òhwa ò lì teŋgɛ̀nɛ̀ hwatò wa ami.

1 Tɛ̀rzàlonìyà 2:15

Lòŋgo la hwaŋga hwatò hwa Irzàyɛ̀lì hwà mà oŋwa e Rzàŋgo Yerzù Krirztò, ndèŋgana lòŋgo hwà mà oŋwa hwà-òhwèlì hwa hwèlìŋgɛ̀. Lòŋgo la hwaŋga hwatò hwa Irzàyɛ̀lì hwà mà jo hvaya o mbowà ndɛnɛ ya awu. Wɔ̀ hwa rzi lìŋgìrzɛ Lohwɛ̀, wɔ̀ hwà mà urzuhweya ndi hwatò hwa arzɛ.