Hwègbèèlì 25:10 - Mokpwe: Bakwery (New Testament)

¹⁰ Pàwolò rzìi a mò alàhwɛ̀ nanù ema, “Jàyɛ̀ imba na tɛmi ndi ò wòrzò wò kònda hvɔ̀kɔ ya hwèkàyìrzèlì hwe lìkànèyà la ama Kàyirza, èki ya jɔ̀kɛ̀ ema imba na àŋgàmɛ̀nɛ̀yi lì kàyìrzɛ̀hwɛ. Nà rzi gbèyi hwatò hwa wònyà Yudà tɔ̀ eyà ya wòhwe na òma ò wà witi hvɛ ò hwi kɔ̀yi-kɔ̀yi.

Hwègbèèlì 25:10 ပူးပေါင်းရင်းမြစ်များ

Matiyò 27:18

À mà gbeyà ndi nanù èhwanja mɔ̀ à mà hwiya kɔ̀yi-kɔ̀yi nanù ema Ipilìrzi ndɛnɛ nà hwàmbaki hwa mbòwa hwa mà mò akɛlɛlɛ Yerzù èhwanja hwa mà mò nòneyà.

Matiyò 27:19

Nà òma Pìlatò à mà lìya ò kònda yà hwèkayirzelì, jòjìyɛ̀ wà eni à mà mò òmeya ŋmɛ̀ndì nanù ema, “Ò rzì kèka lì hwɛnɛ tɔ̀ eyà yà lì gbeyàna nà è mbakò yà ama òŋgò mòtò ema à rzi gbèyi tɔ̀ eyà yà wòhwe, èhwanja nà mò ɔ̀tɔ̀ ndɔ̀tɔ̀ wònò wuu eŋge ndɔ̀tɔ̀ è nò tàkìrzɛ̀ rzayì-rzayì.”

Hwègbèèlì 23:29

Nà ma arzìirzɛ̀ ndi na rza luwa tɔ̀ eyà ema e òhwa nanù ema mɔ̀ à aŋgàmɛ̀nɛ̀yi lì ŋwa tɔ̀ lì aŋgɛhwɛ ò hwèwòwà. Hweya hwe arzɛ ema hwa òhwa nanù ema mɔ̀ à gbèyi, hwe hwèlì ndi hweyà ema hwe ɔŋgeya e mbenda ya awu.

Hwègbèèlì 25:17

O eŋgànɛlɛ rzɔ̀, e hvònda ema hwàtimbelì hwa wònyà Yudà hwà mà jèe, na rzi hvàŋge tɔ̀ hvònda, ò wònɛyi wùnyà ò mburza hwèyùkèlì hwe arzu hwe anu, nà mà lìya ò ndawò ya hwèkàyìrzèlì rzìi na àka nanù ema hwa mò jàne.

Hwègbèèlì 25:25

Ndi ò hweyàrzìrzèlì hwe ami, na ɛni nanù ema, a rza gbèyi tɔ̀ eyà ema e mò kànɛyi e kpelì. Ndi ehwànja à mà wunduwa nanù ema ŋmàŋgò mò eni mò kàyàwe ndi na Kàyìrzà, ò eŋgànɛlɛ imba na mo òma aŋga.

Hwègbèèlì 25:6

Hvɛ̀rzìtùrzì à mà lìya hvɛ ò Jèrurzalɛ̀mù eyà ya wàmbi tɔ̀ lìyòmɛ la mèenyà ndèŋgana a e timba ò erzòòkà ya Kàyìrzèrìyà. O wònɛyi wùnyà, à mà lìya ò hwèkàyìrzèlì rzìi a òhwa nanù ema hwa mò jàneya Pàwolò ò ndawò ya hwèkàyìrzèlì.

Hwègbèèlì 26:31

È hvònda ema hwà mà anjiye ò e tumba ndawò ya hwèkàyìrzèlì hwà mà àwòhwànɛ̀lɛ̀ lì hvòmɛ̀nɛ̀ Pàwolò nanù ema, “Onò mòtò a rza gbèye tɔ̀ eyà ema e mò kànɛyi e kpelì tɔ̀ lì aŋgɛhwɛ ò hwèwòwà.”

Hwègbèèlì 28:18

Nà òma hwàtimbelì hwa Ròmànì hwà mà nò kàyìrzɛ hwà mà arza lì nò hwɛmɛ ema na ɛ̀ndɛ, èhwanja hwa rzìi nò lùwane tɔ̀ lìtiŋga ema lì ma nò kànɛyi e kpelì.

2 Kɔ̀rintìyà 4:2

I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.