Hwègbèèlì 24:25 - Mokpwe: Bakwery (New Testament)

²⁵ Ndi na òma Pàwolò à mà hwɛ lì òhwa lì hvòmɛ̀nɛ̀ lì tɛ̀mɛ̀ la ehve-ehve ò wòrzò wò ama Lohwɛ̀, lì alɛ̀mbɛ, na Wùùnyà wò hwèkàyìrzèlì ema wò hwɛnì lì jà. Hvɛlìkrzi à mà òka wɔ̀ŋgɔ̀. Hvɛlìkrzi rzìi a òhwa nanù ema, “Inyɛ̀ i hwɛmɛ ene mbɔrzi nanù. O tanɛyi ò ɛndɛ. Nà lu tɛ ehvòlò na ò hwɛlɛ hvɛ.”

Hwègbèèlì 24:25 ပူးပေါင်းရင်းမြစ်များ

Matiyò 22:5

Ndi hwaŋga hwatò ema hwà mà yòhwɛhwɛ, wɔ̀ hwa rzi wòwe eŋge ndèma nàa tɔ̀ eyà. Wɔ̀ hwà mà ɛ̀ndɛ ndi ò lì gbeyà hwèwòlò hwe awu, lòŋgò ò i wàŋga ja awu, hwanɛyi hvɛ ò hwehvɛhvɛ hwèwòlò.

Yòwanìrzɛ̀ 16:8

Ndì Mɔ̀ a jelì tɛ a e uŋmɛ̀lɛ̀ hwatò hwa ene rze ema lì rzɔŋgìtɛ̀nɛ̀ la awu lì hvòmɛ̀nɛ̀ lì gbeyà la wòhwe na lì gbeyà la hweyà hwe jɔ̀kɛ̀ hwe rza lɔ̀wu. Ndèŋgana wɔ̀ hwa rza ò rzɔŋgìtɛ̀nɛ̀ hwèkayirzelì hwe ama Lohwɛ̀.

Hwègbèèlì 10:42

Rzìi mɔ̀ à jò kànèyà nanù ema, jò òhweyà hwatò lì hvòmɛ̀nɛ̀ ŋmɛ̀ndì mò gbamù, ndèŋgànà irzɔ i tɛmi mbòŋgi nanù ema mɔ̀ ndi à hwèlì e mɔ̀ ema Lohwɛ̀ à mà hvɔ̀rzè, ò lì kàyìrzɛ̀ hwatò ema hwa hwèlì lòŋgɛ na e wɔ̀ ema hwà mà ŋwɛ.

Hwègbèèlì 17:13

Ndi na òma hwatò hwa wònyà Yudà hwa e mbòwa ndɛnɛ ya Tɛ̀rzàlònìkà hwà mà hweye nanù ema Pàwolò a hwèlì a òhwa hvɛ eyà ya Lohwà ò mbòwa ndɛnɛ ya Bèrìyà, wɔ̀ hwà mà ɛndɛ aŋga, rzìi hwa wòteyà lì tinɛlɛ e ŋgindi ò lì jana lùwànje.

Hwègbèèlì 17:2

Pàwolò à mà nyàmɛ̀lɛ̀ lì kpèeyà ò tenì ya ndawò ya màkànɛ̀ ya wònyà Yudà ò eŋgànɛ̀lɛ à mà kpèeyà aŋga. A ma lìya aŋga wiki iyàwò. O tenì ya tɔ̀ ima Wùnyà wò lì Arziyòlɛ mɔ̀ à mà òhweyà hwatò ŋmɛ̀ndì ema mò ma uwɛ̀lɛ̀lɛ̀yi ò tenì ya e kààtì ya ama Lohwɛ̀.

Hwègbèèlì 17:32

È hvònda ema wɔ hwà mà hweye na òma Pàwolò a òhwa lì hvòmɛ̀nɛ̀ hwehvùmuwelì ò kpelì. Lòŋgò la awu hwà mà mò kikòwa ndi hwahvɛhvɛ hwà mà òhwa nanù ema, “Ja arza nanù ema ò jò òhweyà lì hvòmɛ̀nɛ̀ mònò ŋmɛ̀ndì hvɛ.”

Hwègbèèlì 2:37

Nà òma hwatò hwà mà hweye mamɛ ema Pètrò à mà òhwe, mèèmà me awu me ma kerzeya. Rzìi hwa ijòwa Pètrò nà inɛyi àpɔ̀rzìtòlò nanù ema, “Ìi wònyàmòwe mamɛ ja àŋgàmɛ̀nɛyi lì gbeyà e?”

Hwègbèèlì 24:15

Nà òhvi lìhvìtà na Lohwɛ̀ nyayi hvɔ̀kɔ hvɛ mɛnɛ na òma hwanù hwatò wɔhvɛ hwa òhvi. Nà àhvìtɛ̀ nanù ema hwatò hwa arzɛ hwa ò hvùmùwà ò kpelì, e wɔ̀ ema hwa tɛmi ehve-ehve na e hwaa wòhwe.

Hwègbèèlì 24:26

O èŋge hvònda mɛnɛ mɔ̀ à mà ika màhvita nanù ema Pàwolò a ò mò ŋgbà hwemita, ò lìni lìtiŋga à mà hwɛ lì mò yòhwɛ hvònda na hvònda tɛ ema a jèe, rzìi à mò òhwìrzɛ̀nɛ̀.

Hwègbèèlì 26:28

Kiŋgɛ Agrìpa rzìi a alàhwɛ̀ Pàwolò nanù ema, “O lòkɛ̀ nanù ema ò tanɛ lì nò umbɛlɛ ò ònò ŋmanà hvòka wa hvònda ò lì emeyà lì hwɛ e mòlòkèlì wa ama Krirztò e?”

Hwègbèèlì 9:6

Ò nàŋgɛ̀ rzɔ tɛ̀mɛ̀nɛ̀ ò ŋmanyu ò ɛndɛ ò kpèeyà ò eŋge mbòwà ndɛ̀ɛ̀ndɛ̀, ò òhwàhwɛlɛ mamɛ ema ò hwɛni lì gbeyà.”

Ròmànì 12:1

O eŋgànɛ̀lɛ̀ rzɔ, wònyàmòwe kòkò, èhwanja ò ììlì ndɛnɛ ja ama Lohwɛ̀ ema a jò uŋmɛ̀lɛ̀, na e atɛkɛ nanù ema, ya aŋgbɛ inyɔ hwiti ò ma Lohwɛ̀ nàa jàhwèyà ema i hwèlì lòŋgɛ. Ini jàhwèyà i hwɛni lì hwɛ wòrzàŋgi na lì emeyàhwa na Lohwɛ̀. Nànù ndi inyɔ e hwɛni ò lì kànɛ.

Ròmànì 14:12

O èŋgànɛ̀lɛ̀ rzɔ, irzɔ hwa arzɛ i hwɛnì lì tɛ̀meya Lohwɛ̀ ò wòrzò, ò lì mò òhweyà mamɛ ya arzɛ ema irzɔ i ma gbeyɛ.

Ròmànì 2:16

O èŋgànɛ̀lɛ̀ lì hvòmɛ̀nɛ̀ Ŋmɛ̀ndì mò gbamù ema imba na òhwa, nanù ndi e ò hwɛ̀ɛ ò wòŋgò Wùnyà ema Lohwɛ̀ a ò ŋgbàà Yerzù Krirztò e ŋginyà ò lì kàyìrzɛ̀ɛ hwatò, lì hvòmɛ̀nɛ̀ màlùtèyà ma ìwùndɛ̀ ja mèèmà me awu na mamɛ hwa gbeyà ò jututa.

1 Kɔ̀rintìyà 4:5

O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.

2 Kɔ̀rintìyà 5:10

O èŋgànɛ̀lɛ̀ rzɔ, tɔ̀ ima mɔ̀kɔ hwa arzu na ɔ̀nɛyi a o tɛ̀mɛ̀ o hwèkàyìrzèlèlì o worzo wo ama Yerzù Krirztò o wùnyà ema a o kàyìrzɛ̀ hwatò hwa arzɛ o lì hvomɛ̀nɛ̀ hweyà ema tɔ̀ ima mòtò à mà gbèyi e hvonda ema à mà hwɛ o rze ya mɔ̀nyɛ̀. Tɔ̀ ima mòtò a o luwa etaŋgi lì hvomɛ̀nɛ̀ mamɛ ya arzɛ ema à mà gbeye o rze.

2 Kɔ̀rintìyà 6:2

Lohwɛ̀ a ohwi na oma e tìlahwì nanù ema, “Nà oma e hvonda ya jɔ̀kɛ̀ e ma uke, nà mà hweyà eyà ema e mo òhwe. Wùùnyà wo lìrzùŋgàhwa wo ma uke, nà mà e òŋgòwàna.” È ɔ̀ŋgɔ tɛ nàŋgɛ ndi e hwèlì e hvonda ya jɔ̀kɛ̀ ema e hwɛni o lì luwa e ndèli ya ama Lohwɛ̀. È ɔ̀ŋgɔ tɛ wùnyà wo ma uka ema e hwɛni lì kɔtɔ̀wɔ.

Gàletìyà 3:22

Ndi Eyà yà Lohwà è ohwa ndi nanù ema è rze yà arzɛ è hwèlì ndi ò rze yà ŋginyà yà wòhwe, ò eŋgànɛ̀lɛ̀ rzɔ, jàhwèyà ema Lohwɛ̀ à mà ohwe nanù ema à ŋgba, à mà ji ŋgba hwatò ema hwa lòkɛ̀yì Yerzù Krirztò.

Gàletìyà 5:23

Èlìŋgɛ̀ yà Wòtani yɔ ndi e gbeyà mòtò a arzìirzɛ na lì alɛ̀mbɛ mo ŋmìti. O rza enje tɔ̀ mbenda lì teŋgɛ̀nɛ hwene hweyà.

2 Tìmotì 4:1

Ìi Tìmòtì, o worzo wo ama Lohwɛ̀ na Yerzù Krirztò, mɔ̀ ema a o jɛ̀ɛ̀ o lì kàyìrzɛ̀ hwatò ema hwà ma ŋwɛ na e wɔ̀ ema hwa hwèlì lòŋgɛ o lìnà la ama e mɔ̀ ema a o jɛ̀ɛ̀ hvɛ rzi a hwɛ e mòkànèlì hwa hwàrzɛ, na o òhwèyà hwene hweyà kɔ̀yi-kɔ̀yi nanù ema:

Tàyìtùrzì 1:8

Ndi tɔ̀ nanù e mòtimbèlì wa ŋmèmba a àŋgàmɛ̀nɛ̀yi ndi lì hwɛ mòtò ema a kàrzɛ hwatò ema hwa jà o lì mo hvɛhvɛ, ndèŋgànɛ̀lɛ̀ a hwèlì ndi mòtò ema a lìŋgàna hwema hwe gbamù. A àŋgàmɛ̀nɛ̀yi ndi lì hwɛ mòtò ema a hwi lì àwòhvɛ̀ la eni na hwahvɛhvɛ hwatò, mòtò ema hwègbèèlì wa eni hwe tɛnɛ̀nɛ̀, ema a hwèlì wòtani, ndèŋgànɛ̀lɛ̀ a hwèlì mòtò ema àkuwɛ̀ɛ mɔ̀ ŋmìti.

Hibrù 12:21

Hweema ema hwà mà ɛnɛ hwe ma gbeyà hwà mà ohva wɔ̀ŋgɔ̀ rzayi-rzayi. Wɔ̀ɔŋgɔ̀ wo ma lɛmbɛ tɔ̀ Morzè mɔ̀ ŋmìti. A ma ohwa nanù ema, “Wɔ̀ɔŋgɔ̀ wo no tumìrzɛ̀ mòkambiya!”

Hibrù 3:13

Ndi è àyètìrzɛ̀nɛ̀ mɔ̀kɔ nà ɔnɛyi wùnyà tɛ, na oma eyu e hwɛ̀lɛ̀hwɛ̀ nanù ema, “Yàwono,” aŋga nanù wòhwe wo rza lukɛlɛ mèèmà me anyu o lì hwɛneya Lohwɛ̀ maniya.

Hibrù 4:1

Ò èŋgànɛ̀lɛ̀ rzɔ nà oma Lohwɛ̀ à mà jò kàkɛ̀nɛ̀ ema irzɔ ì tànɛyi ò lì kpèeyà ò èki yà eni yà lì arzìyòlɛ̀, jò ò è kpèeyà. Ò eŋgànɛlɛ rzɔ, inyɛ jà aŋgowe nanù ema tɔ̀ mòtò à rzi hvònda ò lì kpèeyà aŋga.

Hibrù 6:2

Hwa okolɛ hwatò lì hvomɛ̀nɛ̀ lìlùhwìrzɛ̀, na lì hvomɛ̀nɛ̀ lì hwàkɛ la màa o meyohvo me hwatò, ndèŋgànɛ̀lɛ̀ i hwi nanù ema hwa àŋgàmɛ̀nɛ̀yi lì okolɛ hwatò lì hvomɛ̀nɛ̀ hwèhvùmùwèlì hwe kpèelì, na lì hvomɛ̀nɛ̀ hwèkàyìrzèlì ema hwe hwèlì natɛ̀ɛ na o gbìndèyà.

Hibrù 9:27

Mòtò tɛ a àŋgàmɛ̀nɛ̀yi lì ŋwa ŋgelì hvɔ̀kɔ, ndèŋgànɛ̀lɛ̀ o mburzà nanù a o kàyìrzɛ̀hwɛ.

Jèmìrzì 2:19

Inyɔ e lòkɛ̀yi nanù ema o hwèlì ndi Lohwɛ̀ lɔ̀kɔ e? Gbamù rzayi! Tɔ̀ hwèlìŋgɛ̀ hwe wòhwe hweyɔ hvɛ hwe lòkɛ̀yi nanù, hweyɔ hwe tumeya mòkàmbiya.

1 Pètrò 3:15

È ŋgbe Krirztò èluhwe nanù ema mɔ̀ ndi à hwèlì e Rzàŋgo ya mòŋgɛ ma anyu. È awoŋgirzɛnɛ o ihvonda ja arzɛ o lì alàhwɛ̀ tɔ̀ imà mòtò ema a e ijòwa o lì ohwa lì hvomɛ̀nɛ̀ lìhvìta ema e ohvani Krirztò.

2 Pètrò 1:6

O ŋmanyu ya lìhwiyè la anyu, e hwi hvɛ lì àwòhvɛ̀lɛ̀ la anyu. O ŋmanyu ya lì àwòhvɛ̀lɛ̀ la anyu, e kake mèèmà me anyu. O ŋmanyu ya lì kaka la mèèmà me anyu, ɛ̀ɛ̀mɛ̀ ya anyu e àŋgàmɛ̀nɛ̀yi ndi lì hwɛ nàa ɛ̀ɛ̀mɛ̀ ya hwatò hwa Lohwà e hwɛni lì hwɛ.

1 Yòwanìrzɛ̀ 3:10

Nànù ndi irzɔ ì hwɛni lì hwiya njɛnɛ hwàànà hwa ama Lohwɛ̀ hwa hwèlì, nà njɛnɛ hwàànà hwa ama Mòkarzɛ̀ hvɛ hwa hwèlì, tɔ̀ njɛnɛ ema à rza gbèyɛ mamɛ ema è hvomɛ̀nɛ̀yi à rza enje è ŋmanà wà ama Lohwɛ̀. Ŋgànà hvɔ̀kɔ hvɛ nà tɔ̀ njɛnɛ ema à rza lìŋgànɛ̀ ŋmanyàŋgò tɔ̀ è ndomɛ̀ yà eni.

1 Yòwanìrzɛ̀ 3:7

Inyɔ ema e hwèlì nàa hwàanà hwa ami, e rzi keka lì emeyà nanù ema tɔ̀ mòtò tɔ̀ mɔ̀kɔ a e lùkɛlɛ. È mɔ̀ ema a gbèyi mamɛ ema e hvomɛ̀nɛ̀ nanù oma a hwèlì ehve-ehve, ŋgàna hvɔ̀kɔ na oma mɔ̀ Krirztò a hwèlì ehve-ehve.