Hwègbèèlì 24:24 - Mokpwe: Bakwery (New Testament)

²⁴ O mburzà ŋgùrzu ja mèenyà Hvɛlìkrzi e mòkànèlì e ma jà na e jòjìyɛ̀ wa eni Drùrzìlà. Drùrzìlà à mà hwɛ ndi mòlanà wa wònyà Yudà. Hvɛlìkrzi à mà yòhwɛ Pàwolò nanù ema a jèe, e hvònda ema à mà jèe, hwà mà hwɛ lì mò òkànèyà na òma a òhwa lì hvòmɛ̀nɛ̀ lì lòkɛ̀ ò ma Yerzù Krirztò.

Hwègbèèlì 24:24 ပူးပေါင်းရင်းမြစ်များ

Makòrzì 6:20

Hɛ̀rɔ̀dì à mà òka Yòwanìrzɛ̀ wɔ̀ŋgɔ̀. A ma hwiya hvɛ nanù ema Yòwanìrzɛ̀ à mà hwɛ ndì mòtò wà gbamù, à mà ònda nà wòtani. O èŋgànɛ̀lɛ̀ Hɛ̀rɔ̀dì à mà hwɛ lì mò àŋgòhweyà aŋga nanù eyà ya wòhwe e rza mò gbèyɛ̀nɛ̀. À mà lìŋgàna lì mò òkànèyà, tɔ̀ nɛ tɔ̀ ima lìrzakò ema à mò òkanelì, èŋge eyà e ma mò tàkirzɛ ò ŋmèma rzayì-rzayì.

Lukàrzɛ̀ 19:3

Òŋgò mòtò à mà àrza lì ɛnɛ̀ njɛnɛ Yerzù a hwèlì, ndi nà òmà è ŋgìndì ema hwɛ aŋga ndèŋgànɛ̀lɛ̀ à mà ùtùwa a rzi tànɛyi lì mò ɛnɛ.

Lukàrzɛ̀ 23:8

Hɛ̀rɔ̀dì à mà hwɛnɛ nyɔ̀ŋgi ò lì ɛnɛ̀ Yerzù lì hvomɛ̀nɛ̀ hweyà ema à mà mò hweyàne. À mà àrza lì ɛnɛ̀ nà òmà Yerzù a gbeyà mànyakà mà eni ma hweyà. O èŋgànɛ̀lɛ̀ à mà òka mɔ̀nyɛ̀ŋgì nà òmà hwa mà mò jàneya Yerzù.

Hwègbèèlì 16:31

Wɔ̀ hwà mà mò alàhwɛ̀ nanù ema, “O lòkɛ̀ Rzàŋgò Yerzù, aŋga nanù Lohwɛ̀ a ò rzùŋgà. A ò rzùŋgà na lìtumba la aŋgɔ.”

Hwègbèèlì 20:21

Nà ma kòkòwɛ̀lɛ̀ hwatò hwa wònyà Yudà na hwatò ema hwa rza enje wònyà Yudà nanù ema wɔ hwa hwɛni lì tikòwa ò lì anjiya ò wòhwe wò awu lì timbeya Lohwɛ̀ na lì lòkɛ̀ hvɛ e Rzàŋgò ya arzu Yerzù.

Hwègbèèlì 24:25

Ndi na òma Pàwolò à mà hwɛ lì òhwa lì hvòmɛ̀nɛ̀ lì tɛ̀mɛ̀ la ehve-ehve ò wòrzò wò ama Lohwɛ̀, lì alɛ̀mbɛ, na Wùùnyà wò hwèkàyìrzèlì ema wò hwɛnì lì jà. Hvɛlìkrzi à mà òka wɔ̀ŋgɔ̀. Hvɛlìkrzi rzìi a òhwa nanù ema, “Inyɛ̀ i hwɛmɛ ene mbɔrzi nanù. O tanɛyi ò ɛndɛ. Nà lu tɛ ehvòlò na ò hwɛlɛ hvɛ.”

Hwègbèèlì 26:22

Ndi tɔ̀ nanù natɛ̀ɛ na ò wònò wùnyà wò yawònò, Lohwɛ̀ ndi à hwèlì a nò òŋgòwàna. O eŋgànɛlɛ nà tɛmi ndi ànu ò lì e òhweyà inyɔ hwa arzɛ e jɔ̀kɛ̀. Tɔ̀ e hwɛ ndi hwatò ema hwa hwɛni wòlìtò tɔ̀ hwatò ema hwa rza hwɛnɛ wòlìtò. Hweya ema na òhwa hwe hwèlì ndi nyàyi hvɔ̀kɔ ya hweyà ema hwà-òhwèlì hwa hwèlìŋgɛ̀ na Mòrzè hwà mà òhwe nanù ema hwe ò gbèyɛ̀nɛ.

Gàletìyà 2:16

Ndi tɔ̀ nɛ irzɔ i hwi nanù ema Lohwɛ̀ a rza emeyà mòtò ema a hwèlì wòtani èhwanja a nɔ̀ŋgɔ e mbenda. Ndi lì lòkɛ̀ ema mòtò a lòkɛ̀ Yerzù Krirztò lɔ ndi lì gbeyà Lohwɛ̀ a emeyà mòtò ema a tɛmi ehve-ehve. O eŋgànɛ̀lɛ̀ rzɔ irzɔ hvɛ i lòkɛ̀yi Yerzù Krirztò aŋga nanù Lohwɛ̀ a jo emeyà èhwanja i lòkɛ̀yi Yerzù ndi rzeketɛ ema èhwanja ji ikayi e mbenda. Lohwɛ̀ a rza emeyà e mòtò èhwanja a nɔ̀ŋgɔ e mbenda.

Gàletìyà 2:20

Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.

Gàletìyà 3:2

Nà lìŋgàna lì è ijòwa eyà yɔ̀kɔ. È hvonda ema inyɔ è mà lùwe Èlìŋgɛ̀ yà Wòtani èhwanja è mà ika imbenda jà wònyà Yudà ɔ̀ndeŋgàtɛ̀ è mà è lùwa e? Ŋga, èhwanja ema mà lòkɛ̀ Ŋmɛ̀ndì mò Gbamù ema è mà hweye e?

1 Yòwanìrzɛ̀ 5:1

Tɔ̀ ima mòtò ema à lòkɛ̀ nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi à hwèlì ndi nàa è ŋmanà wà ama Lohwɛ̀, ndèŋgàna tɔ̀ njɛnɛ ema à lìŋgàni Tatɛ̀ nanù oma à lìŋgàni hvɛ è Ŋmanà wà eni.

Judɛ 1:3

Imbùnda jà ami kòkò, nà hwèlì nà atàkìrzɛ̀ ò lì è tìleyà lì hvomɛ̀nɛ̀ lì rzùŋgàhwà ema Lohwɛ̀ à mà jò ŋgbɛ ò lì akeyà nà Yerzù Krirztò. Ndi o nàŋgɛ, na ɛnɛ nanù ema o lɔ̀wu nanù ema na e tìleya o lì hvomɛ̀nɛ̀ hwehvɛhvɛ hweyà. Nà e kɔ̀mɛ̀lɛ̀ nanù ema, e a alɛ̀mbɛ̀nɛ na ŋginyà e jɔ̀kɛ̀ ya ŋmɛ̀ndì mò gbamù. Mono ŋmɛ̀ndì mò gbamù mo rza àyèŋgòwɛ̀. Lohwɛ̀ à mà mo ŋgba hwatò hwa eni ŋgelì hvɔ̀kɔ o iŋgèlì ja arzɛ.

Hwèwulùwèlì 14:12

Ène eyà è hwèlì ndi nanù ema, hwatò hwa wòtani hwa ama Lohwɛ̀ hwa àŋgàmɛ̀nɛ̀ lì ajùlɛ̀ ò tenì yà mètàkà, ò lì ika imbenda jà ama Lohwɛ̀ nà ò lì kombɛ̀ lìlòkɛ̀ là awu nà Yerzù.