Hwègbèèlì 24:14 - Mokpwe: Bakwery (New Testament)

¹⁴ Ò jɔ̀kɛ̀ imba na imelì ò wòrzò wò aŋgɔ̀ nanù ema na gbèeyà Lòohwà ema imbamba ja arzu i ma gbèeyà nàa òma imba na òŋgama e Njiya ya jɔ̀kɛ̀. Nà lòkɛ̀ hweyà hwe arzɛ ema hwe tɛmi ehve-ehve lì hvòmɛ̀nɛ̀ e mbenda ya ama Mòrzè na mamɛ ema hwà-òhwèlì hwa hwèlìŋgɛ̀ hwà mà tìle.

Hwègbèèlì 24:14 ပူးပေါင်းရင်းမြစ်များ

Matiyò 10:32

Tɔ̀ njɛnɛ ema a nò tɛ̀mèlì mbòŋgi ò màrzò ma hwatò hwa hwènàmà, imba hvɛ na mò tɛ̀meyà mbòŋgi ò wòrzò wa ama Tatɛ̀ wa ami ema a hwèlì ò ŋmanyu yà lohwà.

Matiyò 22:40

È mbenda ya arzɛ ya ama Mòrzè na hwèyòkòlèlì hwe arzɛ hwe hwà-òhwèlì hwa hwèlìŋgɛ̀ hwe rzɛmelì ndi ò ini mbenda ja ahwakɛ.”

Matiyò 7:12

O èŋgànɛ̀lɛ̀ rzɔ, ò gbèeyà hwahvɛhvɛ hwatò nà òma ò àrza nanù ema wɔ̀ hvɛ hwa ò gbèeyà. Nanù ndi è mbenda yà ama Lohwɛ̀ nà hwà-òhwèlì hwa hwèlìŋgɛ̀ yò òkòlɛ nà è jɔ̀kɛ̀.”

Lukàrzɛ̀ 1:70

Nà òmà a mà òhwe nà è kòhwa, à mà òma Hwà-òhwèlì hwa eni hwa Hwèlìŋgɛ̀ hwa wòtani ò lì òhwa nanù ema,

Lukàrzɛ̀ 16:16

Yerzù rzi a òhwa hvɛ nanù ema, “Hweyà ema hwe ma tìlahwa ò kààtì yà àma Lohwɛ̀, hwà-òhwèlì hwa hwèlìŋgɛ̀ wɔ̀ hvɛ hwà mà hwe òhwa ò è hvònda yà àma Yòwanìrzɛ̀ è Mòlùhwìrzèlì. Lìwòteya è hvònda yà àma Yòwanìrzɛ̀ natɛ̀ɛ nà nàŋgɛ, Ŋmɛ̀ndì mò Gbamù mò Lìkànèyà la ama Lohwɛ̀ mɔ̀ ndì mò òhwàhwàa. Tɔ̀ ima mòtò à kèkà ò lì àyìinɛ̀lɛ̀, ò lì kpèeyà ò tenì ya lìŋgi lìkànèyà.

Lukàrzɛ̀ 16:29

Abràhamù rzìi a mò òhweyà nanù ema, ‘Wɔ̀ hwa òhvì hwetìlelì hwe ama Mòrzè nà hwetìlelì hwe hwà-òhwèlì hwa hwèlìŋgɛ̀. Ìnyɛ̀ hwa òkànèyà mamɛ ema e ma màa lì tìlahwa aŋga.’

Lukàrzɛ̀ 24:27

Yerzù rzìi a hwa ɔ̀ŋgɛ̀lɛ̀nɛ hwetìlelì hwe ama Mòrzè, nà hwà-òhwèlì hwa hwèlìŋgɛ̀ hwa àrzɛ hwa kòhwaa. À mà hwa telɛlɛ mamɛ ya àrzɛ e ma tìlahwa ò Kààtì yà Lohwà lì mò hvòmɛ̀nɛ̀.

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Yòwanìrzɛ̀ 1:45

Hvìlìpì à mà ɛ̀ndɛ lì arza Nàtànìyɛ̀lì. Rzìi à mò òhweyà nanù ema, “Ì mà lùwa è mòtò ema Mòrzè à mà tile lì hvòmɛ̀nɛ̀ ò e kààtì yà mbenda. Hwà-òhwèlì hwa hwèlìŋgɛ̀ hwa kòhwà wɔhvɛ hwa mà tìla lì mò hvòmɛ̀nɛ̀. Lìinà là eni lì hwèlì ndi Yerzù mòtò wà Nàrzàrɛ̀tì è ŋmanà wà ama Jòrzɛ̀hvù.”

Hwègbèèlì 10:43

Hwà-òhwèlì hwa hwèlìŋgɛ̀ hwa arzɛ hwa kòhwa hwà ma òhwa lì mò hvòmɛ̀nɛ̀, nanù ema tɔ̀ ima mòtò ema a mò lòkɛ̀yì, Lohwɛ̀ à làkìrzɛ̀ wòhwe wò eni. Ène eyà e ò gbèyɛ̀nɛ ò e ŋginyà ya lìinà la eni.”

Hwègbèèlì 13:15

Wɔ̀ hwà mà hweyà na òma hwà mà làŋge hwèhvàrzù hwe e kààtì ya mbenda ya ama Mòrzè na e kààtì ya hwetilelì ya hwà-òhwèlì hwa hwèlìŋgɛ̀, ò mburza hwene hwèlàŋgèlì, hwatimbelì hwa e ndawò ya màkanɛ̀ yà wònyà Yudà hwà mà òmeya Pàwolò na Bànàbàrzì ŋmɛ̀ndì nanù ema, “Wònyàmòwe, e òhvi tɛ ŋmɛ̀ndì ò lì ètìrzɛ̀ hwatò, i rzòrzòmelì e jèe e jò òhweyà.”

Hwègbèèlì 15:5

Ndi tɔ̀ nanù, lòŋgò la hwàlòkèlì ema hwà mà hwɛ ò ehvehva ya Hvàlìrzàyì hwà mà tɛ̀mɛ̀ ò ŋmanyu rzìi hwa òhwa nanù ema, “Hwàŋga hwatò ema hwa rza enje wònyà Yudà ema hwa lòkɛ̀ Yerzù, hwa àŋgàmɛ̀nɛyi lì endàhwa, na lì òhwahwɛlɛ ò lì ika imbenda ja ama Mòrzè.”

Hwègbèèlì 19:23

O ene hvònda ɔ̀ndi mòhvùŋgu mò ndɛnɛ mò ma hwɛ ò mbòwa ndɛnɛ ya Ɛ̀hvɛ̀rzɔ̀rzì, ò lì hvòmɛ̀nɛ̀ e Njiya ya ama e Rzàŋgò ema hwatò hwà mà hwɛ lì òŋgama.

Hwègbèèlì 19:9

Ndi lòŋgò la awu hwà mà hwɛnɛ maniya ndèŋgànà hwa rzi emeyà ò lì lòkɛ̀. Hwà mà hwɛ lì òhwa hweyà hwe wòhwe ò marzò ma hwatò hwa arzɛ lì hvòmɛ̀nɛ̀ e Njiya ya ama e Rzàŋgò. O eŋgànɛ̀lɛ̀ rzɔ Pàwolò à mà hwa hwɛmɛ rzìi a ɛndɛ na hwatò ema hwà mà lòkɛ̀. Wùnyà tɛ mɔ̀ na wɔ hwà mà hwɛ ndi ò hvenda ò tenì ya e ndawò ya hwèyòkòlèlì ya ama e mòòkòlèlì Tìlanùrzì.

Hwègbèèlì 22:14

O mburza nanù, Ànàniyarzì rzìi à òhwa nanù ema, ‘Lohwɛ̀ la ama imbamba ja arzu à mà màà lì ò hvɔ̀rzɔ̀ ò lì hwiya lì emeyà la eni, na ò lì ɛnɛ e Mɔ̀ ema a hwèlì Èhve-ehve na ò lì hweyà imbɔrzi ema jò uwɛ̀lɛ̀lɛ̀yì ò wàna ya eni.

Hwègbèèlì 24:22

È mòkànèlì Hvɛlìkrzi a hwèlì ndi mòtò ema mɔ̀ à mà màà lì rzɔ̀ŋgìtɛ̀nɛ̀ e Njiya ya jɔ̀kɛ̀. A ma aŋga mòŋgò ŋmàŋgò lì hvɛhvɛ lòni, rzìi a hwa òhweyà nanù ema, “Nà akɛlɛ ndi ene mbàkò e hvònda ema Lìrzìyàrzì ema a hwèlì e mòkànèlì hwa hwàànà njuma a ò jɛ̀ɛ̀.”

Hwègbèèlì 24:5

Irzɔ i luu nanù ema ònò mòtò a hwɛ̀lɛ̀hwɛ̀ɛ Pàwolò a hwèlì ndi mòtò hwa mòhvùŋgu, ndeŋgànɛlɛ mɔ̀ à tinɛlɛ mòhvùŋgu ò tenì ya wònyà Yudà hwa arzɛ ò e rze ya arzɛ. Ndèŋgànɛlɛ mɔ̀ à hwèlì ndi mòtìmbèlì mɔ̀kɔ wa ehvehva ya Nàrzàlɛ̀nì.

Hwègbèèlì 25:8

Pàwolò mɔ̀ à mà òhwa nanù ema, hweyà ema hwa òhwa ò lì mò teŋgɛ̀nɛ̀ hwe rza enje e jɔ̀kɛ̀. Mɔ̀ à mà òhwa nanù ema, “Imba na rzi gbèyi tɔ̀ eyà ema e uŋmɛ̀lɛ̀ nanù ema na teŋgɛ̀nɛ̀ e mbenda ya hwatò hwa wònyà Yudà tɔ̀ lì teŋgɛ̀nɛ̀ e Ndawò yà Lohwà tɔ̀ lì teŋgɛ̀nɛ̀ Kàyìrzà hwa Ròmànì.”

Hwègbèèlì 26:22

Ndi tɔ̀ nanù natɛ̀ɛ na ò wònò wùnyà wò yawònò, Lohwɛ̀ ndi à hwèlì a nò òŋgòwàna. O eŋgànɛlɛ nà tɛmi ndi ànu ò lì e òhweyà inyɔ hwa arzɛ e jɔ̀kɛ̀. Tɔ̀ e hwɛ ndi hwatò ema hwa hwɛni wòlìtò tɔ̀ hwatò ema hwa rza hwɛnɛ wòlìtò. Hweya ema na òhwa hwe hwèlì ndi nyàyi hvɔ̀kɔ ya hweyà ema hwà-òhwèlì hwa hwèlìŋgɛ̀ na Mòrzè hwà mà òhwe nanù ema hwe ò gbèyɛ̀nɛ.

Hwègbèèlì 26:27

Ìi kìŋgɛ̀ Agrìpa ò lòkɛ̀yi hweyà ema hwà-òhwèlì hwa hwèlìŋgɛ̀ hwà mà tile e? Nà hwi nanù ema ò hwe lòkɛ̀yi.”

Hwègbèèlì 26:4

O eŋgànɛ̀lɛ rzɔ hwatò hwa arzɛ hwa wònyà Yudà hwa hwi lòŋgɛ la ami lì wòteya nà mà hwɛ erzɔ̀mbɛ. Wɔ̀ hwa hwi lòŋgɛ la ami, lì wòteya nà mà hwɛ mberza ema nà mà hwɛ lì lìya ò ìtììtènì ja hwatò wa ami, rzɛ̀hvɔ̀nì e hvònda ema nà mà hwɛ ò Jèrurzalɛ̀mù.

Hwègbèèlì 26:6

O yàwònò imba na tɛmi ndi anù ò lì kàyìrzɛ̀hwɛ na ò wa ehwànja na lòkɛ̀ nanù ema Lohwɛ̀ a òndìrzɛ lì kàkɛ̀nɛ la eni ema à mà kàkɛ̀nɛ imbamba ja arzu.

Hwègbèèlì 28:22

Ndi irzɔ i lìŋgàna lì hwiya mɔ̀ŋgɛ̀lɛ̀ ma aŋgɔ̀ èhwanja irzɔ i hwi nanù ema ò hweki hwe arzɛ hwatò hwa òhwa wòhwe lì teŋgɛ̀nɛ̀ ene ehvehva ema ò hwèlì nanù.”

Hwègbèèlì 28:23

O èŋgànɛ̀lɛ̀ hwà mà ika wùnyà na Pàwolò ema hwa jà lì mò òkànèyà, na òma wòŋgò wùnyà wò ma uke, ŋgìndì ya hwatò e ma jà ò èki ema Pàwolò à mà lìya. Lìwòteya eelele natɛ̀ɛ na e ŋgòmbe, Pàwolò à mà hwɛ lì hwa òhweyà ŋmɛ̀ndì lì hvòmɛ̀nɛ̀ lìkànèyà là mà Lohwà. A ma keka nanù ema hwa lòkɛ̀ Yerzù. Mɔ̀ à mà hwɛ lì gbeyàna hwèhvàrzù ema hwe ma uwɛ̀lɛ̀lɛ̀yi ò e kààtì ya e mbenda ya ama Mòrzè na hwetilelì hwe hwà-òhwèlì hwa hwèlìŋgɛ̀ aŋga nanù wɔ hwa lòkɛ̀ nanù ema Yerzù ndi à hwèlì Krirztò.

Hwègbèèlì 3:13

Lòohwà là ama, Abràhamù, Irzàkì nà Jèkɔ̀bù, Lòohwà là ama hwà tàatɛ̀, lɔ̀ ndi lì ŋgbèlì è mògbèèlì hwa eni Yerzù èluhwe. Inyɔ è mà mò akɛ̀lɛ̀lɛ̀ ò màà mà hwàkànèlì nanù ema à òŋwahwe, rzìi è mò rzɔ̀rzɔ̀ ò wòrzò wò ama Pìlatò. Tɔ̀ nɛ Pìlatò mɔ̀ à mà ɔ̀ŋgɛ̀lɛ̀ nanù ema à rzòlòwàhwè inyɔ è mà tìmba lì mò rzɔ̀rzɔ̀.

Hwègbèèlì 5:30

È hvònda ema inyɔ e ma kulɛ lì wòmeyà Yerzù ò mbarza, e ma mò òŋwa, Lòohwà la ama i mbamba ja arzu i ma mò hvùmùlɛ̀.

Hwègbèèlì 7:32

‘Imba ndi nà hwèlì Lòohwà là ama imbamba ja anyu, Lòohwà là ama Abràhamù, Irzàkì nà Jèkɔ̀bù.’ Mòrzè rzìi a à tùmeyà nà mòkambiya ema à rzi tànɛ hvɛ tɔ̀ lì ɔŋgɔ̀.

Hwègbèèlì 9:2

Rzìi à mò ijòwa ama à mò ŋgbe itita, ò lì ŋgba hwàtìmbèlì hwa è ndawò yà màkànɛ̀ ema è hwèlì ò mbòwa yà Dàmàrzkɔ̀rzì. Aŋga nanù, à hwɛnɛ è wònja nanù ema à ɛni tɛ tɔ̀ ima mòtò ema à nɔ̀ŋgɔ è njiya yà ama Yerzù aŋga mɔ̀ à hwa ŋgbaŋgɛ, tɔ̀ hwa hwɛ ndi wunyanà tɔ̀ hwalanà, à hwa ɛ̀ndɛ̀nɛ̀ ò mbòwa yà Jèrurzalɛ̀mù.

Ròmànì 1:9

Lohwɛ̀ ema nà gbèeyà nà ŋmèma mɔ̀kɔ ò lì òhwa Ŋmɛ̀ndì mò Gbamù mò ama è Ŋmanà wà eni, mɔ̀ ndi à hwèlì è mbòŋgi yà ami nanù ema nà è ɔ̀ŋgɛ̀lɛ,

Ròmànì 3:21

O nàŋgɛ nanù Lohwɛ̀ à mà jò uŋmɛ̀lɛ̀ nɛ hwatò hwa tɛmi ehve-ehve ò wòrzò wò eni. Èŋge ŋgàna e rza hwɛnì tɔ̀ eyà ya lì gbeyà na e mbenda ya ama Mòrzè. Iŋgi mbenda na hwà-òhwèlì hwa hwèlìŋgɛ̀ hwà mà òhwa lì hvòmɛ̀nɛ̀ eŋge ŋgàna natɛ̀ɛ na ò mòlòmɛ̀.

1 Kɔ̀rintìyà 11:19

O tɛ̀ɛ̀tɛ̀ɛ o hwɛnì lì hwɛ la akahwanɛ̀ɛ o ìtììtènì ja anyu aŋga nanù hwaŋga ema hwa hwèlì hwa nɔŋgelì hwa jɔ̀kɛ̀ hwa ama Lohwà, hwa ɛnɛhwɛ na e jɔ̀kɛ̀.

Gàletìyà 5:20

O lì gbèeyà màhvɛ̀hvɛ̀ mohwà, lìyemba, ɛ̀kɔ̀wù, mòtaŋgo, ìnona, hwètàtò, lì aneya la hwèhvolò, o lì hwɛ la hwehvehva, lì akàhwànɛ̀,

2 Tìmotì 1:3

Nà èki Lohwɛ̀ mɔ̀ ndi à hwèlì è mɔ̀ ema imba nà gbèeyà nà ŋmèma mɔ̀kɔ nà oma è nyɔ̀ŋgɔ̀nì yà ami è mà mò gbèeyà. Nà mò èka ihvonda ja arzɛ ò lì ò hvomɛ̀nɛ̀ tɔ̀ ima lìrzako ema nà kanɛ̀ ŋmèrze nà wù.

Tàyìtùrzì 3:10

O kòkòhwɛ̀lɛ̀ tɔ̀ njɛnɛ ema à jànà lùwànje o ìtììtènì ja hwàlòkèlì, a rza o hweyàni tɛ ò mò kòkòhwɛ̀lɛ̀ e ŋgelì ema e ùkirzɛ̀ ihwàkɛ o mburza nanù, a rza o hweyàni hvɛ tɛ, o rzi hwɛnɛ hvɛ tɔ̀ eyà o lì gbeyà na mɔ̀.

1 Pètrò 1:11

Wɔ hwà mà keka o lì arzirzɛ e hvonda ema ene eyà yo ò hwɛ ndèŋgànà nɛ e o jèeya. È hvonda yɔ ene ema Èlìŋgɛ̀ ya ama Krirztò ema e ma hwa hwɛ o tenì e ma hwɛ o lì hwa ohweyà nɛ o e hvonda ema e o jɛ̀ɛ̀, Krirztò a o tàkɛ na èluhwe ema a o luwɛ o mburza meŋge mètàkà.

Hwèwulùwèlì 19:10

Rzìi na kpa o worzo wo eni o lì mo kanɛ̀. Ndi e aŋgèlì e ma no ohweyà nanù ema, “Jàyɛ̀ o rza gbeyà nanù, na hwèlì ndi mògbèèlì wa ama Lohwɛ̀ nàa o wa, na hwèlì ndi nàa hwahvɛhvɛ hwatò ema hwa lòkɛ̀yì Krirztò. Nà hwèlì ndi nàa mɔ̀kɔ ema a tɛmi o e jɔ̀kɛ̀ ema Yerzù à mà okolɛ. Lohwɛ̀ ndi inyɔ e àŋgàmɛ̀nɛ̀yi o lì kanɛ̀.” È jɔ̀kɛ̀ ema Yerzù a wulu yɔ̀ ndi e ŋgbelì hwatò màyìmbi o lì ohwa ŋmɛ̀ndì mo ama Lohwɛ̀.