Hwègbèèlì 24:12 - Mokpwe: Bakwery (New Testament)

¹² Tɔ̀ wùnyà tɔ̀ wɔ̀kɔ hwatò hwa wònyà Yudà hwà rzi nò ùŋmanɛlɛ na tɔ̀wɔ na tɔ̀ mòtò tɔ̀ mɔ̀kɔ ò tenì ya e ndawò yà Lohwà. Ndeŋgànɛlɛ wɔ̀ hwa rzi nò ùŋmànɛ̀lɛ̀ ema na hwèlì lì keka ò lì tinɛlɛ hwatò ò lì gbeyà mòhvùŋgu ò tenì ya e ndawò ya màkanɛ̀ ya wònyà Yudà, tɔ̀ ò tenì ya e mbòwa ndɛnɛ.

Hwègbèèlì 24:12 ပူးပေါင်းရင်းမြစ်များ

Makòrzì 9:14

È hvònda hwa mà jèe lì ùŋmanɛ̀lɛ hwanɛ̀yi hwà-òkòwèlì rzìi hwa tàneyà ŋgìndì ndɛ̀nɛ̀ è hwa tòŋgì. Hwà-òkòlèlì hwa mbenda hwa mà hwɛ ò hvènda nà wɔ̀.

Yòwanìrzɛ̀ 18:21

Mamɛ ndèŋgàtɛ̀ ò nò ijòwa e? Ijòwa hwaŋga hwatò ema hwà mà hwèya hweyà ema nà mà hwa òhweyà. Ò jɔ̀kɛ̀ wɔ̀ hwa hwi mamɛ ema imba nà mà òhwe.”

Hwègbèèlì 24:18

Nà òma nà mà hwɛ lì òŋgama hwene hweyà ò mburza, ɔndi hwanu hwatò hwà mà nò ùŋmànɛ̀lɛ̀ ò Ndawò yà Lohwà, tɛ òma imba na kulɛ lì arzàŋgìrzɛ̀ la ami. O rzi hwɛ tɔ̀ ŋgìndì aŋga ndèŋgànɛlɛ ò rzìi hwɛ hvɛ tɔ̀ luwànjɛ.

Hwègbèèlì 24:5

Irzɔ i luu nanù ema ònò mòtò a hwɛ̀lɛ̀hwɛ̀ɛ Pàwolò a hwèlì ndi mòtò hwa mòhvùŋgu, ndeŋgànɛlɛ mɔ̀ à tinɛlɛ mòhvùŋgu ò tenì ya wònyà Yudà hwa arzɛ ò e rze ya arzɛ. Ndèŋgànɛlɛ mɔ̀ à hwèlì ndi mòtìmbèlì mɔ̀kɔ wa ehvehva ya Nàrzàlɛ̀nì.

Hwègbèèlì 25:8

Pàwolò mɔ̀ à mà òhwa nanù ema, hweyà ema hwa òhwa ò lì mò teŋgɛ̀nɛ̀ hwe rza enje e jɔ̀kɛ̀. Mɔ̀ à mà òhwa nanù ema, “Imba na rzi gbèyi tɔ̀ eyà ema e uŋmɛ̀lɛ̀ nanù ema na teŋgɛ̀nɛ̀ e mbenda ya hwatò hwa wònyà Yudà tɔ̀ lì teŋgɛ̀nɛ̀ e Ndawò yà Lohwà tɔ̀ lì teŋgɛ̀nɛ̀ Kàyìrzà hwa Ròmànì.”

Hwègbèèlì 28:17

O mburzà ya mèenyà meyawò, Pàwolò à mà rzàŋga hwatimbelì hwa hwatò hwa wònyà Yudà ema hwà mà lìya ò èŋge mbòwà ndɛnɛ ya Ròmànì ò wòlìya. È hvònda ema hwà mà jèe, rzìi mɔ̀ à hwa òhweyà nanù ema, “Ìi wònyànyàŋgò wa ami hwa Irzàyɛ̀lì, imba na rzi gbeye hwatò hwa arzu tɔ̀ eyà yɔ̀kɔ ya wòhwe, ndèŋgàna na rzi gbeye tɔ̀ eyà yɔ̀kɔ ya wòhwe ò lì teŋgɛ̀nɛ̀ ɛ̀ɛ̀mɛ̀ ema imbamba ja arzu i ma jò lìiya. Ndi tɔ̀ nanù, hwatò hwa arzu hwà mà nò lɛmbɛ ò Jèrurzalɛ̀mù rzìi hwa nò akɛlɛ ò hwàtimbelì hwa Ròmànì. O eŋgànɛ̀lɛ̀, na hwèlì ndi ànu nàa mòtò wa hwèwòwà.