Hwègbèèlì 23:6 - Mokpwe: Bakwery (New Testament)

⁶ Nà òma Pàwolò à mà ayèmbɛ nanù ema lòŋgò la hwaŋga hwatò hwa eŋge ŋgindi hwà mà hwɛ ndi hwatò hwa ehvehva ya Rzàdùrzì ndèŋgànà hwànɛ̀yi hvɛ Ihvàlìrzàyì, mɔ̀ à mà kàrzɛ lìlò la eni rzi a òhweyà hwatò hwa lìkànèyà la mbòwa nanù ema, “Ìi wònyànyàŋgò wa ami hwa wònyà Yudà kòkò! Nà hwèlì ndi hvàlìrzàyì, ndèŋganɛlɛ na hwèlì ndi e ŋmanà wa mòtò ema a hwèlì ò ehvehva ya Hvàlìrzàyì. Nà hwèlì ndi ò hwèkàyìrzèlèlì anu ehwànja na lòkɛ̀yi nanù ema Lohwɛ̀ a ò hvùmùlɛ hwatò ema hwà mà ŋwɛɛ ò lòŋgɛ.”

Hwègbèèlì 23:6 ပူးပေါင်းရင်းမြစ်များ

Matiyò 10:16

Yerzù à mà timba hvɛ lì òhwa nanù ema, “È ɔ̀ŋgɔ tɛ, na e òma ndi nàa mɛ̀lɛ̀ŋgù ò ìtììtènì ja i njùhwɛ̀. O èŋgànɛ̀lɛ̀ rzɔ e aŋgòwe ndi nàa mààhwà, ndèŋgànà e hwɛ ŋmɛ̀ɛ̀ nàa imbeŋga.

Matiyò 22:23

O wòŋgò wùnyà mɛnɛ, lòŋgò la i Rzadurzi hwà mà jèeya Yerzù. I Rzadurzi i lòkɛ̀ nanù ema ò rza enje tɔ̀ hwèhvùmùwelì.

Matiyò 3:7

Nà òma Yòwanìrzɛ̀ à mà ɛnɛ rzayì-rzayì ja Hvàlìrzàyì nà Rzàdùrzì hwa jà ema à hwa lùhwìrzɛ̀, rzìi à hwa òhwèyà nanù ema, “Inyɔ hvèyi! Njɛnɛ à è kòkòhwɛ̀lɛ̀yi nanù ema è hwaŋgè è kɔ̀kìrzɛ̀ yà ama Lohwɛ̀ ema è jà e?

Hwègbèèlì 22:3

“Nà hwèlì ndi mòtò wà Yudà, na ŋyàhwɛlɛyi ndi ò mbòwa ya Tàrzɔ̀rzì ò erzòòkà ya Rzìlìrzìyà, ndi na kòkèlì ndi ò tenì ya Jèrurzalɛ̀mù. Nà òkòlɛ̀hwɛyi ndi na Gàmàlìyɛ̀lì ndèŋganɛlɛ mɔ̀ ndi à mà nò òkòlɛ̀ kɔ̀yi-kɔ̀yi lì hvòmɛ̀nɛ̀ imbenda ja ama imbamba ja arzu. Nà ma hwɛnɛ nyɔ̀ŋgi ndɛnɛ ò lì gbèeyà Lohwɛ̀ na òma inyɔ hwa arzɛ hvɛ ema e hwèlì anu òma yawònò e hwèlì e gbèeyà Lohwɛ̀.

Hwègbèèlì 22:30

È mòkànèlì wà hwàànèlì wà njuma à mà arza ò lì hwiya kɔ̀yi-kɔ̀yi mamɛ wònyà Yudà hwa òhwa nanù ema Pàwolò à gbèyi. Ò eŋgànɛ̀lɛ̀ ò wònɛyi wùnyà à mà òhwa ama hwa rzòlòhwè Pàwolò iŋgi ŋgɔ̀kɔ̀hwì. Rzìi à yòwɛ̀ ipìlìrzì ndɛ̀nɛ nà wòlìya wò arzɛ wò mbòwà wò wònyà Yudà nanù ema wɔ̀ nà mɔ̀ hwa hwɛnɛ wòlìyà. Rzìi à wòwa Pàwolò à hwa tɛ̀mìrzɛ̀lɛ̀lɛ̀ è mɔ̀ ò màrzò mà awu.

Hwègbèèlì 22:5

È pìlìrzì è karzamì nà hwàmbàkì hwa arzɛ hwa lìkànèyà là mbòwà, hwa tanɛyi lì imànɛlɛ nanù ema nà òhwa ndi è jɔ̀kɛ̀. Nà mà hwa wòwànà hwètìtà ema hwa mà tìleya wònyanyàŋgò hwa ami hwa wònyà Yudà ema hwa hwèlì ò mbòwa ndɛnɛ yà Dàmàrzkɔ̀rzì. Ò eŋgànɛlɛ rzɔ imba nà mà ɛndɛ aŋga ò lì ŋgbaŋgɛ hwaŋga hwatò, lì hwa kàka, rzìi nà hwa tìmbànà ò Jèrurzalɛ̀mù aŋga nanù hwa kɔ̀kìrzɛ̀hwɛ.”

Hwègbèèlì 23:1

Pàwolò à mà ɔ̀ŋgɔ hwatò hwa hwèlìyelì hwe lìkànèyà la mbòwa kòò rzìi a òhwa nanù ema, “Ìi wònyànyàŋgò hwa ami kòkò hwa wònyà Yudà! Nàtɛ̀ɛ na ò wònò wùnyà wò yawònò èlìŋgɛ̀ ya ami e hwèlì gbamù, ò lì hvòmɛ̀nɛ̀ lòŋgɛ la ami ò wòrzò wa ama Lohwɛ̀.”

Hwègbèèlì 23:15

O eŋgànɛlɛ rzɔ, inyɔ na hwatò hwa wòlìya wò lìkànèyà la mbòwa e òmeya e mòkànèlì hwa hwàànà njuma ŋmɛ̀ndì nanù ema a jo jàneyà Pàwolò. È àhwàŋgɛ̀lɛ nanù ema e arza ndi lì mò hweyàna kɔ̀yi-kɔ̀yi. Ndi irzɔ i wòŋgirzɛnɛ ò lì mò òŋwa ndèŋgàna a e uka anu.”

Hwègbèèlì 23:20

Èŋge mberza rzìi e mò alàhwɛ̀ nanù ema, “Lòŋgò la hwàtimbelì hwa wònyà Yudà hwà mà kaka mundɛ ò lì ò akòhwana nanù ema ò jàne Pàwolò ŋmɛlɛ ò hwèlìyelì, ò lì àhwàŋgɛ̀lɛ nanù ema hwèlìyelì hwe mbòwa hwe arza lì arzìirzɛ kɔ̀yi-kɔ̀yi hwehvɛhvɛ hweyà lì hvòmɛ̀nɛ̀ Pàwolò.

Hwègbèèlì 23:7

Nà òma Pàwolò à mà kulɛ lì òhwa nanù, hwatò hwa ehvehva ya Ihvàlìrzàyì na e wɔ hwa ehvehva ya Rzàdùrzì hwa wòteyà lì tɔ̀wɔ mòtàŋgò. O eŋgànɛ̀lɛ̀ wòlìya wò ma kàhwahwa.

Hwègbèèlì 24:15

Nà òhvi lìhvìtà na Lohwɛ̀ nyayi hvɔ̀kɔ hvɛ mɛnɛ na òma hwanù hwatò wɔhvɛ hwa òhvi. Nà àhvìtɛ̀ nanù ema hwatò hwa arzɛ hwa ò hvùmùwà ò kpelì, e wɔ̀ ema hwa tɛmi ehve-ehve na e hwaa wòhwe.

Hwègbèèlì 24:21

Lì akà tɛ ene eyà ya awɔ̀kɛ mɛnɛ ema nà mà gbeye. Nà ma kàrzɛ lìlò la ami nanù ema, ‘Inyɔ e nò kàyìrzɛ ndi ànu yàwònò èhwanja na lòkɛ̀yi nanù ema hwatò ema hwa ŋwelì hwa ò hvùmùwà hvɛ ò lòŋgɛ.’”

Hwègbèèlì 28:20

Lìtiŋga lɔ̀ lìŋgi ema lì gbèyi imba na e hwɛlɛ nanù ema jò òhwe. Ò jɔ̀kɛ̀-jɔ̀kɛ̀ na arza nanù ema e hwiye nanù ema e hwèlì tɛ nanù ema iŋgɔ̀kɔ̀hwi i nò hwèlì tɛ ò màà ma ami, nanù òma i hwèlì ndi ò lì hvòmɛ̀nɛ̀ e mòtò ema hwatò hwa Irzàyɛ̀lì hwa ikayi màhvìtà mà awu nanù ema mɔ̀ à hwɛni lì jà.”

Hvìlipìyà 3:5

È hvonda ema nà mà ŋyàahwè, nà ma endàhwa o mèenyà hwàmbi. Nà hwèlì ndi mùnyanà hwa Irzàyɛ̀lì ema na uwɛlɛlɛ o lìtumba la ama Bènjàmɛ̀nì. È rzàŋgo na e nyàŋgo ya ami hwà mà hwɛ ndi hwatò hwa Hibrù. Nà ma hwɛ ndi mùnyanà wa Hvàlìrzàyì, nà mà ika imbenda na oma ja arzahwa.

Kòlòrzìyà 1:5

I hwi nanù ema inyɔ è gbeyà ndi nanù ehwànja è mà rzèkeyà mèèmà mè anyu nanù ema è ò lùwa mònàmɛ̀ ema Lohwɛ̀ à mà è ùteya ò ŋmanyu yà lohwà. Inyɔ è mà màa lì hweya hweyà lì hvomɛ̀nɛ̀ moŋgo mònàmɛ̀, è hvonda ema hwa mà lòme lì è ohweyà ŋmɛ̀ndì mò gbamù.

Hibrù 6:19

Lìŋgi lìhvìtà lì hwèlì ndi nàa yòoma ema e gbeyà mòŋgɛ ma arzu o lì ètìrzɛ̀hwɛ o hwetɛmelì. Lìni lìhvìta ndi lì gbeyà irzɔ ja akeyà o lìhwàtù ema lì kekayi lìyohva o lì uka o ekì ema e hwèlì wòtani, ekì ema Lohwɛ̀ a hwèlì.