Hwègbèèlì 23:23 - Mokpwe: Bakwery (New Testament)

²³ Òŋgò mòkànèlì wa hwàanà njuma rzìi a hwɛlɛ hwaànelì hwa njuma hwa eni hwa hwàkɛ rzìi a hwa òhweyà nanù ema, “È wòwe hwègbe hwehwakɛ hwe hwàànèlì hwa njuma, e hwa wòŋgirzɛnɛ ò lì ɛndɛ ò Kàyìrzèrìyà, e late hvɛ menì lìrzamba me hwàànèlì hwa njuma ema hwa ɛ̀ndɛnɛ iwɔ̀rzi, na ègbe ya hwàànèlì hwa njuma ema hwa anana na màwɔ̀ŋgɔ̀. O wa na wɔ̀ e wòŋgirzɛnɛ e anjiye eyà ya lùuwa la ŋgɛ̀ŋgì la wùu.

Hwègbèèlì 23:23 ပူးပေါင်းရင်းမြစ်များ

Matiyò 14:25

O ekpa ya arzɛ, Yerzù à mà ɛ̀ndɛnɛ matàŋgà ma eni ò malìhwa ò lì ùŋmànɛ̀lɛ̀ hwà-òkòlèlì hwa eni.

Lukàrzɛ̀ 12:38

Tɔ̀ a jà ndi ò kɔ̀rzi ya wu, tɔ̀ ò ekpaàrzɛ rzi a hwa ùŋmànɛlɛ ema hwà mà wòŋgirzɛnɛ mònàmɛ̀ mò hwɛ na hwaŋga hwàgbèèlì.

Hwègbèèlì 23:22

Òŋgò mòkànèlì wa hwàànà njuma rzìi a mò òhweyà nanù ema, “O rzi òhweyà tɔ̀ mòtò nanù ema ò nò òhwèlì ene wùndɛ̀.” Nà òma à mà kulɛ lì mò òhweyà nanù, rzìi a mò òhweyà nanù ema a ɛndɛ.

Hwègbèèlì 23:31

Hwàŋga hwààna njuma hwà mà gbeyà na òma wɔ̀ hwà mà òhwahwɛlɛ ò lì gbeyà. Hwà mà wòwa Pàwolò wòŋgò wuu rzìi hwa mò jànà natɛ̀ɛ ò mbòwa ndɛnɛ ya Antìpàtrìrzì.

Hwègbèèlì 23:32

O wònɛ̀yi wùnyà hwààna njuma ema hwà mà ɛ̀ndɛnɛ matàŋga hwà mà tìmba ò ndawò ya awu ya ŋguhwa, rzìi hwa hwɛmɛ hwààna njuma ema hwà mà ɛ̀ndɛ̀nɛ̀ iwɔ̀rzi ò lì ɛ̀ndɛ̀nɛ̀ Pàwolò.

Hwègbèèlì 23:33

Wɔ hwà mà ɛ̀ndɛ̀nɛ̀ Pàwolò ò mbòwa ndɛnɛ ya Kàyìrzèrìyà. Nà òma hwà mà uke aŋga hwà mà tɛtirzɛ e mòkànèlì itita rzìi hwa mò akɛlɛlɛ Pàwolò.

Hwègbèèlì 8:40

Hvìlìpì à mà ayèmbɛ mɔ̀ ŋmìti ò mbòwa ya Arzɔ̀tùrzì, tɔ̀ ima mbòwa ema à mà uke à mà hwɛ lì òhwa Ŋmɛ̀ndì mò Gbamù natɛ̀ɛ à mà uka ò mbòwa ya Kàyìrzèrìyà.