Hwègbèèlì 23:18 - Mokpwe: Bakwery (New Testament)

¹⁸ Oŋgò ŋmànelì wa njuma à mà ɛ̀ndɛ̀nɛ̀ eŋge mberza òma e mòkànèlì wa hwàànà njuma rzìi a mò òhweyà nanù ema, “È mòtò wa hwèwòwà ema a hwɛ̀lɛ̀hwɛ̀ Pàwolò a nò òhwèlì à mà nò ò jàneyà ene mberza, èhwanja e hweni eyà ò lì ò òhweyà.”

Hwègbèèlì 23:18 ပူးပေါင်းရင်းမြစ်များ

Lukàrzɛ̀ 7:40

Yerzù rzìi a mò òhweyà nanù ema, “Rzìmɔ̀nì nà òhvì eyà ò lì ò òhweyà.” Rzìi èŋge Hvàlìrzàyì hvɛ a mò alàhwɛ̀ nanù ema, “Mòòkòlèlì, ò nò òhweyà.”

Yòwanìrzɛ̀ 18:12

Rzìi hwaŋga hwanelì hwa njùma nà è mòtimbèlì wa awu, nà hwàgbèèlì hwa hwatò hwa Yudà, hwa mà lɛmbɛ Yerzù rzìi hwa mò kanya.

Hwègbèèlì 16:25

O eyà ya kɔrzi ya wuu, Pàwolò na Rzàyìlàrzì hwà mà hwɛ lì kànɛ na lì embeya Lohwɛ̀ mɛ̀rzɔ̀kɔ̀ me kààtì. Rzìi hwanɛ̀yi hwatò hwa hwèwòwà hwa a hwa òkànèyà.

Hwègbèèlì 23:17

Pàwolò rzìi a hwɛlɛ ŋmànelì wa njuma mɔ̀kɔ rzìi a mò òhweyà nanù ema, “Ɛndɛnɛ ene mberza òma e mòkànèlì wa hwàànà njuma, a òhvi eyà ò lì mò òhweyà.”

Hwègbèèlì 23:19

Oŋgò mòkànèlì wa hwàanà njuma à mà lɛmbɛ èŋge mberza ò lìya rzìi a mò ɛ̀ndɛnɛ tòŋgòŋgò hvɔ̀kɔ rzìi a mò ijòwa nanù ema, “Mamɛ ò arza lì nò òhweyà e?”

Hwègbèèlì 27:1

È hvònda ema hwà mà kulɛ nanù ema i kpèeyà ò tenì ya melì me ŋmànja ò lì ɛndɛ o èkòmè ya Itàlì, hwà mà akɛlɛlɛ Pàwolò na hwahvɛhvɛ hwatò hwa hwèwòwà ò ma e mòkànèlì wa hwààna njuma ema à mà hwɛ̀lɛ̀hwɛ̀ Jùlìyɔ̀rzì. Jùlìyɔ̀rzì mɔ̀ à mà hwɛ lì kànèyà lìtuta la hwààna njuma ema hwà mà hwɛ lì hwɛlɛ nanù ema, “Lìtuta la hwààna njuma hwa ama Kàyìrzà.”

Hwègbèèlì 28:17

O mburzà ya mèenyà meyawò, Pàwolò à mà rzàŋga hwatimbelì hwa hwatò hwa wònyà Yudà ema hwà mà lìya ò èŋge mbòwà ndɛnɛ ya Ròmànì ò wòlìya. È hvònda ema hwà mà jèe, rzìi mɔ̀ à hwa òhweyà nanù ema, “Ìi wònyànyàŋgò wa ami hwa Irzàyɛ̀lì, imba na rzi gbeye hwatò hwa arzu tɔ̀ eyà yɔ̀kɔ ya wòhwe, ndèŋgàna na rzi gbeye tɔ̀ eyà yɔ̀kɔ ya wòhwe ò lì teŋgɛ̀nɛ̀ ɛ̀ɛ̀mɛ̀ ema imbamba ja arzu i ma jò lìiya. Ndi tɔ̀ nanù, hwatò hwa arzu hwà mà nò lɛmbɛ ò Jèrurzalɛ̀mù rzìi hwa nò akɛlɛ ò hwàtimbelì hwa Ròmànì. O eŋgànɛ̀lɛ̀, na hwèlì ndi ànu nàa mòtò wa hwèwòwà.

Ɛ̀hvìrzìyà 3:1

Lìtiŋga lìni ema imba Pàwolò na e kanɛ̀lɛ̀lɛ̀. Nà hwèlì ndi e mòtò wa hwèwòwà èhwanja na hwèlì ndi mògbèèlì wa ama Yerzù Krirztò ndeŋga na e ohweyà eyà yà Lohwà.

Ɛ̀hvìrzìyà 4:1

O èŋgànɛ̀lɛ̀ rzɔ imba ema na hwèlì ndi nàa mòtò wa hwèwòwà èhwanja o nyòla èwòlò ema na gbèeya Rzàŋgo, nà è rzòrzòmèyà nanù ema hwɛ̀ɛ̀mɛ̀ hwe anyu hwe hwɛ ndi na oma Lohwɛ̀ a arza, na oma Lohwɛ̀ à mà e hwɛlɛ à mà e lìya.

Hvìlɛ̀mɔ̀nì 1:9

è ndìŋgɛ ema imba nà ò hwɛ̀nèlì, è nò gbeyà nanù ema nà hwɛ ndi ò lì ò rzòrzòmeyà. Imba Pàwolò nà ohwa ndi nanù nàa molùni wà mòtò ema à hwèlì ò hwèwòwà nàŋgɛ ò nyòla lìinà là ama Krirztò.