Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hwègbèèlì 23:1 - Mokpwe: Bakwery (New Testament)

1 Pàwolò à mà ɔ̀ŋgɔ hwatò hwa hwèlìyelì hwe lìkànèyà la mbòwa kòò rzìi a òhwa nanù ema, “Ìi wònyànyàŋgò hwa ami kòkò hwa wònyà Yudà! Nàtɛ̀ɛ na ò wònò wùnyà wò yawònò èlìŋgɛ̀ ya ami e hwèlì gbamù, ò lì hvòmɛ̀nɛ̀ lòŋgɛ la ami ò wòrzò wa ama Lohwɛ̀.”

အခန်းကိုကြည့်ပါ။ ကော်ပီ




Hwègbèèlì 23:1
17 ပူးပေါင်းရင်းမြစ်များ  

Ndi nà è òhwèyà ema tɔ̀ ima mòtò ema à tatani òhvɛhvɛ mòtò, mɔ̀hvɛ à ò ikahwa ò hwèkàyìrzelèlì. Tɔ̀ ima mòtò hvɛ ema à hwɛnyi ŋmànyàŋgò wà eni nanù ema, ‘Èleŋgè’ à hwɛnì lì alàhwɛ̀ è ndawò yà hwèkàyìrzelèlì yà hwa ndɛnɛ. Ndi tɔ̀ njɛnɛ hvɛ ema à hwɛlɛ ŋmànyàŋgò wà eni nanù ema, ‘Ò wà èèti yà mòtò,’ à ò aŋgbahwa ò mùnya ema mò rza lìma.


“Hwa tatɛ̀ na wònyànyàŋgò hwa ami, e nò òkànèyà na òma na kàya mònò ŋmàŋgò ema na rza òhvɛ tɔ̀ njɔ̀mi ò màrzò ma anyu.”


È mòkànèlì wà hwàànèlì wà njuma à mà arza ò lì hwiya kɔ̀yi-kɔ̀yi mamɛ wònyà Yudà hwa òhwa nanù ema Pàwolò à gbèyi. Ò eŋgànɛ̀lɛ̀ ò wònɛyi wùnyà à mà òhwa ama hwa rzòlòhwè Pàwolò iŋgi ŋgɔ̀kɔ̀hwì. Rzìi à yòwɛ̀ ipìlìrzì ndɛ̀nɛ nà wòlìya wò arzɛ wò mbòwà wò wònyà Yudà nanù ema wɔ̀ nà mɔ̀ hwa hwɛnɛ wòlìyà. Rzìi à wòwa Pàwolò à hwa tɛ̀mìrzɛ̀lɛ̀lɛ̀ è mɔ̀ ò màrzò mà awu.


È pìlìrzì è karzamì nà hwàmbàkì hwa arzɛ hwa lìkànèyà là mbòwà, hwa tanɛyi lì imànɛlɛ nanù ema nà òhwa ndi è jɔ̀kɛ̀. Nà mà hwa wòwànà hwètìtà ema hwa mà tìleya wònyanyàŋgò hwa ami hwa wònyà Yudà ema hwa hwèlì ò mbòwa ndɛnɛ yà Dàmàrzkɔ̀rzì. Ò eŋgànɛlɛ rzɔ imba nà mà ɛndɛ aŋga ò lì ŋgbaŋgɛ hwaŋga hwatò, lì hwa kàka, rzìi nà hwa tìmbànà ò Jèrurzalɛ̀mù aŋga nanù hwa kɔ̀kìrzɛ̀hwɛ.”


O eŋgànɛlɛ rzɔ, inyɔ na hwatò hwa wòlìya wò lìkànèyà la mbòwa e òmeya e mòkànèlì hwa hwàànà njuma ŋmɛ̀ndì nanù ema a jo jàneyà Pàwolò. È àhwàŋgɛ̀lɛ nanù ema e arza ndi lì mò hweyàna kɔ̀yi-kɔ̀yi. Ndi irzɔ i wòŋgirzɛnɛ ò lì mò òŋwa ndèŋgàna a e uka anu.”


Èŋge mberza rzìi e mò alàhwɛ̀ nanù ema, “Lòŋgò la hwàtimbelì hwa wònyà Yudà hwà mà kaka mundɛ ò lì ò akòhwana nanù ema ò jàne Pàwolò ŋmɛlɛ ò hwèlìyelì, ò lì àhwàŋgɛ̀lɛ nanù ema hwèlìyelì hwe mbòwa hwe arza lì arzìirzɛ kɔ̀yi-kɔ̀yi hwehvɛhvɛ hweyà lì hvòmɛ̀nɛ̀ Pàwolò.


Nà ma arza lì hwiya mamɛ ema wɔ̀ hwa òhwa nanù ema a gbèyi. O èŋgànɛ̀lɛ̀ nà mà mò ɛ̀ndɛ̀nɛ̀ ò wòlìya wò mbòwa.


Nà òma Pàwolò à mà ayèmbɛ nanù ema lòŋgò la hwaŋga hwatò hwa eŋge ŋgindi hwà mà hwɛ ndi hwatò hwa ehvehva ya Rzàdùrzì ndèŋgànà hwànɛ̀yi hvɛ Ihvàlìrzàyì, mɔ̀ à mà kàrzɛ lìlò la eni rzi a òhweyà hwatò hwa lìkànèyà la mbòwa nanù ema, “Ìi wònyànyàŋgò wa ami hwa wònyà Yudà kòkò! Nà hwèlì ndi hvàlìrzàyì, ndèŋganɛlɛ na hwèlì ndi e ŋmanà wa mòtò ema a hwèlì ò ehvehva ya Hvàlìrzàyì. Nà hwèlì ndi ò hwèkàyìrzèlèlì anu ehwànja na lòkɛ̀yi nanù ema Lohwɛ̀ a ò hvùmùlɛ hwatò ema hwà mà ŋwɛɛ ò lòŋgɛ.”


O èŋgànɛ̀lɛ̀ na keka ihvònda ja arzɛ nanù ema ŋmèma mò ami mò rzaŋge ò wòrzò wò ama Lohwɛ̀ na ò wòrzò wò ama e mòtò wa hwènàmà.


Hwatò hwa arzɛ ema hwà mà hwɛ ò wòŋgò wòlìya hwà mà rzòkɛ Rzìtehvànɛ mìirzɔ̀ rzìi hwa ɛnɛ nanù ema wòrzò wò eni wò ma hvànya ndi nàa wòrzò wò aŋgèlì.


Ŋmèma mo ami mo rzaŋgi o tenì, ndi èŋge e rza no ŋgbelì wònjà o lì ohwa nanù ema na hvomɛ̀nɛ̀yi. Rzàŋgo Mɔ̀ ŋmìti ndi à no kàyìrzɛ̀.


Mamɛ ya arzɛ ema e gbèyɛ̀nɛ̀yi, e jò ŋgbelì kumba. I tànɛyi lì ohwà na mèèmà me rzaŋgi ema o hwɛ̀ɛ̀mɛ̀ hwɛ arzu hwe arzɛ anù rze, rzɛ̀hvɔ̀nì na oma i hwèlì na inyɔ na mèèmà me wòtani, na e jɔ̀kɛ̀ ya arzu. Nànù ndi Lohwɛ̀ a mà tɛ̀yirzɛ ema e hwɛ. Rzeketɛ o lìhwiyè la arzù la mòtò wa hwènàmà, ììlì ja ama Lohwɛ̀.


I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.


Nà èki Lohwɛ̀ mɔ̀ ndi à hwèlì è mɔ̀ ema imba nà gbèeyà nà ŋmèma mɔ̀kɔ nà oma è nyɔ̀ŋgɔ̀nì yà ami è mà mò gbèeyà. Nà mò èka ihvonda ja arzɛ ò lì ò hvomɛ̀nɛ̀ tɔ̀ ima lìrzako ema nà kanɛ̀ ŋmèrze nà wù.


È jo kanɛ̀lɛ̀lɛ̀ èhwanja màlùtèyà ma arzu ma rzaŋgi, ndèŋgànɛ̀lɛ̀ hvɛ irzɔ ja arza lì lìya na èluhwe o tɔ̀ ima eyà ema i gbeyà.


Ndi e gbeye nanù na mèèmà ema me lìhvohwèlì. Inyɔ e gbeyà tɛ nanù, inyɔ e arzihwirzɛ na èluhwe ya arzɛ ndèŋgànɛ̀lɛ̀ inyɔ e lìhvowe mèèmà me anyu o hwatò ema hwa ohwa hweyà hwe wòhwe o lì e teŋgɛ̀nɛ̀ ehwànja e oŋgama Krirztò. Wɔ̀ hwa o òka ìrzɔnì hwa ɛni tɛ hwɛ̀ɛ̀mɛ̀ hwe anyu hwe gbamù.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ