Hwègbèèlì 22:25 - Mokpwe: Bakwery (New Testament)

²⁵ Ndi è hvònda ema wɔ̀ hwa mà hwɛ ò lì kàka Pàwolò ò lì mò gbiyɛ è hvònji, Pàwolò rzìi à ijòwa è ŋmànèlì wà njuma ema à mà mò kòmbɛ̀nɛ̀ nanù ema, “È hvòmɛ̀nɛ̀ nanù ema inyɔ è gbiyɛ wònja yà Ròmànì, ema è rzìi è kàyìrzɛ̀ e?”

Hwègbèèlì 22:25 ပူးပေါင်းရင်းမြစ်များ

Matiyò 10:17

È wòwe hvɛ hvònda na hwatò, ehwànja o ò hwɛ hwatò ema hwa e ò ɛ̀ndɛ̀nɛ̀ ò i ndawò ja hwèkàyìrzèlì, ndèŋgànà e gbiyɛhwɛ hvɛ hvònji ò ndawò ja awu ja màkanɛ̀.

Matiyò 27:54

Ndì è mòkànèlì hwa hwàànà njùma na hwanɛ̀yi hwàànà njuma ema hwà mà hwɛ lì ɔŋgeya Yerzù, hwà mà ɛnɛ mònyìŋgìrzɛ̀nɛ̀ na mamɛ ya arzɛ ema e ma gbèyɛ̀nɛ hwa mà lɛ̀mbeya mòkambiya rzìi hwa òhwa nanù ema, “Nà e jɔ̀kɛ̀ ònò mòtò à mà hwɛ ndi è Ŋmanà wà munyanà wà ama Lohwɛ̀.”

Matiyò 8:8

Oŋgò mɔ̀ɔ̀ŋgèlì wà hwàànà njùma rzìi à alàhwɛ̀ Yerzù nanù ema, “Ìi Rzàŋgò nà rza uki tɔ̀ mòtò ema nà tànɛyi lì ò arzàŋgànɛ̀lɛ̀ nàa ŋmɛ̀nì ò ndawò yà ami, ndi òhwa mbɔrzi hvɔ̀kɔ òma è mògbèèlì wà amì à mà wɔ̀wɔ̀.

Hwègbèèlì 10:1

O ma hwɛ munyanà mɔ̀kɔ wa Ròmànì ò mbòwa ya Kàyìrzèrìyà à mà hwɛ̀lɛ̀hwɛ̀ Kɔ̀nɛlìyurzi. A ma hwɛ ndi mòkànèlì ema à mà hwɛ lìkànèyà lìtuta lɔ̀kɔ la egbe yɔ̀kɔ ya hwàanà njuma ema lì ma hwɛ̀lɛ̀hwɛ̀ nanù ema, “Lìtuta lɔ̀kɔ la egbe yɔ̀kɔ ya hwàanà njuma ò èkòmè ya Itàlì.”

Hwègbèèlì 16:37

Ndi Pàwolò à mà òhweyà iŋgi pòlìrzi nanù ema, “Irzɔ i rza lùwahwi tɔ̀ njɔ̀mi, tɔ̀ hvɔ̀kɔ ya lìtòna, ndi hwà mà jò gbiyɛ hvònji ò marzò ma hwatò. Ndèŋgànɛ̀lɛ̀ hvɛ irzɔ i hwèlì ndi wònjà ja lìkànèyà la Ròmànì. O mburzà nanù, rzi hwa jò aŋgɛ hvɛ ò hwèwòwà. O nàŋgɛ̀ nanù wɔ̀ hwa arza nanù ema je ɛ̀ndɛ ò wùndɛ̀ e? Jàyɛ̀ e rza ɛndeya! Hwàŋga hwàtimbèlì hwiti ndi hwa hwɛnì lì jà anù, ò lì jò rzòlòwa.”

Hwègbèèlì 22:26

Nà òma òŋgò ŋmànèlì wà njuma à mà hweye nanù, rzi à ɛ̀ndɛ̀ òma è mòkànèlì wà hwàànèlì hwa njuma rzìi a mò ijòwa nanù ema, “O aŋgòwa, ò hwi mamɛ ema ò arza lì gbeyà nanù e? Ò nò munyanà à hwèlì ndi wònja yà Ròmànì!”

Hwègbèèlì 23:17

Pàwolò rzìi a hwɛlɛ ŋmànelì wa njuma mɔ̀kɔ rzìi a mò òhweyà nanù ema, “Ɛndɛnɛ ene mberza òma e mòkànèlì wa hwàànà njuma, a òhvi eyà ò lì mò òhweyà.”

Hwègbèèlì 23:27

Hwatò hwa wònyà Yudà, hwà mà lɛmbɛ ònò mòtò, ndèŋgànà hwa arza lì mò òŋwa. Ndeŋgànɛ̀lɛ̀ na rzɔ̀ŋgìtɛ̀nɛ̀ nanù ema, a hwèlì ndi wònja ya Èkòmè ya Ròmànì, ɔndi imba na hwàànèlì wa ami hwa njuma jɛ̀ɛ̀ ɛndi lì mò ulɛ ò màà ma awu.

Hwègbèèlì 25:16

Ndi imba nà mà hwa òhweyà nanù ema hwatò hwa Ròmànì hwa òhvi ɛ̀ɛ̀mɛ̀ ema e hwèlì ndi nanù ema ò rza tànɛ lì akɛlɛ e mbàkò ema mòtò a tùu ŋmàŋgò e rzi hwɛ nanù ema mɔ̀ à kayirzɛ̀hwɛyi ò marzò ma hwaŋga hwatò ema hwa mò rzɔ̀mɔ̀ni. Hwa àŋgàmɛ̀nɛ̀yi lì mò ŋgba ehvòlò ò lì kaya ŋmàŋgò mò eni.

Hwègbèèlì 27:1

È hvònda ema hwà mà kulɛ nanù ema i kpèeyà ò tenì ya melì me ŋmànja ò lì ɛndɛ o èkòmè ya Itàlì, hwà mà akɛlɛlɛ Pàwolò na hwahvɛhvɛ hwatò hwa hwèwòwà ò ma e mòkànèlì wa hwààna njuma ema à mà hwɛ̀lɛ̀hwɛ̀ Jùlìyɔ̀rzì. Jùlìyɔ̀rzì mɔ̀ à mà hwɛ lì kànèyà lìtuta la hwààna njuma ema hwà mà hwɛ lì hwɛlɛ nanù ema, “Lìtuta la hwààna njuma hwa ama Kàyìrzà.”

Hwègbèèlì 27:3

O wònɛyi wùnyà irzɔ i ma uka ò mbòwa ndɛnɛ ya Rzidònì. Jùlìyɔ̀rzì à mà hwɛneya Pàwolò ŋmèma mò gbamù. Rzìi à mò hwɛmɛ nanù ema a ɛndɛ a ɛnɛ imbunda ja eni, òma hwà mà mò ŋgba tɔ̀ mamɛ ema a arza.

Hwègbèèlì 27:43

Ndi òŋgò mòkànèlì wa rzònja, à mà arza ò lì kàrzòlɛ Pàwolò, ò eŋgànɛ̀lɛ̀ à mà aya irzònja ema hwa rzi gbeyà nanù. Mɔ̀ à mà kànèyà nanù ema hwaŋga hwatò ema hwa tànɛyi lì nyɔ̀keyà hwa hvànje ò malìhwa hvɔ̀ni hwa nyɔ̀keyà ò lì uka ò rzàawà.