Hwègbèèlì 22:24 - Mokpwe: Bakwery (New Testament)

²⁴ È mòkànèlì wà hwàànèlì hwa njuma rzìi à àka hwàànèlì hwa eni hwa njuma ò lì kpeyàneyà Pàwolò ò tenì yà è ndawò yà ŋguhwa. Rzìi à hwa àka nanù ema hwa gbiyɛ Pàwolò hvònji aŋga nanù à òhwa lìtiŋga mamɛ ndeŋgatɛ wònyà Yudà hwa mò lòrzòwà.

Hwègbèèlì 22:24 ပူးပေါင်းရင်းမြစ်များ

Yòwanìrzɛ̀ 19:1

Pìlatò rzìi a òhwa à mà hwa ɛndɛ hwa tiye Yerzù.

Hwègbèèlì 16:37

Ndi Pàwolò à mà òhweyà iŋgi pòlìrzi nanù ema, “Irzɔ i rza lùwahwi tɔ̀ njɔ̀mi, tɔ̀ hvɔ̀kɔ ya lìtòna, ndi hwà mà jò gbiyɛ hvònji ò marzò ma hwatò. Ndèŋgànɛ̀lɛ̀ hvɛ irzɔ i hwèlì ndi wònjà ja lìkànèyà la Ròmànì. O mburzà nanù, rzi hwa jò aŋgɛ hvɛ ò hwèwòwà. O nàŋgɛ̀ nanù wɔ̀ hwa arza nanù ema je ɛ̀ndɛ ò wùndɛ̀ e? Jàyɛ̀ e rza ɛndeya! Hwàŋga hwàtimbèlì hwiti ndi hwa hwɛnì lì jà anù, ò lì jò rzòlòwa.”

Hwègbèèlì 21:34

Lòŋgò la hwatò ò tenì ya eŋge ŋgindi, hwà mà tɛɛ ehvɛhvɛ eyà, hwanɛyi wɔhvɛ e ya awu. Ndi kànatɛ e mòkànèlì a rzi tanɛ lì luwa e jɔ̀kɛ̀ ehwànja kanjɛ̀-kanjɛ̀, à mà kànèyà nanù ema hwa ɛ̀ndɛ̀nɛ̀ Pàwolò ò ndawò ya ŋguhwa.

Hwègbèèlì 21:37

Nà òma hwàànèlì hwa njuma hwà mà arze lì kpeyaneya Pàwolò ò tenì ya eŋge ndawò ya ŋguhwa, rzi mɔ̀ à òhwèyà e mòkànèlì wa hwàanà njuma nanù ema na hwɛni ŋmanà eyà ò lì ò òhweyà. Oŋgò mòkànèlì wa hwààna njuma rzi a mò ijòwa nanù ema, “O eŋgànɛlɛ ò tanɛyi lì òhwa e mbɔrzi ya Grìki e?

Hwègbèèlì 23:10

Mòtàŋgò mò ma òlòwa nyayi ema e mòkànèlì wa hwààna njuma à mà òka wɔ̀ŋgɔ̀ nanù ema, wɔ hwa tànɛyi lì tàawa Pàwolò. O eŋgànɛ̀lɛ̀ rzɔ, mɔ̀ à mà àka hwàanèlì wa eni hwa njuma ò lì rzihwa ò tenì ya e ŋgindi, ò lì wòwa Pàwolò ò ìtììtènì ja awu, lì ɛndɛ lì mò uta ò ndawò ya ŋguhwa.

Hwègbèèlì 23:27

Hwatò hwa wònyà Yudà, hwà mà lɛmbɛ ònò mòtò, ndèŋgànà hwa arza lì mò òŋwa. Ndeŋgànɛ̀lɛ̀ na rzɔ̀ŋgìtɛ̀nɛ̀ nanù ema, a hwèlì ndi wònja ya Èkòmè ya Ròmànì, ɔndi imba na hwàànèlì wa ami hwa njuma jɛ̀ɛ̀ ɛndi lì mò ulɛ ò màà ma awu.

Hwègbèèlì 28:18

Nà òma hwàtimbelì hwa Ròmànì hwà mà nò kàyìrzɛ hwà mà arza lì nò hwɛmɛ ema na ɛ̀ndɛ, èhwanja hwa rzìi nò lùwane tɔ̀ lìtiŋga ema lì ma nò kànɛyi e kpelì.

Hibrù 11:35

Lìlòkɛ̀ la lòŋgo la hwalanà lɔ ndi lì ma hwa gbeyà o lì ɛnɛ hwatò hwa awu ema hwà mà ŋwɛɛ o lì timba o lì hwɛ o lòŋgɛ. Ndi hwahvɛhvɛ hwatò hwà mà gbiyahwa natɛ̀ɛ hwa ŋwa. Wɔ̀ hwà mà rzɔ̀rzɔ̀ o lì rzɔ̀rzɔ̀ Lohwɛ̀ aŋga nanù hwa hwà hwɛmɛ. Wɔ̀ hwà mà gbeyà ndi nanù èhwanja hwà mà hwiya ema hwa hvùmù tɛ hwa o luwa lòŋgɛ la gbamù lì aka e lɔ ema lì hwèlì o rze.