Hwègbèèlì 22:14 - Mokpwe: Bakwery (New Testament)

¹⁴ O mburza nanù, Ànàniyarzì rzìi à òhwa nanù ema, ‘Lohwɛ̀ la ama imbamba ja arzu à mà màà lì ò hvɔ̀rzɔ̀ ò lì hwiya lì emeyà la eni, na ò lì ɛnɛ e Mɔ̀ ema a hwèlì Èhve-ehve na ò lì hweyà imbɔrzi ema jò uwɛ̀lɛ̀lɛ̀yì ò wàna ya eni.

Hwègbèèlì 22:14 ပူးပေါင်းရင်းမြစ်များ

Yòwanìrzɛ̀ 15:16

Inyɔ è rzi nò hvɔ̀rzè, ndi imba ndì nà è hvɔ̀rzì rzìi nà è òmi nanù ema è ɛ̀ndɛ è gbèye hweyà ema hwe ŋyàa hwehvùma hwe gbamù. Iŋgi nyàyi jà hweyà ema ì ò indaa. È gbèyi tɛ nanù Tatɛ̀ wà ami à è ŋgbà tɔ̀ ima nyàyi yà yomà ema è mò ijòwi ò lìnà là ami.

Hwègbèèlì 13:17

Lohwà la ama wònyà Irzàyɛ̀lì lì ma hvɔ̀rzɔ̀ imbamba ja arzu, à mà òlòwirzɛ hwatò rzayi-rzayi e hvònda ema wɔ̀ hwà mà hwɛ hwàyɛ̀nì ò èkòmè ya Ìjiptò. O mburza nanù, Lohwɛ̀ rzìi a gbeyàna e ŋginyà ya eni ndɛnɛ ò lì hwa ulɛ ò tenì ya èkòmè ya Ìjiptò.

Hwègbèèlì 22:15

O wa o ò nò tɛ̀meyà mbòŋgi ò lì òhweyà hwatò hwa arzɛ mamɛ ema ò wa ò ɛni na lì hweyà.

Hwègbèèlì 22:18

O tenì ya ini jɛ̀nɛ̀ni imba nà mà ɛnɛ Rzàŋgò. A ma nò òhweyà nanù ema, ‘Ahweŋgɛ ò anjiye ò Jèrurzalɛ̀mù ehwànja hwatò hwa ene mbòwa hwa rza ò emeyà hweyòhwèlì hwe aŋgɔ̀ ò lì nò hvòmɛ̀nɛ̀.’

Hwègbèèlì 24:14

Ò jɔ̀kɛ̀ imba na imelì ò wòrzò wò aŋgɔ̀ nanù ema na gbèeyà Lòohwà ema imbamba ja arzu i ma gbèeyà nàa òma imba na òŋgama e Njiya ya jɔ̀kɛ̀. Nà lòkɛ̀ hweyà hwe arzɛ ema hwe tɛmi ehve-ehve lì hvòmɛ̀nɛ̀ e mbenda ya ama Mòrzè na mamɛ ema hwà-òhwèlì hwa hwèlìŋgɛ̀ hwà mà tìle.

Hwègbèèlì 26:16

Ndi ò naŋgɛ tɛ̀mɛ̀nɛ̀ ò ŋmanyu, ehwànja imba nà ò wurzelì ndi ò lì ò hvɔ̀rzɔ̀ nàa è mògbèèlì wà ami ndèŋgànà nàa mbòŋgi ò hwahvɛhvɛ hwatò, ò lì hvòmɛ̀nɛ̀ hweyà ema ò mà ɛnɛ yawònò, nà hweŋge ema o ò ɛnɛ ò hvònda ema è ò jɛ̀ɛ̀.

Hwègbèèlì 5:30

È hvònda ema inyɔ e ma kulɛ lì wòmeyà Yerzù ò mbarza, e ma mò òŋwa, Lòohwà la ama i mbamba ja arzu i ma mò hvùmùlɛ̀.

Hwègbèèlì 7:52

O ma hwɛ tɔ̀ mòòhwèlì wà èlìŋgɛ̀ tɔ̀ mɔ̀kɔ ema imbamba ja anyu, i rzi tàkirzɛ̀ e? Wɔ̀ hwà mà òŋwa irzuhwɛlɛ ja ama Lohwɛ̀ ja arzɛ ja kòhwa, ema hwà mà hwɛ lì òhwa lì hvòmɛ̀nɛ̀ hwejèelì hwe ama e mɔ̀ ema a gbèeyà hweyà ema hwe hvòmɛ̀nɛ̀. O naŋgɛ rzɔ inyɔ e ma mò àhwirzɛ̀ na lì mò òŋwa.

Hwègbèèlì 9:15

Ndi Rzàŋgò à mà òhweyà Ànàniyarzì nanù ema, “Ɛ̀ndɛ̀, èhwanja nà mà hvɔ̀rzɔ̀ ònò mòtò ò lì nò gbèeyà. Mɔ̀ à ò gbeyà hwaŋga hwatò ema hwa rza enje wònyà Yudà, ikìŋgɛ̀ jà awu, nà wònyà Yudà ò lì nò hwiya.

Hwègbèèlì 9:17

O èŋgànɛ̀lɛ̀ Ànàniyarzì à mà ɛndɛ, rzi a kpèeyà ò tenì ya e ndawò ema Rzàwòlò à mà hwɛ, rzìi a mò hwàkɛ màà ma eni. A ma mò òhweyà nanù ema, “Ŋmanyàŋgò wa ami Rzàwòlò kòkò, Rzàŋgò a nò òmani lìkànèyà. Rzàŋgò Yerzù ema a ma ò wùrzeyà ò njiya na òma ò ma hwɛ lì jà anu. A nò òmi ò mbàà aŋgɔ̀ aŋga nanù, ò wa, ò tànɛ lì ɛnɛ̀ hvɛ, na lì òndìrzɛ̀hwɛ nà Èlìŋgɛ̀ yà Wòtani.”

Ròmànì 1:1

Imba, Pàwolò, e mògbèèlì wa ama Yerzù Krirztò, imba ndi na tìlì ene kààti. Lohwɛ̀ à mà nò hvɔ̀rzɔ̀ ò lì hwɛ e àpɔ̀rzìtòlò ya eni ndèŋgànɛlɛ à mà nò ŋgbàà èwòlò ò lì òhwa Ŋmɛ̀ndì mò eni mò Gbamù.

1 Kɔ̀rintìyà 11:23

Nà ma loma lì e akɛlɛlɛ hwèyòkòwèlì ema nà mà lùwànè Rzàŋgo. O wòŋgo wùù ema Rzàŋgo Yerzù à mà àhwirzɛ̀hwɛ̀, à mà wowa ehvòòto yɔ̀kɔ.

1 Kɔ̀rintìyà 15:3

Nà ma e ohweyà Ŋmɛ̀ndì mò Gbamù ema nà mà luwe ndèŋgàna mo hwèlì wòlìtò. Mòŋgo ŋmɛ̀ndì mò hwèlì ndi ema, Krirztò à mà jo ŋwèeyà o wòhwe wò arzu, na oma e tìlahwì o kààtì ya ama Lohwà.

1 Kɔ̀rintìyà 15:8

O lìrzukù, à mà no wurzeya imba hvɛ, tɔ̀ nɛ na hwèlì ndi mòtò ema à mà ŋyaahwa ndi e hvonda ema hwatò hwa rzìi hwiye ema mòtò a ŋyàa ŋmanà.

1 Kɔ̀rintìyà 9:1

Nà rza ohvì wònjà nàa tɔ̀ ima mòtò e? Nà rza enjè ndì àpɔ̀rzìtòlò e? Ìmba nà rzì ɛnɛ Yerzù Rzàŋgo wa arzu na e ma amì mirzɔ̀ e? Rzeke inyɔ ndi e hwèlì e mbako ya èwòlò ema na gbèelì Rzàŋgo e?

2 Kɔ̀rintìyà 5:21

Lohwɛ̀ à mà hvɔ̀rzɔ̀ Yerzù o lì taka o nyòla wòhwe hwa arzu hwa arzɛ ema i ma gbeyɛ. Yerzù a rza gbèyi tɔ̀ wòhwe tɔ̀ nɛ à mà emeyà o lì ŋwa o nyòla arzu. Lohwɛ̀ à mà jo làkìrzɛ̀ wòhwe wo arzu ndèŋgànɛlɛ a ohwi à mà i rza gbeyà wòhwe hvɛ na oma mɔ̀ hvɛ a rza gbeyà wòhwe.

Gàletìyà 1:12

Nà rzì luwe ŋmɛ̀ndì mo ami lì akeyà na tɔ̀ mòtò mɔ̀kɔ wa hwènàmà, ndèŋgàna tɔ̀ mòtò tɔ̀ mɔ̀kɔ a rzi no òkolɛ e mɔ̀. Yerzù Krirztò mɔ̀ ŋmìti ndi à mà no wuluweya e mɔ̀.

Gàletìyà 1:15

Ndi tɔ̀ nɛ è mà hwɛ nanù, Lohwɛ̀ à mà lòma lì nò hvɔ̀rzɔ̀ ndèŋgàna nà è ŋyàahwà. À mà nò hwɛlɛ nà è ndèli yà eni ò lì mò gbèeyà.

2 Tìmotì 1:1

Imba Pàwolò ema na hwèlì e àpɔ̀rzìtòlò ya ama Yerzù Krirztò ndi na tilì ini itita. Lohwɛ̀ a arzi nanù ema imba na ohwe ŋmɛ̀ndì mò gbamù lì hvomɛ̀nɛ̀ lìŋgi lòŋgɛ ema a ohwi nanù ema i luwa na oma i hwèlì mòtò mɔ̀kɔ na Yerzù Krirztò.

Tàyìtùrzì 1:1

Ìmba Pàwolò ema nà hwèlì e mògbèèlì wà ama Lohwɛ̀ nà è àpɔ̀rzìtòlò ya ama Yerzù Krirztò ndi nà tilì ene kààtì. Yerzù ndi à mà nò hvɔ̀rzɔ̀ rzìi à nò oma o lì ɛndɛ lì ètìrzɛ̀ lìlòkɛ̀ la hwatò ema Lohwɛ̀ à mà hvɔ̀rzɛ̀, nà o lì hwa oŋgowàna o lì hwiya e jɔ̀kɛ̀ lì hvomɛ̀nɛ̀ Yerzù, na o lì gbeyà na oma Lohwɛ̀ a àrzeyà.

1 Pètrò 2:22

Mɔ̀ a rzi gbeye tɔ̀ wòhwe, ndèŋgànɛ̀lɛ̀ o rzi hwɛ tɔ̀ mòtò ema à mà mo hweyàna eyà ya lì kɔ̀ o wàna ya eni.

1 Yòwanìrzɛ̀ 2:1

Inyɔ ema e hwèlì nàa hwàanà hwa ami, na e tìleya ene kààtì aŋga nanù e rza gbeyà wòhwe. Ndi e hwèlì tɛ ema mòtò a gbèyi tɛ wòhwe, irzɔ jo òhvi mòtò ema a tɛmi ehve-ehve Yerzù Krirztò. Mɔ̀ ndi à jo rzorzomeya e Tàtɛ.