Hwègbèèlì 21:6 - Mokpwe: Bakwery (New Testament)

⁶ O mburza hvònda ema i ma àkpànɛ mɔ̀kɔ na ɔ̀nɛti, rzi i kpèeyà ò tenì ya melì me ŋmànja rzìi wɔ hwa timba ò mandawò ma awu.

Hwègbèèlì 21:6 ပူးပေါင်းရင်းမြစ်များ

Lukàrzɛ̀ 15:20

“Òŋgò ŋmanà rzìi a anjiya, a tìmba, lì ùŋmà rzàŋgɛ̀. O hwètìmbelì hwe eni, na òma a mà kòmbɛ̀nɛ̀ ò lì ukà ò ndawò yà àma rzàŋgɛ. Rzàŋgɛ rzìi a mò ɛnɛ̀, a mò òkeyà ììlì. A ma hwaŋga lì ɛ̀ndɛ lì mò arzàŋgànɛ̀lɛ̀.

Yòwanìrzɛ̀ 1:11

A mà jèeya ndi e mbòwà ya eni ndi hwatò hwa eni hwa rzi mò kàrzɛ.

Yòwanìrzɛ̀ 16:32

È ɔ̀ŋgɔ tɛ, e hvònda e hwèlì e ja, ndèŋgàna e ma màa lì jàa, ema e ò wùhweyà. Tɔ̀ ima mɔ̀ tɛ a ò hwaŋga lì timba ò èki ema a uwɛ̀lɛ̀lɛ̀yi. È ò nò lìya imba mbiti. Ndi tɔ̀ nanù, na rza enje imba mbiti, èhwanja Tatɛ̀ wa ami a hwèlì na imba.

Yòwanìrzɛ̀ 19:27

Rzi à òhweyà hvɛ òŋgò mòòkòwèlì wà eni mɔ̀ hvɛ nanù ema, “Nyɔ̀ŋgɛ òŋgò.” Lìwòteyà èŋge hvònda òŋgò mòòkòwèlì à mà wòwa Yerzù nyàŋgɛ ò ndawò yà eni.

Yòwanìrzɛ̀ 7:53

O mburza nanù tɔ̀ ima mòtò à mà timba ò ndawò ya eni.

2 Kɔ̀rintìyà 2:13

Ndi na oma nà mà ùke aŋga, nà mà wukumeya, èhwanja na rzi ùŋmanɛlɛ ŋmana mòwè hwa Krirztò Tàyìtùrzì ema i gbèyɛ̀nɛ èwòlò aŋga. Rzi na hwa akpanɛ, na ɛ̀ndɛ e ya ami o erzòòkà ya Màrzèdonìyà.