Hwègbèèlì 21:31 - Mokpwe: Bakwery (New Testament)

³¹ Nà òma hwà mà hwɛ lì keka ò lì òŋwa Pàwolò, rzìi lòŋgò la hwatò hwa ɛndɛ lì òhweyà e mòkànèlì wa hwàanà njuma wa Ròmànì nanù ema kànjɛ-kanjɛ e hwèlì ò tenì ya Jèrurzalɛ̀mù hwa arzɛ.

Hwègbèèlì 21:31 ပူးပေါင်းရင်းမြစ်များ

Matiyò 26:5

Hwà mà kaka nanù ema, “I rza hwɛni lì gbeyà nanù ò wùnyà wò e ndèma èhwanja hwatò hwa ò jana lùwànje.”

Matiyò 27:27

Hwaànelì hwa njùma hwà mà Pìlatò rzìi hwa wòwa Yerzù hwa mò ɛ̀ndɛnɛ ò ewòka ya e mòkànèlì. Rzìi e ŋgindi ya arzɛ ya hwaànèlì hwa njùma e tòŋga Yerzù.

Makòrzì 14:2

Ndi hwa mà òhwa nanù ema, “Ì rza gbeyà nanù ò wùnyà wò ndemà èhwanja hwatò hwa jànà kayɛ.”

Yòwanìrzɛ̀ 16:2

Wɔ̀ hwa ò e hvaya ò tenì ya e ndawò ya màkanɛ̀. Ò jɔ̀kɛ̀, o ò ja hvònda ema tɔ̀ ima mɔ̀ ema a ò e òŋwɛ, a ò ɔ̀ŋgɛ̀lɛ̀ ndi ema a gbèeyà ndi Lohwɛ̀ èwòlò.

Yòwanìrzɛ̀ 18:12

Rzìi hwaŋga hwanelì hwa njùma nà è mòtimbèlì wa awu, nà hwàgbèèlì hwa hwatò hwa Yudà, hwa mà lɛmbɛ Yerzù rzìi hwa mò kanya.

Hwègbèèlì 10:1

O ma hwɛ munyanà mɔ̀kɔ wa Ròmànì ò mbòwa ya Kàyìrzèrìyà à mà hwɛ̀lɛ̀hwɛ̀ Kɔ̀nɛlìyurzi. A ma hwɛ ndi mòkànèlì ema à mà hwɛ lìkànèyà lìtuta lɔ̀kɔ la egbe yɔ̀kɔ ya hwàanà njuma ema lì ma hwɛ̀lɛ̀hwɛ̀ nanù ema, “Lìtuta lɔ̀kɔ la egbe yɔ̀kɔ ya hwàanà njuma ò èkòmè ya Itàlì.”

Hwègbèèlì 17:5

Ndi lòŋgò la hwatò hwa wònyà Yudà hwà mà nòneyà Pàwolò na Rzàyilarzi. O eŋgànɛ̀lɛ̀ rzɔ hwà mà ɛndɛ ò èlùwà ò lì rzaŋga hwatò ema hwà mà òhva hwɛ̀ɛ̀mɛ̀ hwe wòhwe. Hwà mà hwa lata ò lì gbeyà ŋgindi ya e kanjɛ-kanjɛ, eŋge ŋgindi rzìi e wòteyà ò lì kanja e mbòwa ya arzɛ, rzìi hwa ɛndɛ lì urzuweyà màandà mà ama Jèrzɔ̀nì ò lì arza Pàwolò na Rzàyìlàrzì, aŋga nanù hwa hwà wurzàneya e ŋgindi.

Hwègbèèlì 19:40

Nà òhwa ndi nanù ehwànja eyà ema e gbèyɛ̀nɛ yawònò, e Gɔhwina ya Ròmànì e òhwa ndi nanù ema i gbeyà ndi mòhvùŋgu. O rza enje tɔ lìtiŋga ema irzɔ i gbèeyà lìni lùwànje. O rza enje tɔ lìtiŋga la jɔ̀kɛ̀ ema irzɔ i tanɛ lì hwa ŋgba lì hvòmɛ̀nɛ̀ mònò mòhvùŋgu.”

Hwègbèèlì 21:38

Èŋge ŋgànà e hwèlì ndi nanù ema rzeketɛ ò wa ndi ò hwèlì òŋgò mòtò wa Ìjiptò ema à mà jà anu ò hvònda hvɔ̀kɔ rzìi a jànà lùwànje. Mɔ̀ à mà rzàŋga hwekòlì hweni hwe hwàanà njuma, hwà-òŋwelì hwa hwatò rzìi a hwa ɛ̀ndɛ̀nɛ̀ ò mòrzànjɛ.”

Hwègbèèlì 22:22

Hwàtò hwa mà òkànèyà Pàwolò natɛ̀ɛ è hvònda ema mɔ̀ à mà òhwe nanù ema Lohwɛ̀ à mà mò òma ò lì ɛndɛ ò hwatò ema hwa rza enje wònyà Yudà. Nà òma hwa mà hweye nanù, rzìi hwa wòteyà lì tɛ̀ɛ̀ ò ŋmanyu nà màlò mà kàrzàmi, lì òhwa nanù ema, “È mò ɛ̀ndɛ̀nɛ̀! È mò òŋwe! À rza kànɛ̀yì ò lì hwɛ lòŋgɛ!”

Hwègbèèlì 23:17

Pàwolò rzìi a hwɛlɛ ŋmànelì wa njuma mɔ̀kɔ rzìi a mò òhweyà nanù ema, “Ɛndɛnɛ ene mberza òma e mòkànèlì wa hwàànà njuma, a òhvi eyà ò lì mò òhweyà.”

Hwègbèèlì 24:22

È mòkànèlì Hvɛlìkrzi a hwèlì ndi mòtò ema mɔ̀ à mà màà lì rzɔ̀ŋgìtɛ̀nɛ̀ e Njiya ya jɔ̀kɛ̀. A ma aŋga mòŋgò ŋmàŋgò lì hvɛhvɛ lòni, rzìi a hwa òhweyà nanù ema, “Nà akɛlɛ ndi ene mbàkò e hvònda ema Lìrzìyàrzì ema a hwèlì e mòkànèlì hwa hwàànà njuma a ò jɛ̀ɛ̀.”

Hwègbèèlì 24:6

A ma arza hvɛ lì keka ò lì hvàŋga èluhwe ya e Ndawò yà Lohwà rzìi i mò lɛmbɛ.

Hwègbèèlì 25:23

O wònɛyi wùnyà Kìŋgɛ̀ Agrìpa na Bɛ̀nìrzì hwà mà jà na èluhwe na eyàyè ya arzɛ. Hwà mà kpèeya ò tenì ya e tumba ndawò ema hwatò hwà mà arzàŋganɛ na hwa ndɛnɛ hwa hwààna njuma na hwàmbaki hwa mbòwa. O mburza hwèlìyelì hwe awu Hvɛ̀rzìtùrzì rzìi a àka nanù ema hwa ɛndɛ hwa wòwe Pàwolò hwa mò jàne. O eŋgànɛlɛ hwà mà mò jànà ò wòrzò wò awu.

Hwègbèèlì 26:21

Ŋmɛ̀ndì mò gbamù ema nà mà hwɛ lì òhwa mɔ̀ ndi mò ma gbeyà hwatò hwa Wònyà Yudà hwà mà nò lɛmbɛ, e hvònda ema nà mà hwɛ ò Ndawò yà Lohwà, ndeŋgànɛlɛ hwà mà arza lì nò òŋwa.