Hwègbèèlì 21:27 - Mokpwe: Bakwery (New Testament)

²⁷ Nà òma hwèkuhwèlì me meŋge mèenyà lìrzamba me hwètànìrzèlì me ma kòmbɛnɛ, lòŋgò la hwatò hwa wònyà Yudà ema hwà mà uwɛ̀lɛ̀lɛ̀yi ò erzòòkà ya Èrzìyà, hwà mà ɛnɛ Pàwolò ò tenì ya e ndawò yà Lohwà. Hwà mà gbeyà e ŋgindi ò lì kanjeya rzìi e hvɔ̀ɔ̀tɔ̀ Pàwolò.

Hwègbèèlì 21:27 ပူးပေါင်းရင်းမြစ်များ

Lukàrzɛ̀ 21:12

Ndèŋgàna hwenè hweyà hwe àrzɛ hwe e hwiya lì gbèyɛnɛ, hwa è ŋgbaŋgɛ̀, rzìi hwa è takìrzɛ̀. Hwa è ɛ̀ndɛ̀nɛ̀ ò ndawò ja màkanɛ̀, hwa e kàyìrzɛ rzìi hwa e aŋgɛ̀ ò hwèwòwà. Hwa è jàna ò màrzò ma ìkiŋgɛ̀ nà hwàkànèlì ò nyòla ami.

Hwègbèèlì 13:50

Ndi wònyà Yudà hwà mà umbɛlɛlɛ hwàtimbelì hwa e mbòwa, na hwàmbaki hwa hwàalanà ema hwà mà hwɛ lì gbèeya Lohwɛ̀. Hwanu hwatò rzɔ hwà mà jàneyà Pàwolò na Bànàbàrzì lùwànje rzìi hwa hwà hvaya ò erzòòkà ya awu.

Hwègbèèlì 14:19

Lòŋgò là hwatò hwa wònyà Yudà hwa mà uwɛ̀lɛ̀lɛ̀yi ò mbòwà ndɛnɛ yà Antìyɔ̀kì ò erzòòkà yà Pìrzìdìyà, ndèŋganɛlɛ hwa mà uwɛ̀lɛ̀lɛ̀yi hvɛ ò è mbòwa ndɛnɛ yà Ikɔ̀nìyùmì rzi hwa uka ò è mbòwa ndɛnɛ ya Lìrzìtìrà. Wɔ̀ hwa mà lɔ̀mbɔ̀ è ŋgindi natɛ̀ɛ wɔ̀ nà è ŋgindi hwa uŋma Pàwolò màŋyàyi, rzìi hwa à mò kòòhwà ò rze, rzìi hwa mò wurzana ò mbòwà ndɛ̀nɛ, èhwanja hwa mà ɔ̀ŋgɛ̀lɛ̀ nanù ema à mà ŋwa.

Hwègbèèlì 14:2

Ndi lòŋgò la wònyà Yudà ema hwà mà rzɔ̀rzɔ̀ ò lì lòkɛ̀, hwà mà hvuŋguwa hwaŋga hwatò ema hwa rza enje wònyà Yudà, rzìi hwa hwà hvaŋga mèèmà me awu ò lì teŋgɛ̀nɛ̀ hwàlòkèlì hwa ama Yerzù.

Hwègbèèlì 14:5

Ndi lòŋgò la hwatò ema hwa rza enje wònyà Yudà na lòŋgò la hwatò hwa wònyà Yudà, na hwàtìmbèlì hwa awu hwà mà kima nanù ema hwa hwɛni lì tàkirzɛ Pàwolò na Bànàbàrzì ndèŋganɛlɛ hwa hwà àŋgba mayanyi.

Hwègbèèlì 16:6

Pàwolò na mòndeŋge mò eni hwà mà akeyà hwèrzòòkà hwe Hvrigèyà na Gàlèrzìyà, èhwanja Èlìŋgɛ̀ yà Wòtani ema hwa keka nanù ema hwa rzi keka lì òhwa eyà ya Lohwà ò erzòòkà ya arzɛ ya Èrzìyà.

Hwègbèèlì 17:13

Ndi na òma hwatò hwa wònyà Yudà hwa e mbòwa ndɛnɛ ya Tɛ̀rzàlònìkà hwà mà hweye nanù ema Pàwolò a hwèlì a òhwa hvɛ eyà ya Lohwà ò mbòwa ndɛnɛ ya Bèrìyà, wɔ̀ hwà mà ɛndɛ aŋga, rzìi hwa wòteyà lì tinɛlɛ e ŋgindi ò lì jana lùwànje.

Hwègbèèlì 18:12

È hvònda ema Kàyirza à mà lìirzɛ Galìyò ò mbòkò nàa e Gɔhwina ndɛnɛ ò erzòòkà ya Àkayiyà, hwatò hwa wònyà Yudà ò mbòwa ndɛnɛ ya Kɔ̀rintò hwà mà alatanɛ, rzìi hwa ŋgbaŋgɛ Pàwolò, rzìi hwa mò jànà ò ndawò ya hwèkàyìrzèlì.

Hwègbèèlì 2:9

O ìtììtènì ja arzu, lòŋgò la hwatò hwa mà uwɛ̀lɛ̀lɛ̀yi ndi ò èkòmè ya Pàtìyà, Mediya na Èlàmi; ò èkòmè ya Mèrzòpòtemìyà, Jùdeyà, Kapadorzìyà; O hwèkòmè hwe Pòntìyùrzì, na Èrzìyà,

Hwègbèèlì 20:19

Nà ma gbèeyà e Rzàŋgò na lì arzirzɛ lì ndɛnɛ, na mirzɔ̀lì, na màkèkìrzɛ̀nɛ̀ ema me ma nò gbeeyɛnɛ, ehwànja wònyà Yudà hwà mà nò kimeya.

Hwègbèèlì 24:11

O arzirzɛ tɛ, ò wà witi ò ɛnɛ nanù ema, ò luwa nanù ema ò rza akayi lìyòmɛ la menya na mehwàkɛ ema nà mà agbe ò Jèrurzalɛ̀mù ò lì ŋgbà Lohwɛ̀ èluhwe.

Hwègbèèlì 24:18

Nà òma nà mà hwɛ lì òŋgama hwene hweyà ò mburza, ɔndi hwanu hwatò hwà mà nò ùŋmànɛ̀lɛ̀ ò Ndawò yà Lohwà, tɛ òma imba na kulɛ lì arzàŋgìrzɛ̀ la ami. O rzi hwɛ tɔ̀ ŋgìndì aŋga ndèŋgànɛlɛ ò rzìi hwɛ hvɛ tɔ̀ luwànjɛ.

Hwègbèèlì 26:21

Ŋmɛ̀ndì mò gbamù ema nà mà hwɛ lì òhwa mɔ̀ ndi mò ma gbeyà hwatò hwa Wònyà Yudà hwà mà nò lɛmbɛ, e hvònda ema nà mà hwɛ ò Ndawò yà Lohwà, ndeŋgànɛlɛ hwà mà arza lì nò òŋwa.

Hwègbèèlì 4:3

Aŋga ndi hwa a ŋgbaŋgɛ Petrò na Yòwanìrzɛ̀ rzìi hwa hwà umbana ò hwèwòwà. Nà òma wùùnya wò ma hwɛ wò ma kɔ̀ɔ, hwà mà hwɛ̀ɛ aŋga natɛ̀ɛ na ò enɛyi eka ya elele.

Hwègbèèlì 5:18

Hwà mà ŋgbaŋgɛ I àpɔ̀rzìtòlò rzìi hwa hwà ika ò hwèwòwà ema e ma hwɛ ò mbòwa.

Hwègbèèlì 6:12

O ene ŋgàna rzɔ hwaŋga hwatò ema hwà mà teŋgɛ̀nɛ̀ Rzìtehvànɛ, rzìi hwa hvuŋguwa mèèmà me hwatò, hwàmbaki hwa mbòwa na hwà-òkòlèlì hwa mbenda. Hwà mà hvùma Rzìtehvànɛ rzìi hwa mò ɛ̀ndɛnɛ ò wòrzò wò wòlìya wò hwèkàyìrzèlì.

Hwègbèèlì 6:9

Ndi lòŋgò la hwatò hwà mà wòteyà lì tɔ̀wɔ na mɔ̀. Hwàŋga hwatò hwà mà hwɛ ndi hwatò ema hwà mà uwɛ̀lɛ̀lɛ̀yi ò e ŋgindi ya hwatò ema hwɛ lì ɛndɛ ò e ndawò ya màkànɛ ŋgɛ̀lɛŋgɛlɛ ema e ma hwɛ̀lɛ̀hwɛ̀ ndi e ndawò ya màkanɛ̀ ya hwàkòmì ema hwa rza enje hwàkòmì hvɛ. Hwàŋga hwatò hwà mà hwɛ ndi hwa wònyà Yudà ema hwà mà uwɛ̀lɛ̀lɛ̀yi ò mambòwà mà Rzìrènè na Alɛ̀rzàndrìyà. Wɔ̀ na hwahvɛhvɛ hwatò hwa wònyà Yudà ema hwà mà uwɛ̀lɛ̀lɛ̀yi ò hwèrzòòkà hwe Rzìlirzìyà na Èrzìyà, wɔ̀ hwà mà wòteyà lì tɔ̀wɔ na Rzìtehvànɛ.

2 Kɔ̀rintìyà 11:26

Nà ma ɛndɛ hweyɔ̀ndɔ̀ rzayi-rzayi, o hweŋge hweyɔ̀ndɔ̀, nà mà arza lì inda o malìhwa. Nà ma uhwa lì wɔ̀lɛ̀nɛ̀ lòoŋgɛ la ami o màà mà hwayihwɛ, o màà mà hwatò wa ami hwa wònyà Yudà na o màà mà hwatò ema hwa rza enje wònyà Yudà. Nà ma uhwa lì wɔ̀lɛ̀nɛ̀ lòŋgɛ la ami o mambowà mà ndɛnɛ o mòrzànjɛ̀, o ŋmànja na o màà mà hwatò ema hwa ahwèŋgɛ nanù ema hwa hwèlì ndi wònya Krirztò ema hwa rza enje.

1 Tɛ̀rzàlonìyà 2:16

Hwà mà keka hvɛ lì jo tɛmirzɛ o lì ohwa ŋmɛ̀ndì mo ama Lohwɛ̀ o hwatò ema hwa rza enje wònyà Yudà, aŋga nanù hwaŋga hwatò ema hwa rza enje wonyà Yuda hwa rza o rzùŋgàhwà. O ihvonda ja àrzɛ, wɔ̀ hwa hwàtɛ ndi wòhwe o wòhwe, natɛ̀ɛ o lìrzùkù, Lohwɛ̀ a àŋgàmɛ̀nɛ̀yi lì hwa kɔ̀kìrzɛ̀.