Hwègbèèlì 21:20 - Mokpwe: Bakwery (New Testament)

²⁰ O mburza hvònda ema wɔ hwà mà hweyɛ mamɛ Pàwolò à mà òhwe, rzìi hwa eka Lohwɛ̀. Rzìi hwa òhweyà Pàwolò nanù ema, “Ŋmànyàŋgò wa arzu kòkò, ò wa ò tanɛyi lì ɛnɛ na òma ò hwèlì hwekòlì, na hwekòlì hwe hwatò hwa wònyà Yudà, ema hwe ma jɛ̀ɛ̀ hwàlòkèlì ndèŋgànɛ̀lɛ̀ wɔ hwa arzɛ hwa ikayi e mbenda ya ama Mòrzè na nyɔ̀ŋgi ndɛnɛ.

Hwègbèèlì 21:20 ပူးပေါင်းရင်းမြစ်များ

Matiyò 9:8

Nà òma è ŋgìndì è mà ɛnɛ nanù, hwa mà tùmeyà nà mòkambiya. Rzìi hwa wòteya lì eka Lohwɛ̀, èhwanja mɔ̀ à ŋgbelì hwatò ène tumba wònjà.

Lukàrzɛ̀ 12:1

O mburzà hvònda ŋgìndì yà hwatò è mà arzàŋgànɛ natɛ̀ɛ, ò rzi hwɛ tɔ̀ ehvòlò. Aŋgà ndi Yerzù à wòteyà lì hwa òhwànà lì wòtàneyà hwà-òkòwèlì hwe eni nanù ema, “È aŋgòhweyà mehvìlì me Ihvalìrzàyì ema me hwèlì ndi nàa èhwindi ema e hvùhvà.

Lukàrzɛ̀ 15:32

Ò jɔ̀kɛ̀! Ì hwɛnì lì rzòmbirzɛ nà lì òkà mɔ̀nyɛ̀ŋgì èhwànja ònò ŋmanyɔ̀ŋgɔ wà aŋgɔ̀ à mà ŋwa, rzìi a timbi hvɛ ò lòŋgɛ. À ma wɔ̀ rzìi a wurzi hvɛ.’”

Yòwanìrzɛ̀ 12:24

Nà e òhweyà e jɔ̀kɛ̀ nanù ema, hvɔ̀ŋgɔ̀ ya mbarzi e lìiya ndi èŋge hvɔ̀ŋgɔ̀ ya ahvɔ̀kɛ mɛnɛ natɛ̀ɛ e ònahwa ò mɔ̀nyɛ̀ rzìi e ŋwa. È ŋwelì tɛ èŋge hvònda ndi e ŋya i hvɔ̀ŋgɔ̀ ja mbarzi jɔ̀ɔjɔ̀ɔ.

Hwègbèèlì 11:18

Lirzakò ema hwanɛ̀yi hwatò hwà mà hweye ene eyà, wɔ̀ hwà mà hwɛmɛ e ndandò ya awu na Pètrò rzi hwa wòteya lì eka Lohwɛ̀. Wɔ̀ hwà mà òhwa nanù ema, “Irzɔ i tànɛyi ò lì ɛnɛ nanù ema, Lohwɛ̀ a ŋgbèlì hvɛ hwanù hwatò ema hwa rza enje wònyà Yudà èŋge ehvòlò ya lì tikòwa ò wòhwè wò awu lì timba ò ma Lohwɛ̀ lì luwa lòŋgɛ la gbìndèyà.”

Hwègbèèlì 15:1

Lòŋgò la hwatò hwà mà uwɛ̀lɛ̀lɛ̀yi ò erzòòkà ya Jùdeyà rzìi hwa jà lì uka ò mbòwa ndɛnɛ ya Antìyɔ̀kì. Hwa wòteya lì òkòlɛ̀ hwàlòkèlì nanù ema, “Mòtò a rza endàhwi tɛ na òma e mbenda ya ama Mòrzè ya arza, a rza tanɛ a rzùŋgàhwà.”

Hwègbèèlì 15:24

Irzɔ i ma hweyà nanù ema lòŋgò la hwatò ema hwa uwɛ̀lɛ̀lɛ̀yi ò mba arzu lì e jèeya, wɔ hwa e emirzɛyi na hweyà ema hwa òhwa. Ndi inyɔ e hwɛni lì hwiya nanù ema i rzi hwa ŋgbelì tɔ wònjà ò lì gbeyà nanù.

Hwègbèèlì 15:5

Ndi tɔ̀ nanù, lòŋgò la hwàlòkèlì ema hwà mà hwɛ ò ehvehva ya Hvàlìrzàyì hwà mà tɛ̀mɛ̀ ò ŋmanyu rzìi hwa òhwa nanù ema, “Hwàŋga hwatò ema hwa rza enje wònyà Yudà ema hwa lòkɛ̀ Yerzù, hwa àŋgàmɛ̀nɛyi lì endàhwa, na lì òhwahwɛlɛ ò lì ika imbenda ja ama Mòrzè.”

Hwègbèèlì 2:41

Rzayi-rzayi ja hwàtò ema hwà mà lòkɛ̀ eyà ema Petrò à mà òhwe hwà mà lùhwìrzɛ̀hwɛ̀. O wòŋgò wùnyà mɛnɛ, eyà ya hwekòlì hweyàwò hwe hwatò hwe mà ahwatɛ ò Mɔ̀rzɔ̀ŋgi mò hwàlòkèlì hwa ama Krirztò.

Hwègbèèlì 22:3

“Nà hwèlì ndi mòtò wà Yudà, na ŋyàhwɛlɛyi ndi ò mbòwa ya Tàrzɔ̀rzì ò erzòòkà ya Rzìlìrzìyà, ndi na kòkèlì ndi ò tenì ya Jèrurzalɛ̀mù. Nà òkòlɛ̀hwɛyi ndi na Gàmàlìyɛ̀lì ndèŋganɛlɛ mɔ̀ ndi à mà nò òkòlɛ̀ kɔ̀yi-kɔ̀yi lì hvòmɛ̀nɛ̀ imbenda ja ama imbamba ja arzu. Nà ma hwɛnɛ nyɔ̀ŋgi ndɛnɛ ò lì gbèeyà Lohwɛ̀ na òma inyɔ hwa arzɛ hvɛ ema e hwèlì anu òma yawònò e hwèlì e gbèeyà Lohwɛ̀.

Hwègbèèlì 4:21

Hwelìyelì hwe hwàkàyìrzèlì hwe ma timba lì hwa kòkòwɛ̀lɛ̀ na ŋginyà rzi hwa hwà hwɛmɛ ema hwa ɛndɛ. Hwa rzi tànɛyi lì hwa kɔ̀kìrzɛ̀ èhwanja hwatò hwa arzɛ hwà mà hwɛ lì eka Lohwɛ̀ lì hvòmɛ̀nɛ̀ mamɛ ema e ma gbèyɛ̀nɛ.

Hwègbèèlì 4:4

Ndi tɔ̀ nɛ hwà mà ŋgbaŋgɛ Petrò na Yòwanìrzɛ̀, rzayì-rzayì ja hwatò ema hwà mà hweya ŋmɛ̀ndì mò awu hwà mà lòkɛ̀. Mɔ̀rzɔ̀ŋgi mò hwàlòkèlì mò ma uka hwekòlì hweta hwe hwatò.

Hwègbèèlì 6:7

Ène eyà e ma gbeyà eyà ya Lohwà e nyàla ò erzòòkà ya arzɛ. Mɔ̀rzɔ̀ŋgi mò hwàlòkèlì ò Jèrurzalɛ̀mù mò ma nyàla karzi-karzi. Ndeŋgànɛ̀lɛ̀ rzayì-rzayì ja Pìlìrzì i ma wòteyà ò lì òŋgama ŋmɛ̀ndì mò gbamù.

Ròmànì 10:2

Nà hwa tɛ̀mèlì mbòŋgi nanù ema wɔ̀ hwa hwɛni ekɔ̀njì ò ma Lohwɛ̀. Ndi wɔ̀ hwa rza rzɔ̀ŋgìtɛ̀nɛ̀ nɛ wɔ̀ hwa hwɛni lì hwɛnɛ èkɔ̀njì na mɔ̀.

Gàletìyà 1:14

Nà ma nɔ̀ŋgɔ hwèyòkòwèlì hwe wònyà Yudà, lì aka tɔ̀ i mbunda ja ami ema i ma hwɛ mòkèka mɔ̀kɔ. Nà ma rzɔ̀ŋgɔ̀ hvɛ lì rzɔŋgìtɛ̀nɛ̀ la hwɛ̀ɛ̀mɛ̀ hwe ama imbamba ja arzu.

Gàletìyà 1:24

Eyà ema Lohwɛ̀ à mà no gbèeyà e ma hwa gbeyà o lì eka Lohwɛ̀.

2 Tɛ̀rzàlonìyà 1:10

Mɔ̀ à jèelì tɛ ò woŋgo wùnyà, hwatò hwa ama Lohwɛ̀ hwa ò mò eka, ndèŋgànɛ̀lɛ hwatò hwa arzɛ ema hwa lòkɛ̀yi hwa ò tàmà rzàyi-rzàyi. Inyɔ hvɛ è ò hwɛ ò ìtììtènì ja hwànu hwatò ehwànja è mà lòkɛ̀ ŋmɛ̀ndì ema ì mà è ohweyà.