Hwègbèèlì 21:19 - Mokpwe: Bakwery (New Testament)

¹⁹ Pàwolò à mà hwa kɔ̀mɔ̀. O mburza ìikɔ̀mi ja eni rzìi a hwa telɛlɛ kɔ̀yi-kɔ̀yi hweyà ema Lohwɛ̀ à mà gbeye ò ìtììtènì ja hwatò ema hwa rza enje wònyà Yudà lì akeyà ò èwòlò ema mɔ̀ Pàwolò à mà gbeyɛ.

Hwègbèèlì 21:19 ပူးပေါင်းရင်းမြစ်များ

Matiyò 23:7

Hwa lìŋgàni hvɛ ema hwatò hwa hwà kɔ̀mɔ̀nè na èluhwe ò hwelùwa na ò lì hwa hwɛlɛ ema, ‘Mòòkòlèlì.’

Hwègbèèlì 1:17

Jùdàrzì à mà hwɛ ndi mɔ̀kɔ ò ìtììtènì jà arzu, Yerzù à mà mò hvɔ̀rzɔ̀ ò lì gbeyà ene èwòlò mòndèŋge nà irzɔ.”

Hwègbèèlì 14:27

Nà òma wɔ̀ hwà mà uke ò mbòwa ndɛnɛ ya Antìyɔ̀kì, wɔ̀ hwà mà rzaŋga hwatò hwa ŋmèmba èki yɔ̀kɔ rzìi hwà hwa òhweyà mamɛ ya arzɛ ema Lohwɛ̀ à mà gbèyɛ lì akeyà na wɔ̀. Wɔ hwà mà hwa òhweyà nɛ Lohwɛ̀ à mà lìhvòweya e njiya ò hwatò ema hwa rza enje wònyà Yudà, ò lì lòkɛ̀ Yerzù.

Hwègbèèlì 15:12

Èŋge ŋgindi ya arzɛ e ma hwɛ ndi lì òkànèyà ŋmɛ̀ɛ, na òma Bànàbàrzì na Pàwolò hwà mà hwɛ lì hwa òhweyà hwèèmbanelì na mànyàka ema Lohwɛ̀ à mà gbeye lì akeyà na wɔ ò ìtììtènì ja hwaŋga hwatò ema hwa rzi hwɛ wònyà Yudà.

Hwègbèèlì 15:4

Nà òma Bànàbàrzì na Pàwolò hwà mà ùke ò Jèrurzalɛ̀mù, ŋmèmba ema mò ma hwɛ aŋga, i àpɔ̀rzìtòlò, na hwàtimbèlì hwa ŋmèmba hwà mà hwa arzàŋgànɛ̀lɛ̀. Pàwolò na Bànàbàrzì hwà mà hwa òhweyà hweyà hwe arzɛ ema Lohwɛ̀ à mà gbèyɛ ò lì akeyà na wɔ.

Hwègbèèlì 20:24

Ndi imba na rza wòwi lòŋgɛ la ami nàa tɔ̀ eyà. Aŋga nanù imba na kulɛ èwòlò ya ami, na èwòlò ema e Rzàŋgò Yerzù e ma nò ŋgbɛ. Èwòlò ya ami e hwèlì ndi ò lì òhwa Ŋmɛ̀ndì mò Gbamù lì hvòmɛ̀nɛ̀ e ndèli ema Lohwɛ̀ à mà uŋmɛ̀lɛ̀ hwatò hwa hwènàmà.

1 Kɔ̀rintìyà 15:10

Ndi o ììlì jà amà Lohwɛ̀, imba na hwèlì ndi ema na hwèlì, rzìi ììlì ja eni ema a no ŋgbelì i rza enyi ŋgundu. Ndi imba na gbèyi èwòlò lì aka inɛyi àpɔ̀rzìtòlò jarzɛ wɔ̀ tɔ̀ nɛ rzeketɛ o e ŋginyà ya ami ndi nà mà gbeyàne ene èwòlò ndi o ììlì jà mà Lohwà ema i hwèlì na imba.

2 Kɔ̀rintìyà 12:12

È hvonda nà mà hwɛ na inyɔ nà mà àjùlɛ̀ o lì e uŋmɛ̀lɛ̀ hwèmɛ̀nɛ̀nì ndèŋgànɛlɛ nà mà gbeyà hweyà hwe mànyakà hwe ndɛnɛ o lì uŋmɛ̀lɛ̀ nanù ema na hwèlì ndi àpɔ̀rzìtòlò ema Lohwɛ̀ a omi.

2 Kɔ̀rintìyà 6:1

Nà oma i gbeyà èwòlò ya ama Lohwɛ̀ na Lohwà, je e atɛkɛ nanù ema e ndèli ya ama Lohwɛ̀ ema i luwa e rzi hwɛ o ŋgundu.

Kòlòrzìyà 1:29

Ò lì gbeyà ene èwòlò, imba nà atàkìrzɛ̀ rzàyi-rzàyi ò lì è gbeyà, è ŋginyà yà ama Krirztò ema è hwèlì ò tenì yà ami yɔ̀ ndi è nò ŋgba è ŋginyà è mà nà atàkìrzɛ̀nɛ̀.