Hwègbèèlì 21:16 - Mokpwe: Bakwery (New Testament)

¹⁶ Lòŋgò la hwà-òkòwèlì ema hwà mà uwɛ̀lɛ̀lɛ̀yi ò e mbòwa ya Kàyìrzèrìyà wɔ hvɛ hwà mà ɛndɛ na irzɔ. Rzìi hwa jò ɛ̀ndɛ̀nɛ̀ ò e ndawò ya ama Nàrzɔ̀nì ema aŋga ndi i ma hwɛnɛ lì lìya. Nàrzɔ̀nì à mà uwɛ̀lɛ̀lɛ̀yi ndi ò èkòmè ya Rzàyiprɔ̀rzì ndèŋgànɛlɛ a hwèlì ndi mɔ̀kɔ ema à mà lòma lì lòkɛ̀ Krirztò.

Hwègbèèlì 21:16 ပူးပေါင်းရင်းမြစ်များ

Hwègbèèlì 10:24

O wònɛyi wùnyà wɔ̀ hwà mà uka ò mbòwa ya Kàyìrzèrìyà. Kɔ̀nɛlìyurzi à mà hwɛ lì hwa ambɛ̀lɛ̀, ndèŋgànɛ̀lɛ̀ mɔ̀ à mà yòhwɛ hwatò hwa eni hwa lìtumba na imbunda ja eni ema à mà lìŋgane.

Hwègbèèlì 10:48

O eŋgànɛ̀lɛ̀ mɔ̀ à mà hwa kànèyà nanù ema hwa lùhwìrzɛ̀hwɛ̀ ò lìinà la ama Yerzù Krirztò. Rzìi hwa rzòrzòmeya Pètrò ò lì lìya na wɔ̀ ŋgurzu ja mèenyà.

Hwègbèèlì 11:19

O èŋgànɛ̀lɛ̀ rzɔ ò naŋgɛ, hwaŋga hwàlòkèlì ema hwà mà bùweyà ò lìŋgi lìrzakò la e kanjɛ̀-kanjɛ̀ lìrzakò ema Rztèhvànì à mà òŋwahwe, hwà mà ɛ̀ndɛ yɔ̀ndɔ̀ ya hvòò natɛ̀ɛ na ò hwèkòmè hwe, Hvɔ̀yènìrzìyà, Rzàyìprɔ̀rzì, na ò mbòwà ya Antìyɔ̀kì. Wɔ̀ hwà mà hwɛ lì ɛndɛ nanù, hwà mà òhweyà ndi hwatò hwa Yudà mɛnɛ ŋmɛ̀ndì mò gbamù.

Hwègbèèlì 15:39

Ène ŋgàna e ma hwa jàneyà mbùnakɛ̀ ya ŋginyà ema e ma hwa kakòhwà. Bànàbàrzì rzi a wòwa Yòwanìrzɛ̀ Màkòrzì na mɔ̀, rzìi hwa ɛ̀ndɛ yɔ̀ndɔ̀ ya malìhwa ò lì aka yùulu rzìi hwa uka ò èkòmè ya Rzàyiprɔ̀rzì.

Hwègbèèlì 15:7

O mburzà lì chakumɛlɛ ema lì ma wawa, Pètrò rzìi a tɛ̀mɛ̀ ò ŋmanyu rzìi a hwa òhweyà nanù ema, “Ìi wònyànyàŋgò ami kòkò, e hwi nanù ema Lohwɛ̀ à mà nò hvɔ̀rzɔ̀ ò ìtììtènì ja anyu, ò lì òhweyà hwatò ema hwa rza enje wònyà Yudà Ŋmɛ̀ndì mò Gbamù aŋga nanù wɔ̀ hwa mò hweyà rzìi hwa mò lòkɛ̀.

Hwègbèèlì 21:8

O wònɛyi wùnyà irzɔ i ma anjiya ò mbòwa ya Tòlɛmàyìrzì rzi jò uka ò mbòwa ya Kàyìrzèrìyà. Nà òma i ma uke aŋga, i ma kpèeyà ò e ndawò ya ama Hvìlìpì e mòòhwèlì wà ŋmɛ̀ndì mò gbamù, rzi i lìya na mɔ̀. Mɔ̀ à mà hwɛ ndi mɔ̀kɔ wà lìrzàmba la wunyanà ema hwà mà hvɔ̀rzɔ̀wɔ̀ nàa hwà-òŋgòwànèlì ò ŋmèmba mò Jèrurzalɛ̀mù.

Hwègbèèlì 4:36

Nànù ndi Jòrzɛ̀hvù mòtò wa lìtumba la ama Lɛ̀hvì, ema à mà uwɛ̀lɛ̀lɛ̀yi ò èkòmè ya Rzàyìprɔ̀rzì à mà gbeye. I àpɔ̀rzìtòlò i ma mò hwɛlɛ ndi Bànàbàrzì (jànda ja lìni lìna lì hwèlì ndi “Mòtò ema, a Kɔ̀mɛlɛ”).

Hwègbèèlì 8:40

Hvìlìpì à mà ayèmbɛ mɔ̀ ŋmìti ò mbòwa ya Arzɔ̀tùrzì, tɔ̀ ima mbòwa ema à mà uke à mà hwɛ lì òhwa Ŋmɛ̀ndì mò Gbamù natɛ̀ɛ à mà uka ò mbòwa ya Kàyìrzèrìyà.

Ròmànì 16:7

È kɔmè hvɛ Andrɔ̀nìkùrzì na Jùnìyà wònyànyàŋgò hwa ami hwa wònyà Yudà, ema i ma aŋgɛhwɛnɛ ò hwèwòwà. Hwa hwiyahwi kɔ̀yi-kɔ̀yi ò ìtììtènì ja àpɔ̀rzìtòlò. Ndeŋgànɛ̀lɛ̀ wɔ̀ hwà mà lòma lì hwɛ hwàlòkèlì hwa ama Krirztò ndèŋgàna imba na e lòkɛ̀.

Hvìlɛ̀mɔ̀nì 1:9

è ndìŋgɛ ema imba nà ò hwɛ̀nèlì, è nò gbeyà nanù ema nà hwɛ ndi ò lì ò rzòrzòmeyà. Imba Pàwolò nà ohwa ndi nanù nàa molùni wà mòtò ema à hwèlì ò hwèwòwà nàŋgɛ ò nyòla lìinà là ama Krirztò.