Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hwègbèèlì 20:7 - Mokpwe: Bakwery (New Testament)

7 Ŋgombe hvɔ̀kɔ ya rzàtelì, irzɔ hwa arzɛ i ma arzàŋgànɛlɛ èki yɔ̀kɔ ò lì laa ò lì uŋmɛ̀lɛ̀ e ndìŋgɛ ya ama e Rzàŋgò. Pàwolò à mà wòteyà lì òhwirzɛnɛ hwatò, a hwa òhwirzɛnɛ natɛ̀ɛ na ò e kɔrzi ya wuu, èhwanja mɔ̀ à mà hwɛnɛ lì endɛ ò enɛyi eka ya elele.

အခန်းကိုကြည့်ပါ။ ကော်ပီ




Hwègbèèlì 20:7
22 ပူးပေါင်းရင်းမြစ်များ  

Nà òmà Yerzù a mà hvùmùwè ò èŋge elele ya wùnyà wò wòrzò wò wiki, à mà lòma ndi lì awuŋmɛ̀lɛ̀ Màlìyɛ̀ Màdalenà. Ònò mòlanà mɔ̀ ndì Yerzù a mà hvaye hwèlìŋgɛ̀ lìrzàmbà hwe wòhwe ò nyò ya eni. Hwàŋga hwalanà rzìi hwa ɛ̀ndɛ lì òhweyà Pètrò nà hwatò ema hwà mà hwɛ nà mɔ̀ hweyà hwe arzɛ ema hwa mà, òhwahwɛlɛ, hwa mà utulɛ è mbɔrzi.


Rzìi à wòwa èhvòòtò, a ŋgbà Lohwɛ̀ jekà, à è kàhwà. Rzìi à è ŋgba hwà-òkòwèlì hwa eni, a òhwa nanù ema, “È nyò ya amì ene ema, yè è ŋgbààhwì. È gbèyè nanù ò lì nò ɔ̀ŋgɛlɛ.”


Hwàŋga hwaahwàkɛ hwa mà hwa òhweyà mamɛ e ma gbèyɛnɛ ò njìya yà Ɛ̀màyɔ̀rzì, nà òmà hwa mà èmbe Yerzù lìrzàkò ema a mà hwa kandeya èhvòòtò.


O ekpààrzɛ̀ yà èlèlè ya Rzɔ̀ɔ̀ndì òma jììtìtì i hwèlì nanù mɛnɛ, Màlìyɛ̀ Màdàlènì à mà ɛ̀ndɛ ò rzɔ̀ŋgɔ̀ ema Yerzù à mà imàhwɛlɛ. Nà òma à mà uke aŋga rzìi a ɛnɛ nanù ema lìŋyàyi ema hwà mà hwandane hwèkpèèlì hwe rzɔ̀ŋgɔ̀ lì ma ulɛ̀hwɛ.


O èŋge ŋgòmbe ya Rzɔ̀ɔ̀ndi mɛnɛ, Hwà-òkòwèlì hwa ama Yerzù hwà mà arzaŋganɛ ò tenì ya ndawò, rzìi hwa umbanɛ èhwanja hwà mà hwɛ lì òka wònyà Yudà wɔ̀ŋgɔ̀. Yerzù rzìi a hwa wurzeya rzìi a tɛ̀mɛ̀ ò ìtììtènì ja awu, rzìi a òhwa nanù ema, “Ɛ̀yɔ̀lɛ̀ e hwɛ nà inyɔ.”


Menya hwàmbi hvɛ me ma ùke, Hwà-òkòwèlì hwa ama Yerzù hwà mà arzàŋganɛ hvɛ ò tenì ya ndawò. Tɔ̀màrzì mɔ̀ hvɛ à mà hwɛ na wɔ̀. Liyòhva lì ma umbawa ndi Yerzù à mà hwa wurzeya rzìi a tɛ̀mɛ̀ ò ìtììtènì ja awu. Rzìi à hwa òhweyà nanù ema, “Ɛ̀yɔ̀lɛ̀ e hwɛ na inyɔ.”


O mburza hvònda ema Pàwolò à mà ɛnɛ ini jɛ̀nɛ̀nì, irzɔ i ma wòŋgirzɛnɛ ŋgelì hvɔ̀kɔ ò lì ɛ̀ndɛ ò Màrzèdonìyà, èhwanja i ma kulɛ nanù ema Lohwɛ̀ à mà hwɛ lì jò hwɛlɛ ò lì ɛ̀ndɛ lì òhweyà hwaŋga hwatò Ŋmɛ̀ndì mò Gbamù.


Hwàlòkèlì hwà mà ika mèèmà me awu ò lì òkòwa hweyà ema i àpɔ̀rzìtòlò i ma hwɛ lì hwa òkòlɛ, ndèŋgànɛ̀lɛ̀ hwà mà hwɛ mòndeŋgè na hwatò ema hwa lòkɛ̀ Krirztò. Mɔ̀ na wɔ̀ hwà mà hwɛ lì kànɛ, na lì lalɛnɛ̀ èki yɔ̀kɔ.


Wùnyà tɛ wɔ̀ hwa mà hwɛ lì tàneyà ò Ndawò yà Lohwà ò lì kanɛ̀. Wɔ̀ hwa mà làlɛnɛ̀ ò màndawò mà awu nà mɔ̀nyɛ̀ŋgì mò arzɛ nà ŋmèma mɔ̀kɔ.


Pàwolò rzìi a timba lì agba ò ŋmanyu ya eŋge ndawò ya ndɛki. O mburza hvònda ema mɔ̀ à mà kande èhvòòtò mɔ̀ na hwàlòkèlì rzìi hwa laa, à mà hwa òhwirzɛnɛ natɛ̀ɛ wuunyà wò yahwa. Rzìi à ɛndɛ.


O eŋgànɛ̀lɛ̀ rzɔ inyɔ e wòwe hvònda ò lì ɔ̀ŋgɛ̀lɛ̀ nanù ema nà mà hwɛ lì òkòlɛ inyɔ hwa arzɛ ò tenì ya ŋmerze na wuu, ò hvòka ya meya meyawò ò tenì ya lìtake.


Hwanu wùnyànà hwà mà ɛ̀ndɛ ò wòrzò rzìi hwa jò ambɛ̀lɛ ò mbòwà ndɛnɛ ya Trɔ̀wàrzì.


Mbèrza hvɔ̀kɔ ema e ma hwɛ̀lɛ̀hwɛ̀ Yùtìkùrzì e ma lìya ò hvànàmà, ijɔ i ma hwɛ lì mò kòòwà tenyi-tenyi ehwànja à mà òhva ijɔ ò mirzɔ̀. Nà òma Pàwolò à mà wàhwirzɛ̀ e mbɔrzi ya eni rzìi e Yùtìkùrzì a rzɔ̀ ò ijɔ, à mà hvòkòwa ò ŋmanyu ya eŋge hvànàmà ya eŋge tùu ya eŋge ndɛki ema e ma ùkirzɛ̀ iyàwò ja eŋge ndawò rzìi a unda ò rze ya mɔ̀nyɛ̀. Nà òma hwà mà ɛndɛ lì mò wòwa, hwa ùŋmànɛ̀lɛ̀ nanù ema à mà màa lì ŋwa.


O èŋgànɛ̀lɛ̀ hwà mà ika wùnyà na Pàwolò ema hwa jà lì mò òkànèyà, na òma wòŋgò wùnyà wò ma uke, ŋgìndì ya hwatò e ma jà ò èki ema Pàwolò à mà lìya. Lìwòteya eelele natɛ̀ɛ na e ŋgòmbe, Pàwolò à mà hwɛ lì hwa òhweyà ŋmɛ̀ndì lì hvòmɛ̀nɛ̀ lìkànèyà là mà Lohwà. A ma keka nanù ema hwa lòkɛ̀ Yerzù. Mɔ̀ à mà hwɛ lì gbeyàna hwèhvàrzù ema hwe ma uwɛ̀lɛ̀lɛ̀yi ò e kààtì ya e mbenda ya ama Mòrzè na hwetilelì hwe hwà-òhwèlì hwa hwèlìŋgɛ̀ aŋga nanù wɔ hwa lòkɛ̀ nanù ema Yerzù ndi à hwèlì Krirztò.


Lìwòndè ema i gbeyàna o lì nyɔ̀ɔnɔ lìrzako la lì làa la Rzàŋgo lì hwèlì ndi o lì ŋgbaà Lohwɛ̀ jèka o nyòla e kpelì ya ama Krirztò. Èhvòòtò hvɛ ema i kanda. Je lelì tɛ oma i rzɔ na Krirztò i hwèlì ndi mɔ̀kɔ o nyo ya eni.


Ndi o ììlì jà amà Lohwɛ̀, imba na hwèlì ndi ema na hwèlì, rzìi ììlì ja eni ema a no ŋgbelì i rza enyi ŋgundu. Ndi imba na gbèyi èwòlò lì aka inɛyi àpɔ̀rzìtòlò jarzɛ wɔ̀ tɔ̀ nɛ rzeketɛ o e ŋginyà ya ami ndi nà mà gbeyàne ene èwòlò ndi o ììlì jà mà Lohwà ema i hwèlì na imba.


Tɔ̀ ima eyu ya Màrzo Lìrzàmba tɔ̀ ima mɔ̀ wa anyu a ulɛ ŋmanà wolì a ute. Wono wolì wo hwɛ ndi o mamɛ ema tɔ̀ ima mòtò a lu. È gbèyi tɛ nanù o rza hwɛ hvɛ mòrzàŋgèlì mo wòlì nà jelì tɛ.


O lì ohwa ŋmɛ̀ndì mò gbamù mò ama Lohwɛ̀, tɔ̀ hwatò hwa lìŋgàna o lì mo hweyà tɔ̀ hwa rzi lìŋgàne. O hwa gbeye o lì hwiya nanù ema tɔ̀ mamɛ ema o hwa òhwèyà e hwèlì ndi è jɔ̀kɛ̀, o hwa gbeye hwa hwɛmɛ lì gbeyà wòhwe o hwa kɔ̀mɛ̀lɛ̀, ndèŋgàna o òkolɛ hwatò hwene hweyà hwe arzɛ na lì àjùlɛ̀.


Èlìŋgɛ̀ yà Wòtani è mà nò rziweya o Wùnyà wo ama e Rzàŋgo. Nà ma hweyà lìlo lì ndɛnɛ ema lì ma lì uwɛlɛlɛyi o mburza ya ami lì ma gbeyà ndi nàa mɔ̀tɔ̀wu mo lìyɔ̀mi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ