34 Inyɔ hwiti e hwi nanù ema, nà mà gbeyà èwòlò na manù màà mà ami, rzìi na luwa wòlì ema irzɔ na hwatò hwa ami ema i ma hwɛ lì gbeyà èwòlò i ma àndane tɔ mamɛ ema i ma arze.
O eŋgànɛ̀lɛ̀ rzɔ mɔ̀ à mà òma hwà-òŋgòwànèlì hwa eni hwahwàkɛ Tìmòtì na Ɛ̀ràrztùrzì, ò erzòòkà ya Màrzèdonìyà, ndi mɔ̀ à mà lìya ò erzòòkà ya Èrzìyà hvɛ ŋmanà hvòka hvònda.
Mòŋgò mòhvùŋgu mò ma nyàla ò e mbòwa ndɛɛndɛ ya arzɛ. È ŋgindi rzìi e hvùma Gàyiyùrzì na Arìrztàkùrzì, ema hwà mà uwɛ̀lɛ̀lɛ̀yi o Màrzèdonìyà ema hwà mà hwɛ ò mòndeŋge na Pàwolò, rzìi hwa hwà hwaŋgàna ò ndawò ya wòlìya wò mbòwa.
O tenì ya hwene hweyà hwe arzɛ, imba nà mà e uŋmɛ̀lɛ̀ nanù ema, ò lì gbeyà èwòlò na ŋginyà ò ene ŋgana, aŋga nanù inyɔ e òŋgòwàna hwà-òkèlì na lì ɔ̀ŋgɛ̀lɛ̀ e mbɔrzi ema Rzàŋgò Yerzù a ma òhwe nanù ema, ‘O hwèlì mònàmɛ̀ rzayi-rzayi ò lì ŋgbàà lì aka ò lì wòwa.’”
Irzɔ i gbeyà èwòlò ya imbami na màà mà arzu, ò lì lùwa lì làa la arzu la wùnyà. Hwatò hwa jò jemi tɛ ì hwa nàmìrzɛ̀, hwatò hwa jò tàkirzɛ tɛ i hwa àjùlɛ̀nɛ̀.
Ìi wònyàmòwe kòkò hwa ama Krirztò, na hwi nanù ema e ɔ̀ŋgɛ̀lɛ̀ èwòlò na lì ahvahvɛ lì ndɛnɛ ema i ma gbeye. È hvonda ema i ma e ohweyà ŋmɛ̀ndì mò gbamù mo ama Lohwɛ̀, i ma hwɛ lì gbeyà èwòlò ŋmerze na wuu aŋga nanù i rza tàkirzɛ tɔ̀ mɔ̀kɔ wa anyu.
È wɔ̀ hwa arzɛ ema hwa hwèlì na imba hwa e omelì ikɔ̀mi. È kɔmè wònyànyàŋgò hwa arzu hwa arzɛ hwa Krirztò ema hwa jo lìŋgàni. Inyɛ̀ e ndèli ya ama Lohwɛ̀ e hwɛ na inyɔ hwa arzɛ.