Hwègbèèlì 20:28 - Mokpwe: Bakwery (New Testament)

²⁸ È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.

Hwègbèèlì 20:28 ပူးပေါင်းရင်းမြစ်များ

Matiyò 16:18

Pètrò na òhweyà nanù ema ò hwèlì ndi ɛ̀kɔ̀kɔ̀ ya lìŋyàyi. O ŋmanyu ya ene ɛkɔkɔ ya lìŋyàyi ndi na òŋga mìitelì me ami. Tɔ̀ è ŋginyà ya e kpelì e rza tànɛyi lì anana meŋge miitelì.

Matiyò 2:6

‘Inyɔ hwatò hwa Bɛ̀tlɛ̀hɛmù, ò mɔ̀nyɛ̀ mò Judà, è mbòwà yà anyu è hwèlì ndi mbòwà hvɔ̀kɔ ema è ŋgbààhwi èluhwe ò ìtììtènì jà màmbòwà mà èkòmè yà Judà. Èhwanja ò ìtììtènì jà anyu o ò wurza mòtò ema à ò tìmbɛ hwatò hwa ami hwa Èkòmè yà Irzàyɛ̀lì.’”

Makòrzì 13:9

Hwenè hweyà hwe wòtelì tɛ lì gbèyɛ̀nɛ, è hwɛnì lì aŋgòwa. Èhwanja hwa hwɛnì lì è ŋgbàŋgɛ rzìi hwa è àkɛ̀lɛ̀lɛ ò màà mà hwàkàyìrzèlì hwa meyàŋgò. Hwa è gbiyɛ hvònjì ò ndawò ja màkanɛ̀ ja wònyà Yudà. O nyòla ya ami è tɛ̀mɛ̀ ò màrzò ma hwàkànèlì na ìkiŋgɛ̀ ò hwèkàyìrzèlì. Hwenè hweyà hwe ò gbèèyɛnɛ aŋga nanù òma e ma hwa òhweyà Ŋmɛ̀ndì mò Gbamù mò òma Lohwɛ̀.

Lukàrzɛ̀ 12:32

“Wònya hwa ami kòkò, è rza òka wɔ̀ŋgɔ̀. Rzàŋgò wà ànyu a lìŋgànì ò lì è ŋgbà è ŋginyà yà lìkànèyà.

Lukàrzɛ̀ 21:34

“È aŋgòwè nanù ema è rza hvàŋga e hvònda ya anyu rzayi-rzayi ò lì làa la mòlèlì na ò lì nyɔ la mimba. È rzì àkàyìrzɛ̀ hvɛ nà lìnì lòŋgɛ la nàŋgɛ. È gbeyi tɛ nanù, wòŋgò wùnyà wò è ùŋmanɛlɛ nàa ŋgùndèli.

Hwègbèèlì 13:2

Nà òma hwà mà hwɛ lì gbèeyà Rzàŋgò na lì hwɛ hvɛ ò mòkìyà njàwò, Èlìŋgɛ̀ yà Wòtani rzìi e hwa òhweyà nanù ema, “È nò tindeya Bànàbàrzì na Rzàwòlò ò lì nò gbèeyà èwòlò ema imba nà mà hwa hwɛlɛnɛ.”

Hwègbèèlì 14:23

O tɔ̀ ima ŋmèmba ema wɔ̀ hwà mà uke, wɔ̀ hwà mà hwɛ lì hvɔ̀rzɔ̀ hwatò ema hwa ò timbàa ŋmèmba mò arzɛ. È hvònda ema hwà mà kànɛ̀ na lì hwɛ ò mòkìyà njàwò, hwà mà ŋgba hwaŋga hwàtimbèlì ò màà mà ama Rzàŋgò ema wɔ̀ hwa ika lìlòkɛ̀ la awu.

Hwègbèèlì 20:17

Nà òma i ma uke mbòwa ndɛnɛ ya Milɛturzi, Pàwolò à mà òma ŋmɛ̀ndì ò hwàtimbelì hwa ŋmèmba mò Ɛ̀hvɛ̀rzɔ̀rzì nanù ema hwa jèe hwa mò ùŋmànɛ̀lɛ̀ ò Milɛturzi.

Hwègbèèlì 20:29

Nà hwi nanù ema, imba nà mà ɛndɛ tɛ, hwatò hwa ò e jà ò ìtììtènì ja anyu ŋgànà hvɔ̀kɔ na òma mòkanyi mò njuwɛ mò kpèeyà ò lìhwemba la mbòlì. Ndeŋgànɛ̀lɛ̀ hwa rza o tànɛ lì ɛndɛ ema hwa rza e hvàŋgelɛ̀ ŋmèmba mò anyu.

Ròmànì 16:16

È arzàŋgànɛ̀lɛ̀ mɔ̀kɔ nà ɔ̀nɛyi ò lìnà là ama Yerzù. Ŋmèmbà me arzɛ mè è òmelì ikɔ̀mi.

1 Kɔ̀rintìyà 1:2

Nà tìleya ndi ŋmèmba mò hwatò hwa Lohwɛ̀ ema mò hwèlì ò mbowà ndɛnɛ̀ yà Kɔ̀rintò. Inyɔ ema è hwɛ̀lɛ̀hwɛ̀yi nà Lohwɛ̀ ò lì hwɛ hwatò hwa eni hwa wòtani. À è gbèyi wòrzaŋgi èhwanja e ahviyànɛ nà Yerzù Krirztò. Nànù mɛnɛ hvɛ ndi à hvɔ̀rzì hwatò hwa arzɛ o èki ya arzɛ ema hwa kanɛ̀ o lìna la ama Rzàŋgo Yerzù Krirztò. È Rzàŋgo ya awu nà è yà arzù.

1 Kɔ̀rintìyà 10:32

È lìya nyayi ya ŋgàna ema e rza gbeyà mòhvùŋgu nà wònyà Yudà, hwaŋga ema hwa rza enje wònyà Yudà tɔ̀ na miitelì me ama Lohwɛ̀.

1 Kɔ̀rintìyà 11:22

È rza ohvi ma ndawò ma anyu o lì laa na lì nyɔ̀èya e? Ŋga e arza ndi lì enyìrzɛ̀ miitelì me ama Lohwà, na lì enyìrzɛ̀ hwaŋga hwatò ema hwa rza ohva mòlelì e? Mamɛ e arza ema imba na e ohweyà lì hvomɛ̀nɛ̀ ene eyà e? È arza ema na e eke e? Nà rza tànɛyi lì e eka!

1 Kɔ̀rintìyà 15:9

O i àpɔ̀rzìtòlò ja arzɛ, imba ndi na hwèlì e mɔ̀ ema a rza ohvɛ wòlìtò.

1 Kɔ̀rintìyà 6:20

À mà è àndana nà wolì wo ndɛnɛ, o èŋgànɛ̀lɛ e gbeyànè inyo ja anyu o èluhwe ya ama Lohwɛ̀.

Gàletìyà 1:13

È mà hweyà nɛ lòŋgɛ là ami lì mà lome lì hwɛ è hvonda ema na mà nɔ̀ŋgɔ ɛ̀ɛ̀mɛ̀ ya wònyà Yudà. È ma hweyà nanù ema imba nà mà hwɛ lì tàkìrzɛ̀ hwatò hwa ama Krirztò na ekɔɔni ya ami ya arzɛ. Nà ma arza lì hwa kulɛ hwa arzɛ.

Ɛ̀hvìrzìyà 1:14

Ène Èlìŋgɛ̀ yà Wòtani yɔ ndi e jo uŋmɛ̀lɛ̀ nanù ema i luwa hwèèmà ema Lohwɛ̀ à mà jo kàkɛ̀nɛ nanù ema i luwa. Irzɔ jo ò luwa hwene hwema e hvonda ema Lohwɛ̀ à ò jo rzolohwɛ irzɔ hwatò hwa eni o èki ema i kakahwi. Ène eyà e o gbèeyà hwatò wo ò eka Lohwɛ̀ o nyòla e ŋginyà ya eni ndɛnɛ.

Ɛ̀hvìrzìyà 1:7

Nà oma i hwèlì mɔ̀kɔ nà Krirztò, ndèŋgànà màyija mà eni ema à jò kòmelì ɔ̀ndeŋgàtɛ̀ i kɔ̀tɔ̀hwì ò lì làkìrzɛ̀ là wòhwe wò arzu. Nà oma Lohwɛ̀ à mà gbeyɛ ene, à jò uŋmɛ̀lɛ̀ nanù ema è ndèli yà eni è olo.

Ɛ̀hvìrzìyà 4:11

Mɔ̀ ndi à ŋgbàa hwatò màahweyà. A ma gbeyà lòŋgo la hwatò ò lì hwɛ i àpɔ̀rzìtòlò, lòŋgo hwà-òhwèlì hwa hwèlìŋgɛ̀, lòŋgo hwa-ɛndɛ̀nàmɛ̀ɛndi, lòŋgo hwàtìmbèlì hwa hwatò ema hwa lòkɛ̀yi, ndèŋgàna à mà gbèeyà lòŋgo hwà-òkòlèlì o lì okòlɛ̀ hwatò ema hwa lòkɛ̀.

Hvìlipìyà 1:1

Imba Pàwolò, mòndeŋgè na Tìmòtì imba ndi na tilì ene kààtì. Nà tìleya ndi hwatò hwa ama Lohwɛ̀, hwatò ema hwa hwèlì mòtò mɔ̀kɔ na Yerzù Krirztò ema hwa hwèlì o mbowà ndɛnɛ ya Hvìlìpì, mondeŋge na hwàtìmbèlì na hwatò ema hwa oŋgowàna èwòlò ya ama Lohwɛ̀ o lì ɛndɛ o worzo.

Kòlòrzìyà 1:14

Lohwɛ̀ à mà jò làkìrzɛ̀ wòhwe wò arzu nà oma à mà jò kɔ̀te nà màyija ema è Ŋmanà wà eni à mà kòme ò mbarzà.

Kòlòrzìyà 4:17

Ndeŋgànɛ̀lɛ̀ e ohweyà Achipurzi nanù ema, “A hwiye kɔ̀yi-kɔ̀yi nanù ema a hwɛni o lì kulɛ èwòlò ema Rzàŋgo a mo ŋgbelì o lì gbeyà.”

1 Tìmotì 3:1

Hweyohwèlì hwe jɔ̀kɛ̀ hwe ene. Tɔ̀ ima mòtò ema a arza o lì hwɛ e mòtimbèlì o ŋmèmba, nanù oma a hvɔ̀rzì ndi èwòlò ya gbamù.

1 Tìmotì 3:2

O eŋgànɛ̀lɛ̀, e mòtimbèlì hwa ŋmèmba, a hwɛni ndi lì hwɛ mòtò ema a rza luwahwa màtonà. Ndèŋgàna a hwɛni ndi lì ohva jòjìyɛ̀ hvɔ̀kɔ. A hwɛni ndi lì hwɛ mòtò ema a alɛ̀mbɛ mɔ̀ ŋmìti, mòtò ema a lùtèyà kɔ̀yi-kɔ̀yi, mòtò ema hwatò hwa ŋgba èluhwe, a hwɛni ndi lì hwɛ mòtò ema a kàrzɛ hwàyɛ̀nì o ndawò ya eni, na mòtò ema a hwi o lì okolɛ hwatò.

1 Tìmotì 3:5

Nà ohwa ndi nanù èhwanja mòtò a rza tànɛyi tɛ o lì timba e la eni lìtumba gbamù, nɛ rzɔ mɔ̀ à tànɛyi o lì ɔŋgeya ŋmèmba mo hwatò hwa Lohwɛ̀ e?

1 Tìmotì 4:14

O rzi keka o lì tɛmirzɛ èwòlò ema Lohwɛ̀ a o ŋgbelì nàa jàhwèyà ema o gbeye, o lì ohweyà hwatò hweyà ema Lohwɛ̀ à mà ohwe nanù ema o hwa ohweyà, e hvonda ema hwatimbelì hwa ŋmèmba hwà mà o hwàkɛ̀ màà mà awu o mohvo mo aŋgɔ̀.

1 Tìmotì 4:16

O alɛ̀mbɛ gbamù o tɔ̀ mamɛ ema o òkolɛ hwatò. O ɛ̀ndɛ̀nɛ̀ ndi èwòlò ya aŋgɔ̀ o worzo aŋga nanù Lohwɛ̀ a o rzuŋga lòŋgɛ la aŋgɔ̀, na lì rzuŋga hvɛ mòŋgɛ ma hwatò ema o òkolɛ.

1 Tìmotì 5:17

Hwambaki hwa ŋmèmba ema hwa timba ŋmèmba gbamù hwa àŋgàmɛ̀nɛ̀yi lì ŋgbààhwà èluhwe na mòrzawèlì. Rzɛhvɔ̀ni hwaŋga ema hwà mà ŋgbahwɛ èwòlò ya lì ohwa na lì okolɛ ŋmɛ̀ndì mo ama Lohwɛ̀.

Tàyìtùrzì 1:7

Kànàtɛ e mòtimbèlì wa ŋmèmba ndi à kànèyà ewòlo ya ama Lohwɛ̀, a àŋgàmɛ̀nɛ̀yi ndi lì hwɛ mòtò ema a rza ohvɛ tɔ̀ njɔ̀mi. A àŋgàmɛ̀nɛ̀ ndi lì hwɛ mòtò ema a rza enje lìhvàma, na mòtò ema a ambi lì tata. A rza àŋgàmɛ̀nɛ̀ lì hwɛ mòtò ema a aŋgbɛ mɔ̀ ŋmìti o lì nyɔ la mimba, tɔ̀ mòtò ema a jànà mòhvùŋgu. Ndèŋgànɛ̀lɛ̀ a rza àŋgàmɛ̀nɛ̀ lì hwɛ njɔ̀ŋgu.

Tàyìtùrzì 2:14

Yerzù Krirztò à mà aŋgbɛ mɔ̀ ŋmìti o lì jo kɔ̀tɔ̀ o wòhwe wo arzu wo arzɛ. A ma jo gbèeyà o lì hwɛ hwatò ema hwa hwèlì wòtani, ndèŋgànɛ̀lɛ̀ à mà jo gbeyà o lì hwɛ hwatò hwa eni mɛnɛ, ema hwa ohvi e nyɔ̀ŋgi ya lì gbeyà hweyà hwe gbamù.

Hibrù 12:15

È aŋgòwa, nanù ema tɔ̀ mòtò tɔ̀ mɔ̀kɔ a rza o hvònda lì lùwa ììlì ja ama Lohwɛ̀. È aŋgòwa tɔ̀ mɔ̀kɔ hwa anyu a rzi hwɛ nàa mbota ya wòhwe ema e oŋgi tɛ e jànà ndùtù rzìi e hvaŋga ihvɛhvɛ mbota.

Hibrù 13:17

È hweyàne hwatimbelì hwa anyu. È gbeye hvɛ mamɛ ema hwa ohwi nanù ema e gbeye. Èwòlò ya awu e hwèlì ndi o lì e ɔŋgeya. Wɔ̀ hvɛ ndi hwa hwɛnì lì ohweyà Lohwà nɛ hwa e ɔŋgeya. È hwa ŋgbe ehvolo ò lì gbeyà nanù na mɔ̀nyɛ̀ŋgì rzeketɛ na hwetàtò. Hwenè hweyà hwe arzɛ hwe rzà jo jàneyà tɔ̀ mɔ̀rzɛ̀ŋgì.

1 Pètrò 2:25

O hvonda hvɔ̀kɔ, inyɔ e ma hwɛ ndi nàa mɛ̀lɛ̀ŋgù ema me ma ɛndɛ moŋgoŋgo. Ndi o naŋgɛ Lohwɛ̀ à mà e timbirzɛ o lì oŋgama e mòtò ema a e ɔŋgeya nàa e mɔ̀ɔ̀ŋgèlì hwa mɛ̀lɛ̀ŋgù a ɔŋgeya gbaka wò mɔ̀lɛ̀ŋgù.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.

1 Yòwanìrzɛ̀ 1:7

Ndi i hwɛni tɛ lòŋgɛ la ŋmàye, na oma mɔ̀ ŋmìti hvɛ a hwɛni, aŋga nanù i hwɛ mɔ̀kɔ na ɔ̀nɛyi, ndèŋgànɛ̀lɛ̀ màyija ma ama e ŋmanà wa eni Yerzù, ma jo rzàŋgìrzɛ̀ o wòhwe wo arzu wa arzɛ.

Hwèwulùwèlì 5:9

Hwa mà èmba mɔ̀rzɔ̀kɔ̀ mòhvènya, nanù ema, “Ò kànɛ̀yi lì wòwa è kààti ema è lìŋgɛ̀lɛ̀hwɛ nà ò lì rzòlòwà mòjèkà mò eni, ò kànɛyi ehwànja ò mà oŋwàhwa, ndèŋgànɛ̀lɛ̀ ò mà kɔ̀tɔ̀wɔ̀ hwatò hwa ama Lohwɛ̀ nà màyija mà aŋgɔ. Ò mà gbeyà hwa mà timba ndi hwatò hwa ama Lohwɛ̀. Hwa mà uwɛ̀lɛ̀lɛ̀yi ò mahvɛhvɛ màtumba, hwa ò ohwa ihvɛhvɛ mbɔrzi, hwa uwɛ̀lɛ̀lɛ̀yi ò hwehvɛhvɛ hwèkòmè, ndèŋgànɛ̀lɛ̀ hwa hwèlì inyayi jà hwatò hwa arzɛ.