Hwègbèèlì 20:25 - Mokpwe: Bakwery (New Testament)

²⁵ “Nà ma hwɛ na inyɔ, rzìi na a e òhweyà lì hvòmɛ̀nɛ̀ lìkànèyà la ama Lohwɛ̀. O naŋgɛ na hwi nanù ema tɔ mɔ̀kɔ wa anyu a rza ò nò ɛnɛ hvɛ.

Hwègbèèlì 20:25 ပူးပေါင်းရင်းမြစ်များ

Matiyò 10:7

È ɛ̀ndɛ, na òma e ɛndɛ, e òhwe ŋmɛ̀ndì nanù ema, ‘Lìkànèyà la e ŋmanyu yà lohwà lì ma kòmbɛ̀nɛ̀.’

Matiyò 13:19

Mòtò a hweyi tɛ ŋmɛ̀ndì mò lì hvòmɛ̀nɛ̀ lìkànèyà la ŋmanyu rzìi à rzi mò rzɔ̀ŋgìtɛ̀nɛ̀, Mòkarzɛ̀ a jà, rzìi à mò ulɛnɛ̀ è mɔ̀ ò ŋmèma mò eni. Lini lìtumba là hwatò lì gbe ndi nàa iŋgi hvɔ̀ŋgɔ̀ ema i ma unda ò njiya.

Matiyò 13:52

O èŋgànɛ̀lɛ̀ à mà hwa timbirzɛlɛlɛ ama, “Mòòkòlèlì hwa mbenda ema à mà jɛ̀ɛ̀ ò lì hwɛ mòòkòwèlì wa lìkànèyà la ama Lohwɛ̀, a hwèlì ndi nàa e mòhwɛnɛ wa ndawò ema a ulɛ hwema hwehvènya na e hwe mbòlòwa ò tùu ya eni ya lùùtà.”

Matiyò 4:17

Lìwòtèyà è hvònda ema Yerzù à mà ɛ̀ndɛ ò erzòòkà ya Galìlì, Yerzù à mà wòteyà lì òhwa Eyà yà Lohwà nanù ema, “È rzɔnjɛ̀lɛ̀ hwègbèèlì hwe anyu hwe wòhwe, èhwanja Likànèyà la ama Lohwɛ̀ lì ma kòmbɛ̀nɛ̀.”

Matiyò 4:23

Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.

Lukàrzɛ̀ 16:16

Yerzù rzi a òhwa hvɛ nanù ema, “Hweyà ema hwe ma tìlahwa ò kààtì yà àma Lohwɛ̀, hwà-òhwèlì hwa hwèlìŋgɛ̀ wɔ̀ hvɛ hwà mà hwe òhwa ò è hvònda yà àma Yòwanìrzɛ̀ è Mòlùhwìrzèlì. Lìwòteya è hvònda yà àma Yòwanìrzɛ̀ natɛ̀ɛ nà nàŋgɛ, Ŋmɛ̀ndì mò Gbamù mò Lìkànèyà la ama Lohwɛ̀ mɔ̀ ndì mò òhwàhwàa. Tɔ̀ ima mòtò à kèkà ò lì àyìinɛ̀lɛ̀, ò lì kpèeyà ò tenì ya lìŋgi lìkànèyà.

Lukàrzɛ̀ 9:60

Yerzù à mà mò alàhwɛ̀ nanù ema, “Hwɛ̀mɛ̀ hwaŋga hwatò ema hwà mà ŋwɛ, hwa ìmeyà hwaŋga hwatò ema hwa ŋwelì. Ò wa ɛ̀ndɛ ò òhwèyà è rze Ŋmɛ̀ndì mò Gbamù mò Lìkànèyà là ama Lohwɛ̀.”

Hwègbèèlì 20:38

Mamɛ ema e ma hwa lɛmbirzɛ ndùtù rzayi-rzayi, e ma hwɛ ndi e mbɔrzi ema Pàwolò à mà òhwe nanù ema, wɔ hwa rza ò mò ɛnɛ hvɛ. O eŋgànɛ̀lɛ̀ rzɔ hwà mà ɛndɛ ò lì mò lìyɛlɛ ò lì kpèeyà ò melì me ŋmànja.

Hwègbèèlì 28:31

À mà hwɛ lì òhwa ŋmɛ̀ndì lì hvòmɛ̀nɛ̀ lìkànèyà là ama Lohwɛ̀ ndèŋganɛlɛ à mà hwɛ lì òkòlɛ̀ hwatò lì hvòmɛ̀nɛ̀ Rzàŋgò Yerzù Krirztò è rzi hwɛ lì òka tɔ̀ wɔ̀ŋgɔ̀, ndèŋgànɛlɛ tɔ̀ mòtò a rzi mò keka ò lì òhwa tɔ̀ eyà tɔ̀ yɔ̀kɔ.

Hwègbèèlì 8:12

Ndì nà òma wɔ̀ hwa mà lòkɛ̀yi Hvìlìpì nà òma mɔ̀ à mà òhwe Ŋmɛ̀ndì mò gbamù mò lìkànèyà là ama Lohwɛ̀, nà lì hvòmɛ̀nɛ̀ Yerzù Krirztò, wunyanà nà hwààlanà hwa arzɛ hwa mà lùhwìrzɛ̀hwɛ̀.

Ròmànì 15:23

Ndi ò nàŋgɛ ema nà mà kulɛ èwòlò ya ami ò ene erzòòkà, na hwɛni eŋge nyɔ̀ŋgi ò lì e jèeya na òma nà mà hwɛnɛ ò meya ema me ma aka.

Gàletìyà 1:22

O eŋge hvonda ŋmèmba mò hwatò hwa mìitelì mò erzòokà ya Jùdeyà hwa rzi no hwiye hvɛ tɔ̀.

Kòlòrzìyà 2:1

Nà lìŋgàni nanù ema e hwiye nɛ imba nà mà ahvahvɛ o lì e gbèeyà na o hwaŋga hwatò hwa e mbowà ndɛnɛ ya Làwòdèrzìyà. Ndeŋgànɛlɛ e hwiye hvɛ nɛ imba nà mà ahvahvɛ o lì gbèeyà hwanɛyi hwatò ema hwa rzi no ɛni na mìirzɔ ma awu.