Hwègbèèlì 20:19 - Mokpwe: Bakwery (New Testament)

¹⁹ Nà ma gbèeyà e Rzàŋgò na lì arzirzɛ lì ndɛnɛ, na mirzɔ̀lì, na màkèkìrzɛ̀nɛ̀ ema me ma nò gbeeyɛnɛ, ehwànja wònyà Yudà hwà mà nò kimeya.

Hwègbèèlì 20:19 ပူးပေါင်းရင်းမြစ်များ

Lukàrzɛ̀ 19:41

È hvònda ema Yerzù à mà kòmbɛ̀nɛ̀ Jèrurzalɛ̀mù nà òmà à mà ɛnɛ è mbòwà, à mà wòteya lì eyaa.

Yòwanìrzɛ̀ 12:26

Tɔ̀ ima mòtò ema à nò gbèeyà à àŋgàmɛ̀nɛ̀yi lì hwɛ è mògbèèlì wà ami. Tɔ̀ ima èki ema nà hwèlì è mògbèèlì wa ami mɔ̀ hvɛ à àŋgàmɛ̀nɛ̀yi lì hwɛ aŋga. Tɔ̀ ima mɔ̀ ema à nò gbèèlì, Tatɛ̀ wa ami à mò ŋgbà èluhwe.

Hwègbèèlì 17:13

Ndi na òma hwatò hwa wònyà Yudà hwa e mbòwa ndɛnɛ ya Tɛ̀rzàlònìkà hwà mà hweye nanù ema Pàwolò a hwèlì a òhwa hvɛ eyà ya Lohwà ò mbòwa ndɛnɛ ya Bèrìyà, wɔ̀ hwà mà ɛndɛ aŋga, rzìi hwa wòteyà lì tinɛlɛ e ŋgindi ò lì jana lùwànje.

Hwègbèèlì 17:5

Ndi lòŋgò la hwatò hwa wònyà Yudà hwà mà nòneyà Pàwolò na Rzàyilarzi. O eŋgànɛ̀lɛ̀ rzɔ hwà mà ɛndɛ ò èlùwà ò lì rzaŋga hwatò ema hwà mà òhva hwɛ̀ɛ̀mɛ̀ hwe wòhwe. Hwà mà hwa lata ò lì gbeyà ŋgindi ya e kanjɛ-kanjɛ, eŋge ŋgindi rzìi e wòteyà ò lì kanja e mbòwa ya arzɛ, rzìi hwa ɛndɛ lì urzuweyà màandà mà ama Jèrzɔ̀nì ò lì arza Pàwolò na Rzàyìlàrzì, aŋga nanù hwa hwà wurzàneya e ŋgindi.

Hwègbèèlì 20:3

A ma lìya ŋgbɛ̀ndɛ iyàwò ò èkòmè ya Àkayiyà. A ma hwɛ lì wòŋgirzɛnɛ ò lì ɛndɛ ò èkòmè ya Rzìrìyà aŋga ndi à mà rzɔ̀ŋgìtɛ̀nɛ̀ nanù ema lòŋgò la hwatò hwa wònyà Yudà hwà mà lìyà wùndɛ̀ ya lì mò òŋwa. Aŋga ndi à mà wòŋgirzɛnɛ ò lì timba lì akeyà ò erzòòkà ya Màrzèdonìyà.

Hwègbèèlì 20:31

O eŋgànɛ̀lɛ̀ rzɔ inyɔ e wòwe hvònda ò lì ɔ̀ŋgɛ̀lɛ̀ nanù ema nà mà hwɛ lì òkòlɛ inyɔ hwa arzɛ ò tenì ya ŋmerze na wuu, ò hvòka ya meya meyawò ò tenì ya lìtake.

Hwègbèèlì 21:27

Nà òma hwèkuhwèlì me meŋge mèenyà lìrzamba me hwètànìrzèlì me ma kòmbɛnɛ, lòŋgò la hwatò hwa wònyà Yudà ema hwà mà uwɛ̀lɛ̀lɛ̀yi ò erzòòkà ya Èrzìyà, hwà mà ɛnɛ Pàwolò ò tenì ya e ndawò yà Lohwà. Hwà mà gbeyà e ŋgindi ò lì kanjeya rzìi e hvɔ̀ɔ̀tɔ̀ Pàwolò.

Hwègbèèlì 27:23

Nà òhwa ndi nanù ehwànja ò tenì ya wònò wuu ema wò akayi nanù, aŋgèlì ya ama Lohwɛ̀, Lòohwà ema lì nò hwɛni, ndèŋgànà imba na gbèeyà e nò jèeyayi. Èŋge aŋgèlì e nò òhweyàyi nanù ema,

Ròmànì 1:1

Imba, Pàwolò, e mògbèèlì wa ama Yerzù Krirztò, imba ndi na tìlì ene kààti. Lohwɛ̀ à mà nò hvɔ̀rzɔ̀ ò lì hwɛ e àpɔ̀rzìtòlò ya eni ndèŋgànɛlɛ à mà nò ŋgbàà èwòlò ò lì òhwa Ŋmɛ̀ndì mò eni mò Gbamù.

Ròmànì 1:9

Lohwɛ̀ ema nà gbèeyà nà ŋmèma mɔ̀kɔ ò lì òhwa Ŋmɛ̀ndì mò Gbamù mò ama è Ŋmanà wà eni, mɔ̀ ndi à hwèlì è mbòŋgi yà ami nanù ema nà è ɔ̀ŋgɛ̀lɛ,

Ròmànì 12:11

È rzi keka ò lì hwɛ rziŋga. Inyɛ̀ tɔ̀ ima mòtò a hwɛnɛ e nyɔ̀ŋgi ya lì gbèeyà e Rzaŋgò na ŋmèma mò eni mò arzɛ.

2 Kɔ̀rintìyà 2:4

È hvonda ema nà mà e tìleya eŋge kààtì, nà mà ohva ndùtù o ŋmèma ndèŋgànɛlɛ nà mà ji tìlana na mìrzɔlì o worzo wo ami. Nà rzi e tìleya ndi nanù ema e hwɛ̀nɛ̀ ndùtù o mèèmà me anyu, ndi nà mà e tìleya ndi nanù ema e hwiye lìmɛni ema na e lìŋgànelì.

2 Kɔ̀rintìyà 3:5

Irzɔ hwiti i rza tànɛyi lì ohwa nanù ema i tànɛyi o lì gbeyà ene èwòlò irzɔ hwiti i rza tànɛyi lì e gbeyà. Lohwɛ̀ ndi à gbèyi ndèŋgàtɛ̀ na tànɛyi lì e gbeyà.

2 Kɔ̀rintìyà 7:5

Nà oma i ma ùke o erzòòkà ya Màrzèdonìyà, i rzi hwɛnɛ lì Arzìyòlɛ̀. I ma luwa nyayi na nyayi ja mètàkà. Hwatò hwà mà jo kɔnɔ hvenda ndèŋgàna i ma ohva wɔ̀ŋgɔ̀ o mèèmà me arzu èhwanja i ma hwɛ lì e lùtèyà.

Gàletìyà 1:10

Nà oma na ohwa nanù, e rza ɔ̀ŋgɛ̀lɛ̀ ndi nanù ema hwatò hwa hwènàmà hwa no tuuwe lìna la gbamù. Imba na rza arza nanù. Lohwɛ̀ ndi imba na arza nanù ema a no tuuwe lìna la gbamù. È ma hwɛ tɛ nanù ema na arza ndi ema hwatò hwa hwènàmà hwa no tuuwe lìna la gbamù, o ma na rza enje ndi e mògbèèlì hwa ama Krirztò.

Ɛ̀hvìrzìyà 6:7

È gbeye èwòlò yà anyu nà mèèmà mè anyu mè arzɛ nà ò à ɛnɛ oma è gbèeyà ndi Lohwɛ̀ rzeketɛ nà oma è gbèeyà hwatò hwa hwènàmà.

Hvìlipìyà 3:18

Nà oma na yɔki lì e ohweyà, o naŋgɛ nanù na e ohweyà hvɛ na mìirzɔ̀lì, lì hvomɛ̀nɛ rzayi-rzayi ja hwatò ema ɛ̀ɛ̀mɛ̀ ya awu e uŋmɛ̀lɛ̀ ndi nanù ema hwa hwèlì ndi hwàkɔ̀yèlì lì hvomɛ̀nɛ̀ ŋmɛ̀ndì ema mo ohwa nanù ema Krirztò à mà ŋwèeyà o mbàrza.

Kòlòrzìyà 3:24

Inyɔ è hwɛni lì hwiya nanù ema è hwɛni lì lùwa mòrzàhwèlì ema è Rzàŋgo è mà ùtèya hwatò wà eni. Krirztò ndi à hwèlì è mòtò ema inyɔ è gbèeyà nà jɔ̀kɛ̀.

1 Tɛ̀rzàlonìyà 1:9

Hwàŋga hwatò wɔ̀ hwiti ndi hwa ohwa nɛ inyɔ è mà jò kàrzɛ̀ è hvonda ema irzɔ ì mà è jèeyà. Ndeŋgànɛlɛ wɔ̀ hwa ohwa nà oma inyɔ è mà tìmbeyà Lohwɛ̀, ndèŋgànɛ̀lɛ̀ nɛ inyɔ è mà rzɔnjɛ̀lɛ̀ lì kanɛ̀ là mòòhwà mà mòlàŋga ndi inyɔ è gbèeyà Lohwɛ̀ ŋmitɛ-ŋmitɛ ema à hwèlì lòŋgɛ.

2 Tìmotì 1:4

Nà ɔ̀ŋgɛ̀lɛ̀yi tɛ nà oma ò mà hwɛ rzɔ̀lùù nà lì eyà, nà hwɛni nyɔ̀ŋgi rzayi-rzayi ò lì ò ɛnɛ, aŋga nanù nà oka mɔ̀nyɛ̀ŋgì rzayi-rzayi.

Jèmìrzì 1:2

Ìi wònyàmòwe kòkò, tɔ̀ ima hvonda ema tɔ̀ ima lìtumba la màkekirzɛnɛ ma e uŋmànɛlɛ ye e wowe inyɔ hwiti nàa e lɔ̀wu ya nyo.

1 Pètrò 1:6

Ène eyà ye e jàneya màlìŋgo rzayi-rzayi, tɔ̀ nɛ o ŋmanà hvoka hvonda inyɔ e hwɛni lì luwa nyayi na nyayi ja màkèkìrzɛnɛ.

2 Pètrò 1:1

Imba Rzimɔ̀ni Pètro ema nà hwèlì è mògbèèlì nà è àpɔ̀rzìtòlò yà ama Yerzù Krirztò, nà è tìleyà ndi inyɔ hwatò ema è lòkɛ̀ Yerzù Krirztò nyayi hvɔ̀kɔ hvɛ nà oma irzɔ hvɛ ì mò lòkɛ̀. Yerzù Krirztò ndi à hwèlì Lòohwà nà Mòrzùŋgèlì hwa arzu. Mɔ̀ à tɛ̀mì ehve-ehve. Ndeŋgànɛ̀lɛ̀ mɔ̀ ndi à gbèyi ndèŋgànà irzɔ hwa arzɛ jè è mò lòkɛ̀.

Hwèwulùwèlì 7:15

O eŋgànɛlɛ rzɔ, wɔ hwa hwèlì o worzò wo e konda ya lìkànèyà la ama Lohwɛ̀, ndèŋgànɛ̀lɛ̀ hwa ŋgba Lohwɛ̀ èluhwe wuu na ŋmerze tɛɛ. Mɔ̀ ema a lìyayi o e konda ya lìkànèyà, a hwèlì aŋga o ihvonda ja arzɛ o lì hwa ɔ̀ŋgeyà.