Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hwègbèèlì 20:16 - Mokpwe: Bakwery (New Testament)

16 Pàwolò mɔ̀ à mà kulɛ ndi nanù ema, i hwɛni lì hvanja e mbòwa ndɛnɛ ya Ɛ̀hvɛ̀rzɔ̀rzì ò ŋmanyu aŋga nanù i rza hvaŋga hvònda ò lì uka ò erzòòkà ya Èrzìyà. A ma hwɛ lì ahwèŋgɛ̀ ò lì uka ò mbòwa ndɛɛndɛ ya Jèrurzalɛ̀mù, ò wùnyà wò Pɛ̀ntìkɔ̀rzì à mà atanɛ tɛ.

အခန်းကိုကြည့်ပါ။ ကော်ပီ




Hwègbèèlì 20:16
17 ပူးပေါင်းရင်းမြစ်များ  

Nà òma Pètrò à mà uke aŋga, rzìi a kumba lìyòhva la kɔ̀tɔ̀, rzìi e ŋmanà mòkutu wa ŋgɔ̀ndɔ̀ ema lìinà la eni lì ma hwɛ ndi Rhòda à mà ɛndɛ ò lì ɛnɛ e mòtò ema a kumba lìŋgi lìyòhva la kɔtɔ̀.


Pàwolò na mòndeŋge mò eni hwà mà akeyà hwèrzòòkà hwe Hvrigèyà na Gàlèrzìyà, èhwanja Èlìŋgɛ̀ yà Wòtani ema hwa keka nanù ema hwa rzi keka lì òhwa eyà ya Lohwà ò erzòòkà ya arzɛ ya Èrzìyà.


Hwà mà uka ò mbòwà ndɛnɛ ya Ɛ̀hvɛ̀rzɔ̀rzì. Nà òma hwà mà uke aŋga Pàwolò à mà lìiya Prìrzìlà na Akwìlà, rzìi a ɛ̀ndɛ ò ndawò ya màkanɛ̀ ya wònyà Yudà ò lì kòhwa na wònyà Yudà.


Ndi ò hwɛndèli hwe eni à mà hwa òhweyà nanù ema, “È hwèlì tɛ lì emeyà la ama Lohwɛ̀ na ò e timbeya.” A ma kpèeyà ò melì me ŋmànja rzìi a anjiya ò mbòwa ndɛnɛ ya Ɛ̀hvɛ̀rzɔ̀rzì.


Nà òma Apòlòrzì à mà hwɛ ò mbòwa ndɛnɛ ya Kɔ̀rintò, Pàwolò à mà akeyà ò tenì ya eŋge erzòòkà rzi a uka ò mbòwa ndɛnɛ ya Ɛ̀hvɛ̀rzɔ̀rzì. A ma ùŋmànɛ̀lɛ̀ ŋgurzu ja hwatò ema hwa lòkɛ̀ Yerzù aŋga.


O mburza ya hwene hwègbèèlì hwe arzɛ, Pàwolò à mà kulɛ ò ŋmèma mò eni nanù ema a akeyà ò tenì ya hwèrzòòkà hwe Màrzèdonìyà na Àkayiyà ndèŋgànà a e ɛndɛ ò Jèrurzalɛ̀mù. A ma òhwa nanù ema, “Nà mà ɛndɛ tɛ aŋga, na àŋgàmɛ̀nɛ̀yi lì ɛndɛ hvɛ ò lì ɛnɛ èkòmè ya Ròmànì.”


Nà òma e ndèma ema e hwɛ̀lɛ̀hwɛ̀ Pɛ̀ntìkɔ̀rzì e ma uke, hwalòkelì hwa ama Rzàŋgò hwà mà arzàŋgànɛ ò èki yɔ̀kɔ.


Irzɔ i ma ɛndɛ ò wòrzò ò lì kpèeyà ò tenì ya melì me ŋmànja, rzi ja akeyà ò ŋmànja lì ɛndɛ lì uka ò mbòwa ndɛnɛ ya Arzɔ̀rzi. Aŋga ndi i ma àŋgàmɛ̀nɛyi lì wòwa Pàwolò. Mɔ̀ à mà òhwa nanù ema je ɛndɛ ò wòrzò, èhwanja mɔ̀ à mà ɛndɛ ndi yɔ̀ndɔ̀ ya ŋmindi.


È hvònda ema hwà mà uke, rzìi mɔ̀ à hwa òhweyà nanù ema, “Inyɔ hwiti e hwi na òma imba nà mà lìya lìrzakò la arzɛ ema nà mà hwɛ na inyɔ, lì wòteyà wùnyà wò wòrzò ema imba nà mà tɛ̀yirzɛ lìtaŋga ò erzòòkà ya Èrzìyà.


Ndeŋgànɛ̀lɛ̀ ò naŋgɛ, na òma èlìŋgɛ̀ e nò lìyɛlɛ, na àŋgàmɛ̀nɛyi lì ɛndɛ ò mbòwa ndɛɛndɛ ya Jèrurzalɛ̀mù tɔ̀ nɛ na rza hwiyɛ mamɛ ema e ò nò gbèyɛ̀nɛ aŋga.


Hwatò ema hwa mà mò òŋgama hwà mà hwɛ ndi Rzòpatà e ŋmanà hwa ama Hvìrzùrzì ema à mà uwɛ̀lɛ̀lɛ̀yi ò mbòwà ndɛ̀ɛndɛ̀ ya Bèrìyà, Arìrztàkùrzì na Rzèkùndùrzì ema hwà mà uwɛ̀lɛ̀lɛ̀yi ò e mbòwà ndɛnɛ ya Tɛ̀rzàlònìkà. Gàyiyùrzì ema à mà uwɛ̀lɛ̀lɛ̀yi ò mbòwà ndɛnɛ ya Dɛ̀bì, Tìmòtì, na Tàyìchìkùrzì na Tlòhvìmùrzì ema hwà mà uwɛ̀lɛ̀lɛ̀yi ò erzòòkà ya Èrzìyà.


O mburza e Ndema ya Hwèhvòòtò ema hwe rza òhvɛ hwindi, irzɔ i ma kpèeyà ò melì me ŋmànja ò mbòwa ndɛnɛ ya Hvìlìpì ò mburza mèenyà meta i ma hwa ùŋmànɛ̀lɛ̀ ò mbòwa ndɛnɛ ya Trɔ̀wàrzì ema irzɔ i ma hwɛ mèenyà lìrzàmbà.


I ma a ahvùlùhwɛ lòŋgò la hwàlòkèlì aŋga. Rzi i lìya na wɔ ò mèenyà lìrzàmba. O e ŋginyà ya Èlìŋgɛ̀ yà Wòtani, wɔ hwà mà òhweyà Pàwolò nanù ema a rzi keka lì ɛndɛ ò Jèrurzalɛ̀mù.


O mburzà rzàyi-rzàyi ja meya ema imba na rza ɛndɛ ò Jèrurzalɛ̀mù nà mà ɛndɛ aŋga. Nà ma ɛndɛneya hwatò wa ami ŋmanà wòlì na ò lì ŋgbàà Lohwɛ̀ màhwèyà.


Ndi na lìya anù o Ɛ̀hvɛ̀rzɔ̀rzì natɛ̀ɛ na eyu ya e ndèma ya Pɛ̀ntìkɔ̀rzì.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ