Hwègbèèlì 2:40 - Mokpwe: Bakwery (New Testament)

⁴⁰ Pètrò à mà hwa kòkòwɛ̀lɛ̀ na lì hwa òhweyà ihvɛhvɛ nyayi na nyayi ja hweyà. A ma hwa atɛkɛ nanù ema, “Tɔ̀ ima mòtò arzùŋgɛ̀ lòŋgɛ la eni. È rza enje tɛ nanù Lohwɛ̀ a e kɔ̀kìrzɛ̀ ŋgàna hvɔ̀kɔ na òma a ò kɔ̀kìrzɛ̀ ene nyɔ̀ŋgɔ̀nì ya wòhwe.”

Hwègbèèlì 2:40 ပူးပေါင်းရင်းမြစ်များ

Matiyò 12:34

Inyɔ ini hvèyi! Nɛ inyɔ e tànɛyi lì òhwa eyà ya gbamù ema inyɔ hwiti è hwèlì wòhwe e? Èhwanja, hweyà ema hwe òndi mòtò ò ŋmèma mò eni hwe ɔ̀ndi à wurzirzɛ ò wàna yà èni.

Matiyò 16:4

Ene nyɔ̀ŋgɔ̀nì ya wòhwe ema e rza arza lì hweyàna Lohwɛ̀, e arza ndi embànèlì ya mànyakà! Ndi inyɔ e rza ò luwa tɔ̀ embànèlì lì aka e embànèlì ya mànyakà ya ama Jona e mòòhwèlì wà èlìŋgɛ̀.” Yerzù à mà hwa hwɛmɛ rzi a ɛ̀ndɛ e ye eni.

Matiyò 17:17

Yerzù rzìi a alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀ lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneyà òŋgò ŋmanà ònò.”

Matiyò 23:33

Inyɔ manù màahwa! Yòma lìtumba la hvèyi! Nɛ e ɔ̀ŋgɛ̀lɛ̀yi ema e tànɛyi lì hwaŋga e kɔ̀kìrzɛ̀ ya èhvɔ̀ndì ya mùnya ema mò rza mòkòna e?

Makòrzì 8:38

È mɔ̀ ema à nò òkana imba nà Eyà yà Lohwà irzɔ̀ni, ò ene nyɔ̀ŋgɔ̀nì yà yàwònò ema è òŋgamà Lohwɛ̀ nà mèèmà mè hwàkɛ ema è hwèlì hvɛ ndi è nyɔ̀ŋgɔ̀nì yà wòhwe, è Ŋmanà wà è Mòtò wà Hwènàmà mɔ̀ hvɛ à mò òkana irzɔ̀ni è hvònda ema à jà nà i aŋgèlì jè eni jà wòtani nà èluhwe yà ama Tatɛ̀ wà eni.”

Lukàrzɛ̀ 16:28

Nà òhvì wònyanyàŋgò wà amì hwata. Inyɛ̀ mɔ̀ à ɛ̀ndɛ̀ a hwa kòkòwɛ̀lɛ̀, aŋga nanù, wɔ̀ hvɛ hwa rzi ɛ̀ndɛ lì jà lì kpèeyà ò enè èki ya mòrziyò.’

Lukàrzɛ̀ 21:36

È aŋgòhweyà ì hvònda ja arzɛ. È kanɛ̀ ema e hwɛnɛ è ŋginyà ema è ò karzòlɛ̀ hwenè hweyà ema hwe gbeyɛ̀nɛ̀, aŋga nanù e tanɛ lì tɛmeyà ò wòrzò wò è Ŋmanà wà è Mòtò wà Hwènàmà.”

Yòwanìrzɛ̀ 21:25

O ma hwɛ hvɛ hwehvɛhvɛ hweyà hwe rzayi-rzayi ema Yerzù à mà gbeye. È ma òhwahwa tɛ ema hwene hweyà hwe arzɛ hwe tìlahwì yɔ̀kɔ na enɛyi, na ɔ̀ŋgɛ̀lɛ̀ nanù ema ò rza hwɛ ehvòlò ò e rze ya arzɛ ò lì uta ini kààti.

Hwègbèèlì 10:42

Rzìi mɔ̀ à jò kànèyà nanù ema, jò òhweyà hwatò lì hvòmɛ̀nɛ̀ ŋmɛ̀ndì mò gbamù, ndèŋgànà irzɔ i tɛmi mbòŋgi nanù ema mɔ̀ ndi à hwèlì e mɔ̀ ema Lohwɛ̀ à mà hvɔ̀rzè, ò lì kàyìrzɛ̀ hwatò ema hwa hwèlì lòŋgɛ na e wɔ̀ ema hwà mà ŋwɛ.

Hwègbèèlì 15:32

Jùdàrzì na Rzàyìlàrzì, ema wɔ̀ hwiti hwà mà hwɛ ndi hwà-òhwèlì hwa hwèlìŋgɛ̀, hwà mà òhwa rzayi-rzayi ò lì kɔ̀mɛ̀lɛ̀ na lì embɛ hwàlòkèlì.

Hwègbèèlì 20:11

Pàwolò rzìi a timba lì agba ò ŋmanyu ya eŋge ndawò ya ndɛki. O mburza hvònda ema mɔ̀ à mà kande èhvòòtò mɔ̀ na hwàlòkèlì rzìi hwa laa, à mà hwa òhwirzɛnɛ natɛ̀ɛ wuunyà wò yahwa. Rzìi à ɛndɛ.

Hwègbèèlì 20:2

Nà òma à mà akeyà hwèŋge hwèrzòòkà hwe arzɛ, à mà òhwa rzayi-rzayi ja hweyà ò lì ètìrzɛ̀ mèèmà me hwàlòkèlì hwa eŋge erzòòkà, rzìi a ɛ̀ndɛ ò èkòmè ya Àkayiyà.

Hwègbèèlì 20:21

Nà ma kòkòwɛ̀lɛ̀ hwatò hwa wònyà Yudà na hwatò ema hwa rza enje wònyà Yudà nanù ema wɔ hwa hwɛni lì tikòwa ò lì anjiya ò wòhwe wò awu lì timbeya Lohwɛ̀ na lì lòkɛ̀ hvɛ e Rzàŋgò ya arzu Yerzù.

Hwègbèèlì 20:24

Ndi imba na rza wòwi lòŋgɛ la ami nàa tɔ̀ eyà. Aŋga nanù imba na kulɛ èwòlò ya ami, na èwòlò ema e Rzàŋgò Yerzù e ma nò ŋgbɛ. Èwòlò ya ami e hwèlì ndi ò lì òhwa Ŋmɛ̀ndì mò Gbamù lì hvòmɛ̀nɛ̀ e ndèli ema Lohwɛ̀ à mà uŋmɛ̀lɛ̀ hwatò hwa hwènàmà.

Hwègbèèlì 20:9

Mbèrza hvɔ̀kɔ ema e ma hwɛ̀lɛ̀hwɛ̀ Yùtìkùrzì e ma lìya ò hvànàmà, ijɔ i ma hwɛ lì mò kòòwà tenyi-tenyi ehwànja à mà òhva ijɔ ò mirzɔ̀. Nà òma Pàwolò à mà wàhwirzɛ̀ e mbɔrzi ya eni rzìi e Yùtìkùrzì a rzɔ̀ ò ijɔ, à mà hvòkòwa ò ŋmanyu ya eŋge hvànàmà ya eŋge tùu ya eŋge ndɛki ema e ma ùkirzɛ̀ iyàwò ja eŋge ndawò rzìi a unda ò rze ya mɔ̀nyɛ̀. Nà òma hwà mà ɛndɛ lì mò wòwa, hwa ùŋmànɛ̀lɛ̀ nanù ema à mà màa lì ŋwa.

Hwègbèèlì 28:23

O èŋgànɛ̀lɛ̀ hwà mà ika wùnyà na Pàwolò ema hwa jà lì mò òkànèyà, na òma wòŋgò wùnyà wò ma uke, ŋgìndì ya hwatò e ma jà ò èki ema Pàwolò à mà lìya. Lìwòteya eelele natɛ̀ɛ na e ŋgòmbe, Pàwolò à mà hwɛ lì hwa òhweyà ŋmɛ̀ndì lì hvòmɛ̀nɛ̀ lìkànèyà là mà Lohwà. A ma keka nanù ema hwa lòkɛ̀ Yerzù. Mɔ̀ à mà hwɛ lì gbeyàna hwèhvàrzù ema hwe ma uwɛ̀lɛ̀lɛ̀yi ò e kààtì ya e mbenda ya ama Mòrzè na hwetilelì hwe hwà-òhwèlì hwa hwèlìŋgɛ̀ aŋga nanù wɔ hwa lòkɛ̀ nanù ema Yerzù ndi à hwèlì Krirztò.

Hwègbèèlì 4:36

Nànù ndi Jòrzɛ̀hvù mòtò wa lìtumba la ama Lɛ̀hvì, ema à mà uwɛ̀lɛ̀lɛ̀yi ò èkòmè ya Rzàyìprɔ̀rzì à mà gbeye. I àpɔ̀rzìtòlò i ma mò hwɛlɛ ndi Bànàbàrzì (jànda ja lìni lìna lì hwèlì ndi “Mòtò ema, a Kɔ̀mɛlɛ”).

2 Kɔ̀rintìyà 5:20

Nà oma Lohwɛ̀ a jo òhweyà hweyà ema i hwɛni lì ohweyà hwatò, i hwèlì ndi hwatò ema hwa ohwa hweyà ema Krirztò à mà jo òhweyà ema jo òhwe. I hwèlì ndi o lì e kànèyà o lìna la ama Krirztò nanù ema e hwɛ o lì hweyànɛlɛ na Lohwɛ̀.

2 Kɔ̀rintìyà 6:17

Rzàŋgo à mà òhwèyà hwatò hwa eni nanù ema, “O èŋgànɛ̀lɛ̀ rzɔ, inyɔ e lìya, e a akakowanɛ na hwaŋga hwatò ema hwa rza no lòkɛ̀yi. È rzi keka lì hwɛnɛ tɔ̀ eyà o lì gbeyà na hweyà hwe wòhwe ema hwa gbeyà. Àŋga nanù imba na e emeyà nàa hwàanà hwa ami.

Gàletìyà 5:3

Nà e kòkòwɛ̀lɛ̀ hvɛ ŋgèlì hvɔ̀kɔ nanù ema, tɔ̀ ima mòtò ema aŋgbɛ mɔ̀ ŋmìti nanù ema a endahwe aŋga nanù Lohwɛ̀ a mo emeyà, a àŋgàmɛ̀nɛ̀yi lì ika imbenda ya arzɛ.

Ɛ̀hvìrzìyà 4:17

O lìinà la ama Rzàŋgo, na e kòkòwɛ̀lɛ̀ kɔ̀yi-kɔ̀yi nanù ema e rzi lìya lòŋgɛ nàa hwatò ema hwa rza hwiyɛ̀ɛ Lohwɛ̀. Hweya ema hwa lùtèyà hwe hwèlì ndi hweyà ema hwe rza hwɛnɛ wòlìto ndeŋgànɛ̀lɛ̀ hwene hweyà hwe rza tànɛyi lì hwa oŋgowàna.

Hvìlipìyà 2:15

O lì arza nanù ema inyɔ e rza hwɛ̀lɛ̀hwɛ̀ ndèŋgànɛ̀lɛ̀ e rzaŋgi. Ène ŋgànà e hwèlì ndi nanù ema inyɔ e o hwɛ hwàanà hwa ama Lohwɛ̀ ema hwa rza ohvɛ tɔ̀ njɔ̀mi, ema hwa hwèlì o ìtììtènì ja hwatò ema hwa gbeyà wòhwe hvonda tɛ. Inyɛ̀ e hwɛ o ìtììtènì ja awu o e rze ya mɔ̀nyɛ̀ nàa rzombe ndi i hvànya ihvonda ja arzɛ.

1 Tɛ̀rzàlonìyà 2:11

Inyɔ e hwi nanù ema i ma e aŋgoweya gbamù na oma e rzàŋgo e aŋgoweya hwàanà hwa eni.

1 Tìmotì 4:16

O alɛ̀mbɛ gbamù o tɔ̀ mamɛ ema o òkolɛ hwatò. O ɛ̀ndɛ̀nɛ̀ ndi èwòlò ya aŋgɔ̀ o worzo aŋga nanù Lohwɛ̀ a o rzuŋga lòŋgɛ la aŋgɔ̀, na lì rzuŋga hvɛ mòŋgɛ ma hwatò ema o òkolɛ.

1 Pètrò 5:12

Rzàyilarzi ndi à nò oŋgòhwàànì ò lì è tìleya òno ŋmanà kààtì. À hwèlì ndi nàa ŋmànyàŋgo wà ami ndèŋgànɛ̀lɛ̀ nà mò lòkɛ̀yi. Nà è tìlèlì ene kààti ò lì è embɛ, nà ò lì è òhweyà nanù ema hwene hweyà ema nà è tìlèlì hwe hwèlì ndi è ndèli yà jɔ̀kɛ̀ yà ama Lohwɛ̀. Yè è tɛ̀meyà gbamù.