Hwègbèèlì 2:27 - Mokpwe: Bakwery (New Testament)

²⁷ Nà àrzìyòlɛ̀ ò lìhvìta èhwanja à rza ò kìnyɛ̀lɛ̀ èlìŋgɛ̀ yà ami ò èkòmè ya kpelì, ndèŋgànɛ̀lɛ̀ ò rza ò emeyà nanù ema èèmbè yà ama è mògbèèlì wà aŋgɔ̀ ema à ò gbèeyà nà ŋmèma mɔ̀kɔ ò lì rzɔ̀mbeyà ò tenì ya rzɔ̀ŋgɔ̀.

Hwègbèèlì 2:27 ပူးပေါင်းရင်းမြစ်များ

Matiyò 11:23

Inyɔ hvɛ hwatò hwa Kàpɛ̀nàwɔ̀mì, è ɔ̀ŋgɛ̀lɛ̀ nanù ema, e ma uka ò ŋmanyu ya Lohwɛ̀, ndi è hwɛnì lì rzìhwirzɛhwɛ ò tenì yà mùnya. È ma hwɛ tɛ ema hweyà hwe mànyakà ema Lohwà à mà gbèye ò mbòwa ya anyu hwe mà gbeyàhwa tɛ ndi ò mbòwa ya Rzòdòmi òma eŋge mbòwà e hwèlì natɛ̀ɛ na yàwònò.

Makòrzì 1:24

“Jìyeyi! Ìi Yerzù wà Nàrzàrɛ̀tì, mamɛ ò jò àrzàna e? Ò jelì ndi lì jò hvàŋga e? Nà hwi njɛnɛ ò hwèlì, ò hwèlì ndi è mɔ̀ ema Lohwɛ̀ à òmi, ema à Tàni.”

Lukàrzɛ̀ 1:35

È aŋgèlì è mà mò alàhwɛ̀ nanù ema, “Èlìŋgɛ̀ yà Wòtani e ò rzìhweyà, ndèŋgàna è ŋginyà yà ama Lohwɛ̀ lì karzamì è ò hwandà. O eŋgànɛ̀lɛ̀, òŋgò Ŋmanà wà wòtani ema o ò ŋya, a ò hwɛ̀lɛ̀hwɛ̀ ndi è Ŋmanà wà ama Lohwɛ̀.

Lukàrzɛ̀ 16:23

Èŋge èhwàŋgì ya mòtò e mà ɛ̀ndɛ ò èkòme ya kpelì, ema e mà tàke nà èwiki. À mà kàrzɛ wòrzò wò eni, rzìi a ɛnɛ Abràhamù ɔnɛ̀yi hvòò nà Làrzàrɔ̀rzì hvɛ a lìya ò tòŋgòŋgò yà èni.

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Lukàrzɛ̀ 4:34

“Jìyeyi! Ìi Yerzù wà Nàrzàrɛ̀tì, mamɛ ò jò àrzàna e? Ò jelì ndi lì jò hvàŋga e? Nà hwi njɛnɛ ò hwèlì, ò hwèlì ndi è mɔ̀ ema Lohwɛ̀ a òmi, ema à Tanì.”

Yòwanìrzɛ̀ 11:39

Yerzù rzìi a òhwa nanù ema, “È ulɛ lìŋgi lìŋyàyi” ndi Mata ema à mà yahwa na Làrzàrɔ̀rzì rzìi a òhwa nanù ema, “Ìi Rzàŋgò ŋmìimbà mò eni mò mà wòteyà lì uŋgba naŋgɛ èhwanja mò ma uka menya menii ò rzɔ̀ŋgɔ.”

Hwègbèèlì 2:26

O eŋgànɛlɛ rzɔ ŋmèma mò ami mò òndi na mɔ̀nyɛ̀ŋgì, ndèŋgànɛlɛ hvɛ imba na òhwa ŋmɛ̀ndì na mɔ̀nyɛ̀ŋgì. È nyò ya ami yɔ hvɛ e ò hwɛnɛ lìhvìtà na òma na hwèlì lòŋgɛ.

Hwègbèèlì 2:28

O ma nò uŋmɛ̀lɛ̀ injiya ema i jànà lòŋgɛ̀, ndèŋgànɛlɛ na òma o ò hwɛ ò tòŋgòŋgò ya ami na ò lìŋga.’”

Hwègbèèlì 2:31

Dàhwitì à mà ɛnɛ̀ hvòò mamɛ Lohwɛ̀ à mà hwɛ̀nɛ̀ lì gbeyà ò wòrzò rzìi à òhwa hweyà lì hvòmɛ̀nɛ̀ hwèhvùmùwèlì hwe ama è Mɔ̀ ema à Ɔ̀kirzɛ̀hwɛ̀yi. A mà òhwa nanù ema, ‘Lohwɛ̀ a rzi emeyà nanù ema mɔ̀ à ò kìnyɛ̀lɛ̀ ò èkòmè ya kpelì, ndèŋgànɛ̀lɛ̀ èèmbè ya eni e rzi rzɔ̀mbeyà ò tenì ya rzɔ̀ŋgɔ̀.’

Hwègbèèlì 3:14

È mà rzɔ̀rzɔ̀ è mɔ̀ wà Wòtani nà Èhve-ehve, rzìi inyɔ è timba ndi lì rzòrzòmeyà Pìlatò nanù ema à è rzòlòhweyà ndi è mòtò ema à òŋwa hwatò.

Hwègbèèlì 4:27

È ma gbèyɛ̀nɛ nanù. Hɛ̀rɔ̀dì na Pòntìyùrzì Pìlatò hwà mà taneya ò ene mbòwà nàa hwatò ema hwa rza enje wònyà Yudà na hwàtimbelì hwa wònyà Irzàyɛ̀lì. Wɔ̀ hwà mà gbeyà ndi nanù, ò lì gbeyà hwètɛ̀yìrzèlèlì lì teŋgɛ̀nɛ̀ Yerzù, e mògbèèlì wa aŋgɔ̀ ema a hwèlì Wòtani, ndèŋgànà mɔ̀ ema ò wa ò ma Ɔ̀kirzɛ̀yi.

1 Kɔ̀rintìyà 15:52

o ŋmanà hvoka hvonda. Hwenè hwe tikowelì hwe o hvinjɛlɛ ndi nàa ehvohvo ya lìrzɔ. Ène eyà e o gbèyɛ̀nɛ e hvonda ema lìyɔ̀mi la lìrzùkù lì o tòŋgahwɛ̀ɛ. Liyɔmi lì tòŋgahwi tɛ hwaŋga hwatò ema hwà mà ŋwɛɛ hwa o hvùmùwà, hwa rza o ŋwa hvɛ, rzìi oma Lohwɛ̀ à mà jo tikowa irzɔ hwa arzɛ.

1 Kɔ̀rintìyà 15:55

“I kpelì one e ŋginyà ya aŋgɔ ya lì kpirzɛ e mòtò e hwèlì e? I kpelì one e ŋginyà ya aŋgɔ e hwèlì o lì òkìrzɛ̀ e mòtò mòrziyò e?”

1 Yòwanìrzɛ̀ 2:20

Ndì ò inyɔ, è Mɔ̀ ema à Ɔ̀kirzɛ̀hwɛ̀ à mà è ŋgba Èlìŋgɛ̀ yà Wòtani. Ò eŋgànɛ̀lɛ̀ rzɔ inyɔ hwa arzɛ è hwi è jɔ̀kɛ̀.

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.

Hwèwulùwèlì 20:13

Hwàto ema hwa mà ŋwèeyà ò tenì yà ŋmànja, hwa mà ɛndɛ ò mà Lohwɛ̀ aŋga nanù à hwa kàyìrzɛ̀. Ndeŋgànɛlɛ hwanɛyi hwatò ema hwa mà ŋwɛ̀ɛ̀ ema hwa hwèlì ò èkomè yà hwatò ema hwa mà ŋwɛ̀ɛ̀, wɔ̀ hvɛ hwa ò tɛ̀mɛ̀ ò worzo wò ama Lohwɛ̀ aŋga nanù mɔ̀ à ò hwa kàyìrzɛ̀ lì wowàna hwɛ̀ɛ̀mɛ̀ hwe awu.

Hwèwulùwèlì 3:7

À mà nò òhweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Hvìladɛlhvìyà nanù ema, “Ŋmɛ̀ndì mono ema mò uwɛ̀lɛ̀lɛ̀yì nà è mɔ̀ ema à hwèlì wòtani nà jɔ̀kɛ̀. Mɔ̀ à hwɛni màyìmbì ò lì kànèyà nyayi hvɔ̀kɔ nà oma kìŋgɛ Dàhwitì à mà hwɛ lì kànèyà. Mɔ̀ à lìhvo tɛ lìyòhva tɔ̀ mòtò à rza tànɛ à lì umba, ndèŋgànɛlɛ à umbi tɛ lìyohva tɔ̀ mòtò à rza tànɛ à lì lìhvowa.