Hwègbèèlì 2:18 - Mokpwe: Bakwery (New Testament)

¹⁸ Nànù mɛnɛ ndi imba na gbèyà. O mèŋge mèenyà mɛnɛ, na òma èlìŋgɛ̀ ya ami ya Wòtani e ò rzihweyà hwàgbèèlì hwa ami, hwa wunyanà na hwalana, ndèŋgàna wɔ̀ hwa ò òhwa hweyà ema hwe uwɛ̀lɛ̀lɛ̀yi ò mba ami ndèŋgànà hwa ò òhwa hvɛ hweyà ema hwe ò gbeeyɛnɛ ò e hvònda ema e ò jɛ̀ɛ̀ ò wòrzò.

Hwègbèèlì 2:18 ပူးပေါင်းရင်းမြစ်များ

Lukàrzɛ̀ 12:45

“È hwèlì tɛ ema òŋgò mògbèèlì à hwèlì ndi e mògbèèlì wa wòhwe rzìi a òhwa ò ŋmèma mò eni nanù ema, ‘Rzàŋgò wà èni wa èwòlò a ò kùwa mbɔ̀ ò lì jà.’ Rzìi à wòteyà ndi lì tiyà hwanɛ̀yi hwàgbèèlì, hwa wùnyànà nà hwalanà ema hwa hwèlì ò rze ya eni, rzìi a à làa mòlelì, a nyɔ mimba rzi a wòmà.

Hwègbèèlì 2:17

Lohwɛ̀ à mà òhwa nanù ema, ‘O mèenyà me lìrzukù, imba na òma Èlìŋgɛ̀ ya ami ya Wòtani ndèŋgànɛ̀lɛ̀ e jèeya tɔ̀ ima mòtò. Hwaana hwa anyu hwa wunyanà na e wɔ̀ hwa hwalana, hwa ò òhwa hweyà ema hwe ò gbèyɛ̀nɛ ò e hvònda ema e ò jɛ̀ɛ̀. Imberza ja anyu jò ò ɛnɛ jɛ̀nɛ̀nì ema jò uwɛ̀lɛ̀lɛ̀yi ò mba ami, hwàmbaki hwa anyu hvɛ hwa ò ɔ̀tɔ̀ indɔ̀tɔ̀.

Hwègbèèlì 2:19

Imba na ò uŋmɛ̀lɛ̀ hweyà hwe mànyakà ò ŋmanyu yà lohwà, ndèŋgànɛ̀lɛ̀ na uŋmɛ̀lɛ̀ hwembànèlì ò rze ya mɔ̀nyɛ̀. Màyìjà mò ò rzòweya, mùnya mò òŋwa na yutùtù hvɛ e wurza.

Hwègbèèlì 21:10

O mburza hvònda ema irzɔ i ma akɛlɛ ŋgurzu ja mèenyà aŋga, mòòhwèlì mɔ̀kɔ wa èlìŋgɛ̀ ema à mà hwɛ̀lɛ̀hwɛ̀ Agàbùrzì rzìi a ɔ̀ndɔ̀ yɔ̀ndɔ̀ lì anjiya ò erzòòkà ya Jùdeyà ò lì jò jèeya.

Gàletìyà 3:28

Ò eŋgànɛ̀lɛ̀ rzɔ, o rza enje lì akahwanɛ ò hwaŋga ema hwa hwèlì wònyà Yudà nà hwaŋga ema hwa rza enje wònyà Yudà, ò hwàkòmì nà ò hwaŋga ema hwa hwèlì wònja, ò wunyanà nà hwalanà. Inyɔ hwa arzɛ è hwèlì ndi mòtò mɔ̀kɔ èhwanja è lòkɛ̀ Yerzù Krirztò.

Kòlòrzìyà 3:11

ò rza enje hwèkàkòwèlì ò hwatò hwa wònyà Yudà nà hwatò ema hwa rza enje wònyà Yudà, tɔ̀ mòtò ema à endàhwì tɔ̀ è mɔ̀ ema à rza endàhwɛ̀. Ò rza enje hwèkakòwèlì ŋga mòtò à hwèlì ndi ŋmɛ̀nì tɔ̀ mòtò wà hwaŋga tɔ̀ mòtò wà wònja. Krirztò ndi à hwèlì hweyà hwe arzɛ, ndèŋgànɛlɛ à hwèlì ò tenì yà inyɔ hwa arzɛ.