Hwègbèèlì 2:17 - Mokpwe: Bakwery (New Testament)

¹⁷ Lohwɛ̀ à mà òhwa nanù ema, ‘O mèenyà me lìrzukù, imba na òma Èlìŋgɛ̀ ya ami ya Wòtani ndèŋgànɛ̀lɛ̀ e jèeya tɔ̀ ima mòtò. Hwaana hwa anyu hwa wunyanà na e wɔ̀ hwa hwalana, hwa ò òhwa hweyà ema hwe ò gbèyɛ̀nɛ ò e hvònda ema e ò jɛ̀ɛ̀. Imberza ja anyu jò ò ɛnɛ jɛ̀nɛ̀nì ema jò uwɛ̀lɛ̀lɛ̀yi ò mba ami, hwàmbaki hwa anyu hvɛ hwa ò ɔ̀tɔ̀ indɔ̀tɔ̀.

Hwègbèèlì 2:17 ပူးပေါင်းရင်းမြစ်များ

Lukàrzɛ̀ 3:6

Àŋga ndi è mòtò wà àrzɛ à ɛnɛ nà òmà Lohwɛ̀ a òŋgìrzɛ hwatò hwa eni.”

Yòwanìrzɛ̀ 17:2

Èhwanja ò mò ŋgbelì wònjà lì kànèyà hwatò hwa arzɛ ò lì arza nanù ema a ŋgbè hwaŋga ema ò mò ŋgbelì lòŋgɛ la gbìndèyà.

Yòwanìrzɛ̀ 7:39

Yerzù à mà hwɛ ndi lì òhwa, lì hvòmɛ̀nɛ̀ Èlìŋgɛ̀ yà Wòtani. Èŋge Èlìŋgɛ̀ yà Wòtani yɔ ndi hwaŋga hwatò ema hwà mà mò lòkɛ̀yì hwà mà hwɛnɛ lì ŋgbahwa. O lìŋgi lìrzakò ò ma Èlìŋgɛ̀ yà Wòtani e rzi hwa ŋgbàhwi èhwanja ò lìŋgi lìrzakò ò ma Lohwɛ̀ a rzi uŋmɛ̀lɛ̀ èluhwe ya ama Yerzù.

Hwègbèèlì 10:45

Hwàtò hwa Yudà ema hwa mà lòkɛ̀ Yerzù ema hwa mà uwɛ̀lɛ̀lɛ̀yi ò Jopà nà Pètrò, hwa mà tàmà rzayi-rzayi ò lì ɛnɛ nanù ema Lohwɛ̀ à ŋgbelì hvɛ hwatò ema hwa rza enje wònyà Yudà jàhwèyà jà eni jà Èlìŋgɛ̀ yà Wòtani.

Hwègbèèlì 11:27

O ene hvònda ndi lòŋgò la hwà-òhwèlì hwa hwèlìŋgɛ̀ hwà mà anjiye ò mbòwa ya Jèrurzalɛ̀mù lì ɛ̀ndɛ ò mbòwà ya Antìyɔ̀kì.

Hwègbèèlì 11:28

Mɔ̀kɔ hwa hwaŋga hwà-òhwèlì hwa hwèlìŋgɛ̀ ema à mà hwɛ̀lɛ̀hwɛ̀ Agàbùrzì à mà tɛ̀mɛ̀ ò ŋmanyu. Nà e ŋginyà ya Èlìŋgɛ̀ yà Wòtani rzìi mɔ̀ à tɛ̀mɛ̀nɛ̀ ò ŋmanyu rzìi a òhwa nanù ema, “Njawò ndɛnɛ e hwɛnì lì jèeyà e rze ya arzɛ.” Ène eyà e ma gbèyɛ̀nɛ e hvònda ema Klàwɔ̀dìyùrzì à mà hwɛ e mòkànèlì.

Hwègbèèlì 2:16

Jàyɛ̀, ene eyà e gbèyɛ̀nɛ ndi ò lì òndìrzɛ̀ jòòhwì ja ama e mòòhwèlì wà èlìŋgɛ̀ Jòhwɛlì à mà òhwe nanù ema,

Hwègbèèlì 2:18

Nànù mɛnɛ ndi imba na gbèyà. O mèŋge mèenyà mɛnɛ, na òma èlìŋgɛ̀ ya ami ya Wòtani e ò rzihweyà hwàgbèèlì hwa ami, hwa wunyanà na hwalana, ndèŋgàna wɔ̀ hwa ò òhwa hweyà ema hwe uwɛ̀lɛ̀lɛ̀yi ò mba ami ndèŋgànà hwa ò òhwa hvɛ hweyà ema hwe ò gbeeyɛnɛ ò e hvònda ema e ò jɛ̀ɛ̀ ò wòrzò.

Hwègbèèlì 2:33

Lohwɛ̀ à mà mò ŋgba kònda yà èluhwe ò lìya là eni là mòmɛ̀. Ndeŋgànɛ̀lɛ̀ à mà mò ŋgba Èlìŋgɛ̀ yà Wòtani ema à mà òhwe nanù ema à ò mò ŋgba. Yerzù mɔ̀ hvɛ à mà jò ŋgba eŋge èlìŋgɛ̀ ndèŋgànɛ̀lɛ̀ yɔ̀ ndi è gbèyi ema inyɔ è ɛnɛ̀ nà lì hweyà tɔ̀ mamɛ ema è gbèyɛ̀nɛ̀ yàwònò.

Hwègbèèlì 21:9

A ma òhva hwàna hwànìi ema hwà mà hwɛ ndi mèyɔ̀mbɔ̀ me ŋgɔ̀ndɔ̀, ema hwà mà hwɛ lì òhwa hweyà ema hwe ma uwɛ̀lɛ̀lɛ̀yi ò ma Lohwɛ̀.

Ròmànì 5:5

Jò òhvi tɛ lìhvìtà i rza timbana màa matò. Èhwanja Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, na òma a mà gbeyɛ e ndìŋgɛ ya eni ò lì kpèeyà ò mèèmà me arzu. À mà gbeyà ene na òma a jò ŋgbelì Èlìŋgɛ̀ yà eni yà Wòtani.

1 Kɔ̀rintìyà 12:10

Rzi Èlìŋgɛ̀ e ŋgbaà hvɛ mòtò mɔ̀kɔ, e ŋginyà ya lì gbeyà hweyà hwe mànyakà, rzi a ŋgbaà ɔhvɛ làhweyà la lì ohwa ŋmɛ̀ndì mo Lohwà. O ma ohvɛhvɛ mòtò, èlìŋgɛ̀ yà wòtani e ŋgba e ŋgilì ya lì rzɔ̀ŋgìtɛ̀nɛ̀ màahweyà ema mà uwɛ̀lɛ̀lɛ̀yi o èlìŋgɛ̀ yà wòtani, na e lɔ̀wu ema lì rza uwɛ̀lɛ̀lɛ̀yi o èlìŋgɛ̀ yà wòtani. Èŋge èlìŋgɛ̀ mɛnɛ e ŋgba mòtò mɔ̀kɔ lìhwiyè la lì ohwa ihvɛhvɛ mbɔrzi, e ŋgba ohvɛhvɛ mòtò lìhwiyè o lì tikowa mamɛ hwaŋga hwatò hwa ohwa.

1 Kɔ̀rintìyà 12:28

Lohwɛ̀ à mà ŋgba hwatò hwehvɛhvɛ hwèwòlò ò tenì ya mìitelì. A ma loma lì ika lòŋgo la hwatò i Àpɔ̀rzìtòlò. O mburzà nanù, a hvɔ̀rzɔ̀ hvɛ hwà-òhwèlì hwa hwèlìŋgɛ̀. Ndèŋgana a e hvɔ̀rzɔ̀ hvɛ Hwà-òkòwèlì. Ndèŋgana a e hvɔ̀rzɔ̀ hwatò ema hwa gbeyà hweyà hwe mànyakà. Rzi a hvɔ̀rzɔ̀ hvɛ hwatò ema hwa òŋgòwàna hwanɛ̀yi hwatò. A ma hvɔ̀rzɔ̀ hwatò ema hwà mà hwɛnɛ lìhwiyè la lì tìmba hwahvɛhvɛ hwatò. Rzi a hvɔ̀rzɔ̀ hvɛ hwatò ema hwa ohwa ihvɛhvɛ mbɔrzi.

Hibrù 1:2

Ndì ò mene mèènyà me lìrzùkù rzɔ, Lohwɛ̀ à jò òhwìrzɛ̀nɛ̀ ndi lì akeyà nà è Ŋmanà wà eni. Lì akeyà nà mɔ̀ ndi Lohwɛ̀ à mà wèke è ŋmanyu yà lohwà nà rze yà mɔ̀nyɛ̀. Ndeŋgànɛ̀lɛ̀ mɔ̀ ndi Lohwɛ̀ à hvɔ̀rzì nanù ema a hwɛni ewèkèlì ya arzɛ ema Lohwɛ̀ à mà wèkɛ.

Jèmìrzì 5:3

Màŋgàaŋgo ma mà lɛmbɛ e gòòlù na e rzìlìhwà ya anyu ema e imelì o mɔ̀nyɛ̀. Maŋga màŋgaaŋgo ema mà lɛmbɛ hweŋge hwema mɔ̀ ndi ma gbèeyà Lohwɛ̀ à è kɔ̀kìrzɛ̀, ndèŋgànɛ̀lɛ̀ maŋga maŋgaaŋgo me e laa inyo ja anyu nàa mùnya. O mene mèenyà ema lìrzùkù lì ma kombɛ̀nɛ̀, inyɔ e ma àwɔ̀rzɔ̀nɛ̀ mònàmɛ̀.

2 Pètrò 3:3

Eyà ya worzo e aŋgàmɛ̀nɛ̀yi lì rzɔ̀ŋgìtɛ̀nɛ̀ nanù ema o mene mèènyà me lìrzùkù, lòŋgo la hwatò hwa o wurza ema mòŋgɛ ma awu, ma o kànèyàhwɛlɛ ndi na e nyìrzɛ̀ ya awu ya e nyàmà ya nyo hwa e yɔ̀eyà,