Hwègbèèlì 19:34 - Mokpwe: Bakwery (New Testament)

³⁴ Ndi na òma hwà mà ayembɛ nanù ema, Alɛ̀rzàndrìyà a hwèlì ndi mòtò wa wònyà Yudà, wɔ hwa arzɛ hwà mà tɛɛ mòrzeya mò eyà yɔ̀kɔ ò awa ihwakɛ nanù ema, “Atɛmirzi, lòòhwà la Ɛ̀hvɛ̀rzɔ̀rzì a òlò lì aka manɛyi mòhwa.”

Hwègbèèlì 19:34 ပူးပေါင်းရင်းမြစ်များ

Matiyò 6:7

È kànɛ tɛ è rza lìŋgɛ̀lɛ̀ è mbɔrzi ò lì hviyanɛ̀lɛ̀lɛ̀ hweyà ema hwe rza òhvɛ jànda nàa hwatò ema hwa rza enje wònyà Yudà hwa gbeyà. Hwanu hwatò wɔ̀ hwa ɔ̀ŋgɛ̀lɛ̀ ndi nanù ema, Tatɛ̀ Lohwɛ̀ à hwa hweyàna ehwànja hwa gbeyàna mbɔrzi rzayi-rzayi ò màkanɛ̀.

Hwègbèèlì 16:20

Wɔ̀ hwà mà hwa jànà ò wòrzò wò hwàtimbelì hwa Ròmànì, rzìi hwa hwà òhwàna nanù ema, “Hwanù wunyanà hwa hwèlì ndi wònyà Yudà, ndèŋgàna hwa jànà lùwànje ò mbòwà ya arzu ndɛnɛ.

Hwègbèèlì 19:24

O ma hwɛ mùnyanà mɔ̀kɔ ema à mà hwɛ̀lɛ̀hwɛ̀ Dɛ̀mɛ̀trìyùrzì. A ma hwɛ ndi lì gbeyà èwòlò ya wòkuhwa wò rzìlìhwà. A ma hwɛ lì wòndɛ hwèèmà ema hwe ma ayèkɛnɛ̀ hwèèmà ema hwe ma hwɛ ò mòòka mò ama lòòhwà ema lì ma hwɛ̀lɛ̀hwɛ̀ Atɛ̀mìrzì. Ène èwòlò e ma hwɛ lì jànà hwàgbèèlì hwa eni mɔ̀rzɛ̀ŋgì rzayi-rzayi.

Hwègbèèlì 19:26

O naŋgɛ rzɔ, inyɔ hwiti e ma ɛni, na lì hweyà eyà ema ònò mòtò Pàwolò a gbeyà. Mɔ̀ a òhwa nanù ema mòhwa ema mà wòndɛhwɛyi na màà mà hwatò hwa hwènàmà ma rza enje mòohwa. Ndeŋgànɛ̀lɛ̀ mɔ̀ à mà gbeyà rzayi-rzayi ja hwatò e ma hwa hwèlì ò Ɛ̀hvɛ̀rzɔ̀rzì na hwèrzòòkà hwe arzɛ hwe Èrzìyà, hwa lòkɛ̀ nanù ema hweyà ema mɔ̀ à òhwa hwe hwèlì ndi e jɔ̀kɛ̀.

Hwègbèèlì 19:28

Nà òma e ŋgindi e ma hweye hwene hweyà rzìi e tata rzayi-rzayi, rzìi e wòteyà ò lì tɛɛ merzeya nanù ema, “Atɛmirzi, lòòhwà la Ɛ̀hvɛ̀rzɔ̀rzì a imbami lì aka mòòhwà ma arzɛ.”

Hwègbèèlì 19:33

Lòŋgò la hwatò hwà mà kulɛ ndi nanù ema, Alɛ̀rzàndrìyà ndi à mà hwɛnɛ e njɔ̀mì. Kanatɛ mɔndi hwatò hwa wònyà Yudà hwà mà òme ò lì hvuŋgana. Alɛ̀rzàndrìyà rzi a karzɛ lìya la eni ò ŋmanyu ò lì arza lì òhwa eyà ò lì arzùŋgɛ̀ ò marzò ma hwaŋga hwatò.

Hwègbèèlì 19:35

O lìrzùkù e mòtilelì wa e mbòwa ndɛnɛ à mà lɔ̀kɔ mòŋgò mɔtɔwu. Rzìi à òhwa nanù ema, “Wònyàmòwe kòkò hwa Ɛ̀hvɛ̀rzɔ̀rzì, ò jɔ̀kɛ̀ njɛnɛ a hwèlì anu rze, ema a rza hwiyɛ nanù ema, Ɛ̀hvɛ̀rzɔ̀rzì ndi à hwèlì e mbòwa ndɛnɛ ema e ɔŋgeya mòòka mò ama lòòhwà la arzu lì ndɛnɛ Atɛmirzi. Ndeŋgànɛ̀lɛ̀ tɔ̀ ima mòtò a hwi nanù ema ene mbòwa ndɛnɛ ndi e ɔŋgeya lìŋyàyi la wòrzaŋgi ema lì ma uwɛ̀lɛ̀lɛ̀yi ò ŋmanyu yà lohwà.

Ròmànì 2:22

Inyɔ ema e òhweyà hwatò nanù ema, hwa rzi gbeyà mòrzònje mò lìhwa, rzeke inyɔ hwiti e gbeyà mòrzònje mò lìhwa e? È tɔ̀kirzɛnɛ nanù ema e kɔwu ò lì gbèeyà mahvɛhvɛ mòhwa, ndi inyɔ hwiti e ihwa ò hwèŋge hwetawò hwe màkanɛ̀ ema hwatò hwa gbèeyà mahvɛhvɛ mòohwà e?

Hwèwulùwèlì 13:4

Hwàto hwà mà hwɛ lì kanɛ̀ eŋge dragɔ̀ni ehwànja e ma ŋgbà èŋge èembe wònjà. Hwà mà hwɛ lì kanɛ̀ hvɛ eŋge èembe, rzìi hwa a ohwa nanù ema, “Njɛnɛ a hwèlì nàa ene èembe e? Njɛnɛ a tànɛyi lì mo teŋgɛ̀nɛ̀ e njuma e?”