Hwègbèèlì 19:27 - Mokpwe: Bakwery (New Testament)

²⁷ O eŋgànɛ̀lɛ̀ na òka wɔ̀ŋgɔ̀ nanù ema lìinà la e nyòŋga ya arzu lì hwɛni lì hvàŋgeyà. Rzeke hvɛ tɛ eŋge mɛnɛ na òka wɔ̀ŋgɔ̀ hvɛ nanù ema mòòka mò ama lòòhwà lì ndɛnɛ Atɛmirzi lì rza hwɛnɛ hvɛ tɔ̀ wòlìtò. Hwàtò hwa rza ò mò ɛnɛ nàa yòma hvɛ tɛ òma tɛ mɔ̀ ndi à hwèlì lòòhwà la hwatò hwa arzɛ ò erzòòkà ya Èrzìyà na hwatò hwa arzɛ hwa e rze ya mɔ̀nyɛ̀.”

Hwègbèèlì 19:27 ပူးပေါင်းရင်းမြစ်များ

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

Matiyò 24:14

Mònò ŋmɛ̀ndì mò gbamù lì hvòmɛ̀nɛ̀ lìkànèyà la ama Lohwà mò òhwahwa ò marzuku ma e rze ya arzɛ nàa mbòŋgi ò hwèkòmè, ndèŋgàna lìrzukù lì e ja.

Hwègbèèlì 19:10

Pàwolò à mà gbeyà nanù ò hvòka ya meya mehwakɛ. Ène eyà e ma gbeyà nanù ema wònyà Yudà na hwaŋga hwatò ema hwa rza enje wònyà Yudà ema hwà mà hwɛ lì lìya ò erzòòkà ya Èrzìyà hwà mà hweyà eyà ya Lohwà.

Hwègbèèlì 19:21

O mburza ya hwene hwègbèèlì hwe arzɛ, Pàwolò à mà kulɛ ò ŋmèma mò eni nanù ema a akeyà ò tenì ya hwèrzòòkà hwe Màrzèdonìyà na Àkayiyà ndèŋgànà a e ɛndɛ ò Jèrurzalɛ̀mù. A ma òhwa nanù ema, “Nà mà ɛndɛ tɛ aŋga, na àŋgàmɛ̀nɛ̀yi lì ɛndɛ hvɛ ò lì ɛnɛ èkòmè ya Ròmànì.”

1 Tìmotì 6:5

Ène e ma hwa gbeyà ema hwa tɔ̀wɔ mòtaŋgo ihvonda ja arzɛ ŋgàna ema o ambi wɔ̀ lì hwiya mamɛ ema e hvomɛ̀nɛ̀. Hwa rza tànɛyi lì rzɔŋgìtɛ̀nɛ̀ eyà ema e hwèlì e jɔ̀kɛ̀ na e yɔ ema e hwèlì mòlàŋgà. Wɔ̀ hwa ɔ̀ŋgɛ̀lɛ̀ nanù ema, hwa gbèelì tɛ Lohwɛ̀, oma hwà mà tuwa hwèwàŋgì.

1 Yòwanìrzɛ̀ 5:19

Ì hwi nanù ema irzɔ ì hwèlì ndi hwàanà hwa ama Lohwɛ̀, tɔ̀ nɛ ì hwi nanù ema è Mɔ̀ wà Wòhwe ndi à kànèyà hwatò ò rze ema hwa rza hwiyɛ Lohwɛ̀.

Hwèwulùwèlì 13:3

Mòòhvò mɔ̀kɔ mo èŋge èembe mo ma ɛneya ndi o a ɛnɛ oma mo ma hwènìrzɛ̀hwɛ̀ ŋginyà, ndi èhwènà ndɛnɛ e ma hwɛ e ma wɔ̀wɔ̀. Hwàto hwa e rze ya mɔ̀nyɛ̀ ya arzɛ hwà mà tàmà rzìi hwa wòteya lì oŋgama èŋge èembe.

Hwèwulùwèlì 13:8

Hwatò hwa arzɛ hwa è rze yà mɔ̀nyɛ̀ hwa ò kanɛ̀ eŋge èembe. Hwàto ema hwa rza ò è kanɛ̀, hwa hwèlì ndi hwaŋga hwatò ema mìinà mà awu mà tìlahwe ò tenì yà è kààtì yà lòŋgɛ ndèŋgànà Lohwɛ̀ à è wèka è rze yà mɔ̀nyɛ̀. È Ŋguma yà Mɔ̀lɛ̀ŋgù ema hwa mà oŋwe, mɔ̀ ndi à hwɛni ene kààtì.

Hwèwulùwèlì 14:9

È aŋgèlì ema è mà ùkirzɛ̀ iyàwò yɔhvɛ rzi yo oŋgama iŋgi jà ahwakɛ jà worzò, è ohwa nà lìlo lì kàrzàmi nanù ema, “È hwèlì tɛ nanù ema mòtò à kanɛ̀ èembe ema è uwɛlɛlɛ ò ŋmànja, nà èrzìrzà yà eni, rzìi à lùwa embànelì yà eŋge èembe ò mbɔ̀mbɔ̀ yà eni tɔ̀ ò lìya là eni,