Hwègbèèlì 19:25 - Mokpwe: Bakwery (New Testament)

²⁵ O eŋgànɛ̀lɛ̀ rzɔ mɔ̀ à mà rzàŋga hwàgbèèlì hwa eni hwa arzɛ na hwahvɛhvɛ hwatò ema hwà mà hwɛ lì gbeyà eŋge nyayi ya èwòlò, rzìi a hwa òhweyà nanù ema, “Wònyamòwè kòkò, e hwi nanù ema jò uhwàna wòlì rzayi-rzayi ò ene nyòŋga.

Hwègbèèlì 19:25 ပူးပေါင်းရင်းမြစ်များ

Hwègbèèlì 16:19

Nà òma hwaŋga hwatò ema hwà mà anda òŋgò ŋmanà ŋgɔ̀ndɔ̀ nàa mòkòme hwà mà ayɛ̀ɛmbɛ̀ nanù ema mɔ̀ à rza tànɛyi lì gbeyà hvɛ nanù ema hwa luwe wòlì, wɔ̀ hwà mà hvùma Pàwolò na Rzàyìlàrzì rzìi hwa hwà kòòwà ò lì hwa ɛ̀ndɛ̀nɛ̀ ò hwàkànèlì ema hwà mà hwɛ ò ìtììtènì ja e mbòwa ndɛnɛ.

Hwègbèèlì 19:24

O ma hwɛ mùnyanà mɔ̀kɔ ema à mà hwɛ̀lɛ̀hwɛ̀ Dɛ̀mɛ̀trìyùrzì. A ma hwɛ ndi lì gbeyà èwòlò ya wòkuhwa wò rzìlìhwà. A ma hwɛ lì wòndɛ hwèèmà ema hwe ma ayèkɛnɛ̀ hwèèmà ema hwe ma hwɛ ò mòòka mò ama lòòhwà ema lì ma hwɛ̀lɛ̀hwɛ̀ Atɛ̀mìrzì. Ène èwòlò e ma hwɛ lì jànà hwàgbèèlì hwa eni mɔ̀rzɛ̀ŋgì rzayi-rzayi.

Hwègbèèlì 19:26

O naŋgɛ rzɔ, inyɔ hwiti e ma ɛni, na lì hweyà eyà ema ònò mòtò Pàwolò a gbeyà. Mɔ̀ a òhwa nanù ema mòhwa ema mà wòndɛhwɛyi na màà mà hwatò hwa hwènàmà ma rza enje mòohwa. Ndeŋgànɛ̀lɛ̀ mɔ̀ à mà gbeyà rzayi-rzayi ja hwatò e ma hwa hwèlì ò Ɛ̀hvɛ̀rzɔ̀rzì na hwèrzòòkà hwe arzɛ hwe Èrzìyà, hwa lòkɛ̀ nanù ema hweyà ema mɔ̀ à òhwa hwe hwèlì ndi e jɔ̀kɛ̀.

2 Pètrò 2:3

O tenì ya e njɔ̀ŋgu ya awu, hwanu hwà-òkòlèlì hwa mòlaŋgà, hwa o luwa morzɛ̀ŋgi o lì e ohweyà màyìtò ema wɔ̀ hwa weki e lì e hvùmana hwèèmà. Lohwɛ̀ mɔ̀ à mà màa lì akɛlɛ e mbàko na e koohwa nanù ema a o hwa kɔ̀kìrzɛ̀. Èŋge kɔ̀kìrzɛ̀ e hwa ambɛ̀lɛ̀, ndèŋgànɛ̀lɛ̀ mòŋgo mokona mo hwa ambɛ̀lɛ̀.

Hwèwulùwèlì 18:3

Èhwànja hwatò hwa arzɛ hwa hwèkòmè hwe e rze ya mɔ̀nyɛ̀ hwà mà hwɛnɛ e nyɔ̀ŋgì ya lì gbeyà hweyà hwe wòhwe ema à mà hwɛ lì gbeyà ndèŋgànà mɔ̀ à e hwa ŋgba mìimba emà mà hwa womìrzɛ. Ikìŋgɛ ja e rze ya mɔ̀nyɛ̀ i ma gbeyà mòrzònje na mɔ̀. Ndèŋganɛlɛ hwatò hwa rze ema hwa anda na lì àhwirzɛ̀ e nyòŋga, hwà mà tuwa hwèwàŋgì ehwànja hwà mà ohva e nyɔ̀ŋgi ndɛnɛ ya lì gbeyà hweyà hwa eni hwe wòhwe.”