Hwègbèèlì 19:21 - Mokpwe: Bakwery (New Testament)

²¹ O mburza ya hwene hwègbèèlì hwe arzɛ, Pàwolò à mà kulɛ ò ŋmèma mò eni nanù ema a akeyà ò tenì ya hwèrzòòkà hwe Màrzèdonìyà na Àkayiyà ndèŋgànà a e ɛndɛ ò Jèrurzalɛ̀mù. A ma òhwa nanù ema, “Nà mà ɛndɛ tɛ aŋga, na àŋgàmɛ̀nɛ̀yi lì ɛndɛ hvɛ ò lì ɛnɛ èkòmè ya Ròmànì.”

Hwègbèèlì 19:21 ပူးပေါင်းရင်းမြစ်များ

Hwègbèèlì 16:12

Aŋga ndi i ma anjiye rzìi je ɛndɛ ò Hvìlìpì. Hvìlìpì a hwèlì ndi e mbòwa ndɛnɛ ò erzòòkà ya Màrzèdonìyà, ndèŋgànɛ̀lɛ̀ e ma hwɛ ndi mbòwa ndɛnɛ ema hwà mà ika ndi imbenda ja Lòmani. I ma hwɛ aŋga ò ŋgurzu ja mèenyà.

Hwègbèèlì 18:12

È hvònda ema Kàyirza à mà lìirzɛ Galìyò ò mbòkò nàa e Gɔhwina ndɛnɛ ò erzòòkà ya Àkayiyà, hwatò hwa wònyà Yudà ò mbòwa ndɛnɛ ya Kɔ̀rintò hwà mà alatanɛ, rzìi hwa ŋgbaŋgɛ Pàwolò, rzìi hwa mò jànà ò ndawò ya hwèkàyìrzèlì.

Hwègbèèlì 18:21

Ndi ò hwɛndèli hwe eni à mà hwa òhweyà nanù ema, “È hwèlì tɛ lì emeyà la ama Lohwɛ̀ na ò e timbeya.” A ma kpèeyà ò melì me ŋmànja rzìi a anjiya ò mbòwa ndɛnɛ ya Ɛ̀hvɛ̀rzɔ̀rzì.

Hwègbèèlì 19:22

O eŋgànɛ̀lɛ̀ rzɔ mɔ̀ à mà òma hwà-òŋgòwànèlì hwa eni hwahwàkɛ Tìmòtì na Ɛ̀ràrztùrzì, ò erzòòkà ya Màrzèdonìyà, ndi mɔ̀ à mà lìya ò erzòòkà ya Èrzìyà hvɛ ŋmanà hvòka hvònda.

Hwègbèèlì 19:29

Mòŋgò mòhvùŋgu mò ma nyàla ò e mbòwa ndɛɛndɛ ya arzɛ. È ŋgindi rzìi e hvùma Gàyiyùrzì na Arìrztàkùrzì, ema hwà mà uwɛ̀lɛ̀lɛ̀yi o Màrzèdonìyà ema hwà mà hwɛ ò mòndeŋge na Pàwolò, rzìi hwa hwà hwaŋgàna ò ndawò ya wòlìya wò mbòwa.

Hwègbèèlì 20:16

Pàwolò mɔ̀ à mà kulɛ ndi nanù ema, i hwɛni lì hvanja e mbòwa ndɛnɛ ya Ɛ̀hvɛ̀rzɔ̀rzì ò ŋmanyu aŋga nanù i rza hvaŋga hvònda ò lì uka ò erzòòkà ya Èrzìyà. A ma hwɛ lì ahwèŋgɛ̀ ò lì uka ò mbòwa ndɛɛndɛ ya Jèrurzalɛ̀mù, ò wùnyà wò Pɛ̀ntìkɔ̀rzì à mà atanɛ tɛ.

Hwègbèèlì 20:22

Ndeŋgànɛ̀lɛ̀ ò naŋgɛ, na òma èlìŋgɛ̀ e nò lìyɛlɛ, na àŋgàmɛ̀nɛyi lì ɛndɛ ò mbòwa ndɛɛndɛ ya Jèrurzalɛ̀mù tɔ̀ nɛ na rza hwiyɛ mamɛ ema e ò nò gbèyɛ̀nɛ aŋga.

Hwègbèèlì 21:17

È hvònda ema irzɔ i ma uke ò Jèrurzalɛ̀mù, hwàlòkèlì hwa ama Krirztò ema hwa hwèlì aŋga, hwà mà jò kàrzɛ na mɔ̀nyɛ̀ŋgi.

Hwègbèèlì 21:4

I ma a ahvùlùhwɛ lòŋgò la hwàlòkèlì aŋga. Rzi i lìya na wɔ ò mèenyà lìrzàmba. O e ŋginyà ya Èlìŋgɛ̀ yà Wòtani, wɔ hwà mà òhweyà Pàwolò nanù ema a rzi keka lì ɛndɛ ò Jèrurzalɛ̀mù.

Hwègbèèlì 23:11

O wòŋgò wuu, Rzàŋgò à mà tɛmeya Pàwolò ò tòŋgòŋgò rzìi a mò òhweyà nanù ema, “O rza òka wɔ̀ŋgɔ̀! Èhwànja e ŋgànà ema ò nò tɛmelì e mbòŋgi ò ene mbòwa ya Jèrurzalɛ̀mù, nanù mɛnɛ hvɛ ndi ò hwɛni lì nò tɛmeya e mbòŋgi ò èkòmè ya Ròmànì.”

Hwègbèèlì 27:1

È hvònda ema hwà mà kulɛ nanù ema i kpèeyà ò tenì ya melì me ŋmànja ò lì ɛndɛ o èkòmè ya Itàlì, hwà mà akɛlɛlɛ Pàwolò na hwahvɛhvɛ hwatò hwa hwèwòwà ò ma e mòkànèlì wa hwààna njuma ema à mà hwɛ̀lɛ̀hwɛ̀ Jùlìyɔ̀rzì. Jùlìyɔ̀rzì mɔ̀ à mà hwɛ lì kànèyà lìtuta la hwààna njuma ema hwà mà hwɛ lì hwɛlɛ nanù ema, “Lìtuta la hwààna njuma hwa ama Kàyìrzà.”

Hwègbèèlì 27:24

‘Ìi Pàwolò ò rzi òka tɔ wɔ̀ŋgɔ̀! O wa ò hwɛni lì tɛ̀mɛ̀ ò wòrzò wa ama Kàyìrzà e mòkànèlì ò lì kàya. O nyòla e ndèli ema Lohwɛ̀ a ò hwɛnelì, mɔ̀ à ò rzùŋgà hwaŋga hwatò hwa arzɛ ema hwa ɛndɛlɛnɛ na ò wa ò ene yɔ̀ndɔ ya malìhwa.’

Hwègbèèlì 28:16

È hvònda i ma ùke ò Ròmànì, Pàwolò à mà ŋgbààhwà wònjà ò lì lìya mɔ̀ ŋmìti, ndi à mà òhva rzònja ema e ma mò ɔŋgeya.

Ròmànì 1:11

Nà hwɛni nyɔ̀ŋgi rzayi-rzayi ò lì è ɛnɛ aŋga nanù nà uki tɛ, nà è embɛ nà jàhwèyà ema èlìŋgɛ̀ yà Lohwɛ̀ è mà nò ŋgbɛ.

Ròmànì 1:13

Wònyamòwè kòkò, nà lìŋgàna nanù ema è hwiye nanù ema, nà mà òhva mɔ̀ŋgɛ̀lɛ̀ rzayi-rzayi ja ŋgelì ò lì jà lì è ɛnɛ ndi nàtɛ̀ɛ nà nàŋgɛ è njiya è rzi lìhvòhwèlì. Nà lìŋgàna lì jà aŋga ò lì gbeyà èwòlò ò ìtììtènì jà anyu ema è ŋyàa hwehvùma nyàyi hvɔ̀kɔ nà òma nà mà gbèeyà hvɛ hwahvɛhvɛ hwatò ema hwa rza enje wònyà Yudà.

Ròmànì 1:15

Ò èŋgànɛ̀lɛ̀ rzɔ, nà òhvi nyɔ̀ŋgi yà ŋginyà ò lì è òhweyà inyɔ hvɛ ema e hwèlì ò Ròmànì Ŋmɛ̀ndì mò Gbamù.

1 Kɔ̀rintìyà 16:5

Imba na jà o lì ehvɛhvɛ e hvonda ema na kulɛ o lì akeyà o erzòòkà ya Màrzèdonìyà èhwanja imba na ikayi o ŋmèma ema na akeyà ndi èŋge èhvarzù ya Màrzèdonìyà.

1 Kɔ̀rintìyà 4:19

Ndi na o jà, na akɛlɛ hvɛ lì jà, e hwèlì tɛ nanù ema Rzàŋgo a emelì. Nà jelì tɛ o ma nà mà hwiya mamɛ hwanù hwatò hwa kumba hwa gbeyàna e jɔ̀kɛ̀ ndèŋgàna na hwiya hvɛ ŋga hwa gbeyàna ndi e ŋginyà ema e uwɛ̀lɛ̀lɛ̀yi na Lohwɛ̀, ŋga hwa kɛ ndi wàna ja ŋgundu.

2 Kɔ̀rintìyà 10:16

Ène e o jo gbeyà o lì ɛndɛ o hwehvɛhvɛ hweki ema hwe rzɔlɛnɛ o lì ohwa Ŋmɛ̀ndì mò Gbamù e rzi hwɛ nanù ema irzɔ i kùmba màà mà arzu o kòkò lì hvomɛ̀nɛ̀ hwèwòlò ema hwahvɛhvɛ hwatò hwà mà gbèeyà o hwehvɛhvɛ hweki.

Gàletìyà 2:1

Ò mburza yà lìyome là meya nà meni, nà mà timba ò Jèrurzalɛ̀mù nà Bànàbàrzì, Tàyìtùrzì hvɛ à mà hwɛ ò mondeŋge nà imba.

1 Tɛ̀rzàlonìyà 1:7

Ò eŋgànɛ̀lɛ̀ rzɔ ɛ̀ɛ̀mɛ̀ yà anyu è mà hwɛ ndi nàa embànelì ò ìtììtènì jà hwatò ema hwa lòkɛ̀yi, ema hwa hwèlì ò erzòòkà yà Màrzèdonìyà nà Àkayiyà.