Hwègbèèlì 19:11 - Mokpwe: Bakwery (New Testament)

¹¹ Lohwɛ̀ à mà gbeyà nanù ema Pàwolò a gbeyà hweyà hwe mànyàka ema hwatò hwa rzi nyàmɛ̀lɛ̀ ò lì ɛnɛ.

Hwègbèèlì 19:11 ပူးပေါင်းရင်းမြစ်များ

Yòwanìrzɛ̀ 14:12

Nà e òhweyà ndi e jɔ̀kɛ̀. Tɔ̀ ima mɔ̀ ema a nò lòkɛ̀yì, a ò gbeyà hweyà ema na gbeyà. Mɔ̀ a ò gbeyà tɔ̀ hweyà ema hwe akayi hwenè hweyà. Èhwanja imba na ɛ̀ndɛ òma Tatɛ̀.

Hwègbèèlì 14:3

O èŋgànɛ̀lɛ̀ Pàwolò na Bànàbàrzì hwà mà akɛlɛ hvònda rzayi-rzayi aŋga, hwa rza òke tɔ̀ wɔ̀ŋgɔ̀ ò lì òhwa lì hvòmɛ̀nɛ̀ hweyà hwe gbamù ema Lohwɛ̀ a gbèelì hwatò hwa eni. Rzàŋgò Yerzù e ma gbeyà hwà mà uŋmɛ̀lɛ̀ hwèmɛ̀nɛ̀nì na lì gbeyà hweyà hwe mànyàka rzayi-rzayi, ò lì uŋmɛ̀lɛ̀ nanù ema hweyà ema hwà-òkòwèlì hwa eni hwà mà hwɛ lì òhwa ò lì hvòmɛ̀nɛ̀ e ndèli ya eni, hwe hwèlì ndi e jɔ̀kɛ̀.

Hwègbèèlì 15:12

Èŋge ŋgindi ya arzɛ e ma hwɛ ndi lì òkànèyà ŋmɛ̀ɛ, na òma Bànàbàrzì na Pàwolò hwà mà hwɛ lì hwa òhweyà hwèèmbanelì na mànyàka ema Lohwɛ̀ à mà gbeye lì akeyà na wɔ ò ìtììtènì ja hwaŋga hwatò ema hwa rzi hwɛ wònyà Yudà.

Hwègbèèlì 16:18

A ma gbeyà nanù ò tenì ya rzayì-rzayì ja mèenyà, natɛ̀ɛ e ma tàtìrzɛ̀ Pàwolò, rzi a mò ayeŋgòwɛ̀lɛ̀lɛ̀ a kanja èŋge èlìŋgɛ̀, a yò òhweyà nanù ema, “O lìna la ama Yerzù Krirztò na ò kànèlì ò mò anjiye ò nyò.” O lìŋgi lìrzakò mɛnɛ, èŋge èlìŋgɛ̀ ya wòhwe e ma mò anjiya ò nyò.

Hwègbèèlì 5:12

I àpɔ̀rzìtòlò i ma gbeyà hweyà hwe mànyakà na hwembànèlì hwe rzayì-rzayì ò tenì ya hwatò. Hwàlòkèlì hwa arzɛ hwà mà hwɛ ndi lì taneya nàa mòtò mɔ̀kɔ ò ihvònda ja arzɛ ò marzɛrzɛ ma ama Rzòlòmɔ̀nì ò e ndawò yà Lohwà.

Hwègbèèlì 8:13

Rzimɔ̀ni mɔ̀ ŋmìti, mɔ̀ hvɛ à mà lòkɛ̀ rzìi a lùhwìrzɛ̀hwɛ̀. A ma òŋgama Hvìlìpì ò ekì ya arzɛ ema à mà ɛndɛ, ndèŋgànɛ̀lɛ̀ à mà jejeya hweyà hwe mànyakà hwe ndɛnɛ na hwembànèlì ema à mà ɛnɛ Hvìlìpì a gbeyà.

Gàletìyà 3:5

Lohwɛ̀ à mà è ŋgba Èlìŋgɛ̀ yà Wòtani rzi mɔ̀ à è gbèeyà hweyà hwe mànyakà ò ìtììtènì ja anyu, è hwèlì ndi nanù ema è mà ika imbenda ɔ̀ndeŋgàtɛ̀ à mà gbeyà nanù e? Jàyɛ̀ rzeketɛ eŋge eyà ndi è mà gbeyà. È hwèlì ndi nanù ema ŋmɛ̀ndì mò gbamù ema è mà lòkɛ̀ ɔ̀ndeŋgàtɛ̀ mɔ̀ à mà gbeyà nanù.

Hibrù 2:4

Lohwɛ̀ mɔ̀ ŋmìti hvɛ à mà uŋmɛ̀lɛ̀ nanù ema hwene hweyà hwe hwèlì ndi e jɔ̀kɛ̀ na oma à mà gbeyàna hwahvɛhvɛ hwatò ò lì uŋmɛ̀lɛ̀ hwatò hwèmɛ̀nɛ̀nì na hwèèmbànèlì hwe mànyàka. Mɔ̀ à mà uŋmɛ̀lɛ̀ hvɛ na hweyà ema hwatò hwà mà hwɛ lì gbeyà lì akeyà na màyìmbi ma Èlìŋgɛ̀ yà Wòtani ema Lohwɛ̀ à mà hwa ŋgbe. Lohwɛ̀ à mà ŋgba hwatò Èlìŋgɛ̀ yà Wòtani na oma mɔ̀ à mà lìŋgàne.