Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hwègbèèlì 19:1 - Mokpwe: Bakwery (New Testament)

1 Nà òma Apòlòrzì à mà hwɛ ò mbòwa ndɛnɛ ya Kɔ̀rintò, Pàwolò à mà akeyà ò tenì ya eŋge erzòòkà rzi a uka ò mbòwa ndɛnɛ ya Ɛ̀hvɛ̀rzɔ̀rzì. A ma ùŋmànɛ̀lɛ̀ ŋgurzu ja hwatò ema hwa lòkɛ̀ Yerzù aŋga.

အခန်းကိုကြည့်ပါ။ ကော်ပီ




Hwègbèèlì 19:1
16 ပူးပေါင်းရင်းမြစ်များ  

O mburzà hwenè hweyà hwe arzɛ, Pàwolò à mà anjiya ò mbòwa ndɛnɛ ya Atɛ̀nrzì rzi a ɛ̀ndɛ ò mbòwa ndɛnɛ ya Kɔ̀rintò.


Klìrzpùrzì, ema mɔndi à mà hwɛ e mòkànèlì wa e ndawò ya màkanɛ̀ ya wònyà Yudà, mɔ̀ na lìtumba la eni la arzɛ, hwà mà lòkɛ̀ e Rzàŋgò. Rzayì-rzayì ja hwatò hvɛ ò Kɔ̀rintò hwà mà hweyà Ŋmɛ̀ndì mò Gbamù, hwà mà mò lòkɛ̀ ndèŋgàna hwà mà lùhwìrzɛ̀hwɛ̀.


Wònyà Yudà na hwatò ema hwa rza enje wònyà Yudà hwà mà hweyà hwene hweyà. Wɔ hwà mà hweye hwene hweyà wɔ hwà mà lɛmbeya wɔ̀ŋgɔ̀. Lìina la ama e Rzàŋgò Yerzù lɔ hvɛ lì ma òhva èluhwe ndɛnɛ.


O naŋgɛ rzɔ, inyɔ hwiti e ma ɛni, na lì hweyà eyà ema ònò mòtò Pàwolò a gbeyà. Mɔ̀ a òhwa nanù ema mòhwa ema mà wòndɛhwɛyi na màà mà hwatò hwa hwènàmà ma rza enje mòohwa. Ndeŋgànɛ̀lɛ̀ mɔ̀ à mà gbeyà rzayi-rzayi ja hwatò e ma hwa hwèlì ò Ɛ̀hvɛ̀rzɔ̀rzì na hwèrzòòkà hwe arzɛ hwe Èrzìyà, hwa lòkɛ̀ nanù ema hweyà ema mɔ̀ à òhwa hwe hwèlì ndi e jɔ̀kɛ̀.


Pàwolò mɔ̀ à mà kulɛ ndi nanù ema, i hwɛni lì hvanja e mbòwa ndɛnɛ ya Ɛ̀hvɛ̀rzɔ̀rzì ò ŋmanyu aŋga nanù i rza hvaŋga hvònda ò lì uka ò erzòòkà ya Èrzìyà. A ma hwɛ lì ahwèŋgɛ̀ ò lì uka ò mbòwa ndɛɛndɛ ya Jèrurzalɛ̀mù, ò wùnyà wò Pɛ̀ntìkɔ̀rzì à mà atanɛ tɛ.


È hvònda ema hwà mà uke, rzìi mɔ̀ à hwa òhweyà nanù ema, “Inyɔ hwiti e hwi na òma imba nà mà lìya lìrzakò la arzɛ ema nà mà hwɛ na inyɔ, lì wòteyà wùnyà wò wòrzò ema imba nà mà tɛ̀yirzɛ lìtaŋga ò erzòòkà ya Èrzìyà.


(Wɔ hwà mà òhwa ndi nanù ehwànja hwà mà ɛnɛ Tlòhvìmùrzì mòtò wa e mbòwa ya Ɛ̀hvɛ̀rzɔ̀rzì na Pàwolò hwa ɛndɛlɛnɛ ò tenì ya mbòwa, ndèŋgànɛ̀lɛ̀ hwà mà ɔ̀ŋgɛ̀lɛ̀ nanù ema Pàwolò à mà mò kpeyaneya ò tenɛ-tenɛ ya e ndawò yà Lohwà).


Nà ohwa ndi nanù èhwanja, lòŋgò là anyù è hwèlì è ohwà naŋgɛ̀ nanù ema, “Nà hwèlì ndi mɔ̀nɔ̀ŋgèlì wà hwèyòkòwèlì hwe amà Pàwolò.” Hwanɛ̀yì wɔ̀ hvɛ̀ hwa hwèlì hwa ohwà nanù ema, “Nà oŋgama ndì hwèyòkòwèlì wà ama Apòlòrzì.” Tɔ̀ “Nà oŋgamà ndi hwèyòkòwèlì hwe ama Pètrò,” tɔ̀ “Nà oŋgamà ndi hwèyòkòwèlì hwe ama Krirztò.”


Nà ɔ̀ŋgɔnìtɛ̀ na mirzɔ̀ ma mòtò wa hwènàmà, mamɛ e hwèlì mɔrzɛŋgi mo ami nà mà ana tɛ na nyàmà ja wàŋga o e mbowà ya Ɛ̀hvɛ̀rzɔ̀rzì. O èŋgànɛ̀lɛ̀ hwatò ema hwa ŋwelì hwa rza o hvùmùwà tɛ o lòŋgɛ nanù oma, i ohwa ndi nanù ema, “I hwɛ ndi o lì laa na lì nyɔ èhwanja ŋmɛlɛ oma i ma ŋwa.”


Lì hvomɛ̀nɛ̀ ŋmanyàŋgò hwa arzu Apòlòrzì nà mà màa lì mò kɔmɛ̀lɛ̀ nanù ema a jè mojeŋga o mba anyu ŋmèmba na hwanɛ̀yi hwatò hwa Krirztò ndi à rza ohvi ŋmèma o lì jà naŋgɛ mɛnɛ. È hvonda ema a o luwɛ ŋmàna hvonda a o ja òŋgo.


Ndi na lìya anù o Ɛ̀hvɛ̀rzɔ̀rzì natɛ̀ɛ na eyu ya e ndèma ya Pɛ̀ntìkɔ̀rzì.


Wònyanyàŋgò nà ìndòmɛ̀ jà ami è, ò hwenè hweyà hwe arzɛ ema nà ohwa, hwe hwèlì ndi ò nyòla ama Apòlòrzì nà imba, ò lì è òŋgòwàna ò lì rzɔ̀ŋgìtɛ̀nɛ̀. Nà tùhwi ndi irzɔ hwahwàkɛ nà ɛ̀mɛ̀nɛ̀nì, aŋga nanù, è okowa è mbɔrzi ema e ohwa nanù ema, “Moto à gbeyàna ndi hweyà ema hwe tìlàhwì.” Tɔ̀ mɔ̀kɔ wa anyu arza ayèkirzɛ ema o no mòtò mɔ̀ ndi à rzilɛ ɔ̀nɛyi.


Ìmba Pàwolò ndi nà e omelì inì itita ema nà ma hwɛ̀lɛ̀hwɛ̀ na lemeyà la ama Lohwɛ̀ o lì hwɛ àpɔ̀rzìtòlò ya ama Yerzù Krirztò. Ìmba na e tìleya inyɔ hwatò hwa ama Lohwɛ̀ ema hwa lìya o mbowà ya Ɛ̀hvɛ̀rzɔ̀rzì. È hwèlì ndi mòtò mɔ̀kɔ na Yerzù Krirztò ema e mo òŋgama hvɛ na ŋmèma mɔ̀kɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ