Hwègbèèlì 18:26 - Mokpwe: Bakwery (New Testament)

²⁶ Onò mòtò rzìi a wòteya lì òhwa ò ndawò ya màkanɛ̀ ya wònyà Yudà e rzi hwɛ lì òka tɔ̀ wɔ̀ŋgɔ̀. Nà òma Prìrzìlà na Akwìlà hwà mà hweye hweyà ema à mà hwɛ lì òhwa, hwà mà mò yòwɛ ò mààndà ma awu, rzìi hwa mò tɛlɛlɛ kɔ̀yi-kɔ̀yi e njiya ya ama Lohwɛ̀.

Hwègbèèlì 18:26 ပူးပေါင်းရင်းမြစ်များ

Makòrzì 10:15

Nà è òhweyà è jɔ̀kɛ̀ nanù ema, tɔ̀ ima mɔ̀ ema à rza ìmànɛ̀lɛ̀ Lìkànèyà là ama Lohwɛ̀ nàa ŋmanà mòrzàlì, à rza lì kpèeyà.”

Lukàrzɛ̀ 19:26

Èŋge kiŋgɛ̀ è mà hwa alàhwɛ̀ nanù ema, ‘Tɔ̀ ima mòtò ema à òhvì, Lohwɛ̀ à mò hwàteyà hvɛ rzi òma à mà lùwà hveyii. Ndi òŋgò mòtò hvɛ ema à rza òhvɛ̀, Lohwɛ̀ à mò wòwànà hvɛ tɔ̀ èŋge tenyi ema à òhvì.

Lukàrzɛ̀ 24:27

Yerzù rzìi a hwa ɔ̀ŋgɛ̀lɛ̀nɛ hwetìlelì hwe ama Mòrzè, nà hwà-òhwèlì hwa hwèlìŋgɛ̀ hwa àrzɛ hwa kòhwaa. À mà hwa telɛlɛ mamɛ ya àrzɛ e ma tìlahwa ò Kààtì yà Lohwà lì mò hvòmɛ̀nɛ̀.

Yòwanìrzɛ̀ 7:17

Ndi tɔ̀ ima mɔ̀ ema arza lì gbeyà lì emeyà lì ama Lohwɛ̀ a ò hwiya ŋga hwèyòkòlèlì hwe ami hwe uwɛ̀lɛ̀lɛ̀yi ndi òma Lohwɛ̀, ŋga ò è wònjà ya amì.

Hwègbèèlì 14:3

O èŋgànɛ̀lɛ̀ Pàwolò na Bànàbàrzì hwà mà akɛlɛ hvònda rzayi-rzayi aŋga, hwa rza òke tɔ̀ wɔ̀ŋgɔ̀ ò lì òhwa lì hvòmɛ̀nɛ̀ hweyà hwe gbamù ema Lohwɛ̀ a gbèelì hwatò hwa eni. Rzàŋgò Yerzù e ma gbeyà hwà mà uŋmɛ̀lɛ̀ hwèmɛ̀nɛ̀nì na lì gbeyà hweyà hwe mànyàka rzayi-rzayi, ò lì uŋmɛ̀lɛ̀ nanù ema hweyà ema hwà-òkòwèlì hwa eni hwà mà hwɛ lì òhwa ò lì hvòmɛ̀nɛ̀ e ndèli ya eni, hwe hwèlì ndi e jɔ̀kɛ̀.

Hwègbèèlì 18:18

Pàwolò ama lìya na hwàlòkèlì ò mbòwa ndɛnɛ ya Kɔ̀rintò rzayì-rzayì ja mèenyà, rzìi a hwɛmɛ hwàlòkèlì a kpèeyà ò melì me ŋmànja, rzìi a aka ŋmànja ò lì uka ò erzòòkà ya Rzìrìyà. O yɔ̀ndɔ ya eni, à mà ɛ̀ndɛ̀nɛ̀ Prìrzìlà na Akwìlà. Ndèŋgànà a e anjiya ò mbòwa ndɛnɛ ya Rzɛ̀nkreyà, à mà rzòòwa lìhvumbu la eni la mòhvò èhwanja ò ma hwɛ hweyi ema à mà aàtɛ.

Hwègbèèlì 18:25

A ma òkòwa hweyà hwe e njiya ya ama e Rzàŋgò. A ma òhwa, na lì òkòlɛ hwatò hweyà lì hvòmɛ̀nɛ̀ Yerzù nyayi ema e ma hvòmɛ̀nɛ̀ na e nyɔ̀ŋgi ya eni ya arzɛ. A ma hwiya ndi lì lùhwìrzɛ̀ la ama Yòwanìrzɛ̀ mɛnɛ.

Hwègbèèlì 19:8

Pàwolò à mà lìya aŋga ŋgbɛndɛ iyàwò. Hvònda tɛ à mà hwɛ lì kpèeyà ò ndawò ya màkànɛ ya wònyà Yudà rzìi hwa a kòòwà e rzi hwɛ mɔ̀ lì òka tɔ wɔ̀ŋgɔ̀. Wɔ̀ na mɔ̀ hwà mà hwɛ ò hvenda ndèŋgànɛ̀lɛ̀ mɔ̀ à mà hwɛ lì keka ò lì hwa telɛlɛ aŋga nanù hwa lòkɛ̀ nanù ema màmɛ ema a hwa òhweyà lì hvòmɛ̀nɛ̀ lìkànèyà la ama Lohwɛ̀ e hwèlì ndi e jɔ̀kɛ̀.

Hwègbèèlì 28:23

O èŋgànɛ̀lɛ̀ hwà mà ika wùnyà na Pàwolò ema hwa jà lì mò òkànèyà, na òma wòŋgò wùnyà wò ma uke, ŋgìndì ya hwatò e ma jà ò èki ema Pàwolò à mà lìya. Lìwòteya eelele natɛ̀ɛ na e ŋgòmbe, Pàwolò à mà hwɛ lì hwa òhweyà ŋmɛ̀ndì lì hvòmɛ̀nɛ̀ lìkànèyà là mà Lohwà. A ma keka nanù ema hwa lòkɛ̀ Yerzù. Mɔ̀ à mà hwɛ lì gbeyàna hwèhvàrzù ema hwe ma uwɛ̀lɛ̀lɛ̀yi ò e kààtì ya e mbenda ya ama Mòrzè na hwetilelì hwe hwà-òhwèlì hwa hwèlìŋgɛ̀ aŋga nanù wɔ hwa lòkɛ̀ nanù ema Yerzù ndi à hwèlì Krirztò.

Hwègbèèlì 8:31

Èŋge yumɛ rzi e alàhwɛ̀ Hvìlìpì nanù ema, “Nɛ na tànɛyi lì rzɔ̀ŋgìtɛ̀nɛ̀ e? Nàtɛ̀ɛ mòtò a nò telɛlɛ e yɔ.” Rzìi eŋge yumɛ e yòhwɛ Hvìlìpì ò lì agba ò ehwàmbanì rzìi wɔ̀ na mɔ̀ hwa lìya ò ekì yɔ̀kɔ.

1 Kɔ̀rintìyà 12:21

O èŋgànɛ̀lɛ rzɔ lìirzɔ̀ lì rza tànɛyi lì ohweyà lìya nanù ema, “Nà rza o endèli!” Tɔ̀ moòhvo hvɛ mo rza tanɛ lì ohweyà mataŋga ema, “Nà rza o endèli!”

1 Kɔ̀rintìyà 3:18

È hwɛmɛ lì alukɛlɛnɛ la inyɔ hwiti. È hwèlì tɛ ema mɔ̀kɔ wa anyu, a ɔ̀ŋgɛ̀lɛ̀ nanù ema a hwɛnì lìhwiyè o ene rze, inyɛ a àtimbirzɛ mɔ̀ ŋmìti èèti ya mòtò, oma à mà lùwa lìhwiyè.

1 Kɔ̀rintìyà 8:2

Tɔ̀ ima mòtò ema a ɔ̀ŋgɛ̀lɛ̀ ema a hwi eyà, nanù oma mɔ̀ à rza hwi tɔ̀ eyà na oma a àŋgàmɛ̀nɛyi lì hwiya.

Hibrù 6:1

O eŋgànɛ̀lɛ̀ rzɔ, inyɛ je ɛ̀ndɛ̀nɛ̀ lìlòkɛ̀ la arzu o worzo, nàa hwatò ema hwà mà màa lì hwiya eyà. I rza àŋgàmɛ̀nɛ̀ o lì wowa hvonda hvɛ o lì okowa hweyà ema hwà mà jo okolɛ̀ lì hvomɛ̀nɛ̀ Krirztò o hwèwòtelì. I ma màa lì okowa, ndèŋgànɛ̀lɛ̀ irzɔ i hwi nanù ema hwatò hwa àŋgàmɛ̀nɛ̀ lì àyèŋgowɛ̀ o lì hwɛmɛ lì gbeyà hweyà hwe wòhwe ema hwe jànà e kpelì. Ndeŋgànɛ̀lɛ̀ i ma màa lì hwiya nanù ema hwa àŋgàmɛ̀nɛ̀yi lì lòkɛ̀ Lohwɛ̀.

2 Pètrò 3:18

Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.