Hwègbèèlì 18:25 - Mokpwe: Bakwery (New Testament)

²⁵ A ma òkòwa hweyà hwe e njiya ya ama e Rzàŋgò. A ma òhwa, na lì òkòlɛ hwatò hweyà lì hvòmɛ̀nɛ̀ Yerzù nyayi ema e ma hvòmɛ̀nɛ̀ na e nyɔ̀ŋgi ya eni ya arzɛ. A ma hwiya ndi lì lùhwìrzɛ̀ la ama Yòwanìrzɛ̀ mɛnɛ.

Hwègbèèlì 18:25 ပူးပေါင်းရင်းမြစ်များ

Makòrzì 1:3

‘È tɛ̀nɛ̀nɛ̀ injìya jà hweyàkèlì hwe eni.’”

Makòrzì 12:14

Hwàŋga hwatò hwà mà mò jèeya rzìi hwa mò ijòwa nanù ema, “Ìi Mòòkòlelì, ì hwi nanù ema ò hwèlì ndi mòtò ema òhwa e jɔ̀kɛ̀, ndèŋgànɛ̀lɛ̀ hvɛ ò rza tìmbana tɔ̀ mòtò mburzà. O rza enje hvɛ tɔ̀ mòtò ema ò òka wɔ̀ŋgɔ̀ ò lì òhwa eyà. Ndi ò òkòlɛ̀ hwatò, eyà ya ama Lohwɛ̀ ò jɔ̀kɛ̀. È mbenda ya arzù e òhwi ndi ema ì rzaweyà Kayirzà è kiŋgɛ̀ yà Ròmànì e njaŋge ya lìkànèyà e?”

Lukàrzɛ̀ 1:4

Ènè eyà e ò gbeyà ò hwiyà è jɔ̀kɛ̀ yà hweyà ema ò mà òkòlɛ̀hwɛ.

Lukàrzɛ̀ 7:29

(È ŋgìndì ya àrzɛ, nà hwàrzàŋgèlì hwa njàŋge yà lìkànèyà ema hwa mà hwèya nanù, hwa mà emeyà ema Lohwɛ̀ à hvòmɛ̀nɛ̀yi. Wɔ̀ hvɛ ndi hwà mà hwɛ hwaŋga ema hwà mà emeyà lì lùhwìrzɛ̀ lì ama Yòwanìrzɛ̀.

Hwègbèèlì 13:10

rzìi a òhwa nanù ema, “O wa, e ŋmanà wa ama Mòkarzɛ̀! O hwèlì ndi e mɔ̀kɔ̀yèlì wa tɔ̀ mamɛ ema e hvòmɛ̀nɛ̀yi. O òndi na inyayi jà àrzɛ̀ ja wòhwe ja meyanò. Tɔ̀ ima hvònda ò wa ò arza ndi ò lì tikòwa e jɔ̀kɛ̀ ya ama e Rzàŋgò ò lì e timbirzɛ hweyà hwe lì kɔ̀.

Hwègbèèlì 16:17

Oŋgò ŋmanà ŋgɔ̀ndɔ̀ à mà wòteyà lì òŋgama Pàwolò na irzɔ rzi a tɛ ò ŋmanyu nanù ema, “Hwanù wunyanà hwa hwèlì ndi hwàgbèèlì hwa ama Lohwɛ̀ ema lì karzami. Wɔ̀ hwa jèelì ndi ò lì e òhweyà nɛ inyɔ e tànɛyi lì rzùŋgàhwà.”

Hwègbèèlì 18:26

Onò mòtò rzìi a wòteya lì òhwa ò ndawò ya màkanɛ̀ ya wònyà Yudà e rzi hwɛ lì òka tɔ̀ wɔ̀ŋgɔ̀. Nà òma Prìrzìlà na Akwìlà hwà mà hweye hweyà ema à mà hwɛ lì òhwa, hwà mà mò yòwɛ ò mààndà ma awu, rzìi hwa mò tɛlɛlɛ kɔ̀yi-kɔ̀yi e njiya ya ama Lohwɛ̀.

Hwègbèèlì 19:23

O ene hvònda ɔ̀ndi mòhvùŋgu mò ndɛnɛ mò ma hwɛ ò mbòwa ndɛnɛ ya Ɛ̀hvɛ̀rzɔ̀rzì, ò lì hvòmɛ̀nɛ̀ e Njiya ya ama e Rzàŋgò ema hwatò hwà mà hwɛ lì òŋgama.

Hwègbèèlì 19:3

Pàwolò rzi a hwa ijòwa nanù ema, “Ima ŋgana lì lùhwìrzɛ̀ rzɔ ema inyɔ e ma luwe e?” Hwà mà mò alàhwɛ̀ nanù ema, “È nyayi ya lì lùhwìrzɛ̀ la ama Yòwanìrzɛ̀.”

Hwègbèèlì 19:9

Ndi lòŋgò la awu hwà mà hwɛnɛ maniya ndèŋgànà hwa rzi emeyà ò lì lòkɛ̀. Hwà mà hwɛ lì òhwa hweyà hwe wòhwe ò marzò ma hwatò hwa arzɛ lì hvòmɛ̀nɛ̀ e Njiya ya ama e Rzàŋgò. O eŋgànɛ̀lɛ̀ rzɔ Pàwolò à mà hwa hwɛmɛ rzìi a ɛndɛ na hwatò ema hwà mà lòkɛ̀. Wùnyà tɛ mɔ̀ na wɔ hwà mà hwɛ ndi ò hvenda ò tenì ya e ndawò ya hwèyòkòlèlì ya ama e mòòkòlèlì Tìlanùrzì.

Hwègbèèlì 9:2

Rzìi à mò ijòwa ama à mò ŋgbe itita, ò lì ŋgba hwàtìmbèlì hwa è ndawò yà màkànɛ̀ ema è hwèlì ò mbòwa yà Dàmàrzkɔ̀rzì. Aŋga nanù, à hwɛnɛ è wònja nanù ema à ɛni tɛ tɔ̀ ima mòtò ema à nɔ̀ŋgɔ è njiya yà ama Yerzù aŋga mɔ̀ à hwa ŋgbaŋgɛ, tɔ̀ hwa hwɛ ndi wunyanà tɔ̀ hwalanà, à hwa ɛ̀ndɛ̀nɛ̀ ò mbòwa yà Jèrurzalɛ̀mù.

Ròmànì 12:11

È rzi keka ò lì hwɛ rziŋga. Inyɛ̀ tɔ̀ ima mòtò a hwɛnɛ e nyɔ̀ŋgi ya lì gbèeyà e Rzaŋgò na ŋmèma mò eni mò arzɛ.

2 Tìmotì 2:4

Ŋmanèlì wa njuma ema a hwèlì o lìyando la njuma, a arza ndi o lì òkirzɛ̀ e mòtimbèlì wa eni mɔ̀nyɛ̀ŋgì. O eŋgànɛ̀lɛ̀ mɔ̀ à rza gbeyà hweyà ema hwatò ema hwa rza enje hwàanà njuma hwa gbeyà.

Jèmìrzì 5:16

O eŋgànɛ̀lɛ rzɔ, e àpùrzɛ̀lɛ̀nɛ̀ wòhwe hwa anyu mɔ̀kɔ na ɔ̀nɛyi ndèŋgànɛ̀lɛ̀ inyɛ tɔ̀ ima mòtò a kànɛlɛlɛ ŋmanyàŋgò wa eni, aŋga nanù inyɔ hwa arzɛ e wɔ̀wìrzɛ̀hwɛ. Màkanɛ̀ ma e mòtò ema a gbeyà hweyà hwe jɔ̀kɛ̀ o worzo wo ama Lohwɛ̀ hwe imbami rzàyi-rzàyi, ndèŋgànɛlɛ ma ɛndeya.