Hwègbèèlì 18:19 - Mokpwe: Bakwery (New Testament)

¹⁹ Hwà mà uka ò mbòwà ndɛnɛ ya Ɛ̀hvɛ̀rzɔ̀rzì. Nà òma hwà mà uke aŋga Pàwolò à mà lìiya Prìrzìlà na Akwìlà, rzìi a ɛ̀ndɛ ò ndawò ya màkanɛ̀ ya wònyà Yudà ò lì kòhwa na wònyà Yudà.

Hwègbèèlì 18:19 ပူးပေါင်းရင်းမြစ်များ

Hwègbèèlì 18:20

Wɔ̀ hwà mà mò òhweyà ema a lìya aŋga hvònda ema e wawi, ndi mɔ̀ à rzi emeyà.

Hwègbèèlì 18:21

Ndi ò hwɛndèli hwe eni à mà hwa òhweyà nanù ema, “È hwèlì tɛ lì emeyà la ama Lohwɛ̀ na ò e timbeya.” A ma kpèeyà ò melì me ŋmànja rzìi a anjiya ò mbòwa ndɛnɛ ya Ɛ̀hvɛ̀rzɔ̀rzì.

Hwègbèèlì 18:24

O èŋge hvònda mòtò mɔ̀kɔ wà Yudà ema à mà hwɛ̀lɛ̀hwɛ̀ Apòlòrzì, ema à mà ŋyahwɛlɛ ò mbòwà ndɛnɛ ya Alɛ̀rzàndrìyà, à mà jà ò Ɛ̀hvɛ̀rzɔ̀rzì. A ma hwɛ ndi mòtò ema à mà hwiya lì òhwa jòhwi ja gbamù, ndèŋgànɛlɛ à mà rzɔŋgɔ lì rzɔ̀ŋgìtɛ̀nɛ̀ la e kaàtì ya ama Lohwà.

Hwègbèèlì 18:4

Tɔ̀ ima Wùnya wò lì Arzìyòlɛ Pàwolò à mà hwɛ lì ɛndɛ ò ndawò ya màkanɛ̀ ya wònyà Yudà, ò lì òhwirzɛnɛ hwatò hwa wònyà Yudà na e hwa Grìki, aŋga nanù wɔ hwa lòkɛ̀ hweyà ema à mà hwɛ lì hwa òhweyà.

Hwègbèèlì 19:1

Nà òma Apòlòrzì à mà hwɛ ò mbòwa ndɛnɛ ya Kɔ̀rintò, Pàwolò à mà akeyà ò tenì ya eŋge erzòòkà rzi a uka ò mbòwa ndɛnɛ ya Ɛ̀hvɛ̀rzɔ̀rzì. A ma ùŋmànɛ̀lɛ̀ ŋgurzu ja hwatò ema hwa lòkɛ̀ Yerzù aŋga.

Hwègbèèlì 19:17

Wònyà Yudà na hwatò ema hwa rza enje wònyà Yudà hwà mà hweyà hwene hweyà. Wɔ hwà mà hweye hwene hweyà wɔ hwà mà lɛmbeya wɔ̀ŋgɔ̀. Lìina la ama e Rzàŋgò Yerzù lɔ hvɛ lì ma òhva èluhwe ndɛnɛ.

Hwègbèèlì 19:26

O naŋgɛ rzɔ, inyɔ hwiti e ma ɛni, na lì hweyà eyà ema ònò mòtò Pàwolò a gbeyà. Mɔ̀ a òhwa nanù ema mòhwa ema mà wòndɛhwɛyi na màà mà hwatò hwa hwènàmà ma rza enje mòohwa. Ndeŋgànɛ̀lɛ̀ mɔ̀ à mà gbeyà rzayi-rzayi ja hwatò e ma hwa hwèlì ò Ɛ̀hvɛ̀rzɔ̀rzì na hwèrzòòkà hwe arzɛ hwe Èrzìyà, hwa lòkɛ̀ nanù ema hweyà ema mɔ̀ à òhwa hwe hwèlì ndi e jɔ̀kɛ̀.

Hwègbèèlì 19:28

Nà òma e ŋgindi e ma hweye hwene hweyà rzìi e tata rzayi-rzayi, rzìi e wòteyà ò lì tɛɛ merzeya nanù ema, “Atɛmirzi, lòòhwà la Ɛ̀hvɛ̀rzɔ̀rzì a imbami lì aka mòòhwà ma arzɛ.”

Hwègbèèlì 19:35

O lìrzùkù e mòtilelì wa e mbòwa ndɛnɛ à mà lɔ̀kɔ mòŋgò mɔtɔwu. Rzìi à òhwa nanù ema, “Wònyàmòwe kòkò hwa Ɛ̀hvɛ̀rzɔ̀rzì, ò jɔ̀kɛ̀ njɛnɛ a hwèlì anu rze, ema a rza hwiyɛ nanù ema, Ɛ̀hvɛ̀rzɔ̀rzì ndi à hwèlì e mbòwa ndɛnɛ ema e ɔŋgeya mòòka mò ama lòòhwà la arzu lì ndɛnɛ Atɛmirzi. Ndeŋgànɛ̀lɛ̀ tɔ̀ ima mòtò a hwi nanù ema ene mbòwa ndɛnɛ ndi e ɔŋgeya lìŋyàyi la wòrzaŋgi ema lì ma uwɛ̀lɛ̀lɛ̀yi ò ŋmanyu yà lohwà.

Hwègbèèlì 20:16

Pàwolò mɔ̀ à mà kulɛ ndi nanù ema, i hwɛni lì hvanja e mbòwa ndɛnɛ ya Ɛ̀hvɛ̀rzɔ̀rzì ò ŋmanyu aŋga nanù i rza hvaŋga hvònda ò lì uka ò erzòòkà ya Èrzìyà. A ma hwɛ lì ahwèŋgɛ̀ ò lì uka ò mbòwa ndɛɛndɛ ya Jèrurzalɛ̀mù, ò wùnyà wò Pɛ̀ntìkɔ̀rzì à mà atanɛ tɛ.

Hwègbèèlì 20:17

Nà òma i ma uke mbòwa ndɛnɛ ya Milɛturzi, Pàwolò à mà òma ŋmɛ̀ndì ò hwàtimbelì hwa ŋmèmba mò Ɛ̀hvɛ̀rzɔ̀rzì nanù ema hwa jèe hwa mò ùŋmànɛ̀lɛ̀ ò Milɛturzi.

Hwègbèèlì 21:29

(Wɔ hwà mà òhwa ndi nanù ehwànja hwà mà ɛnɛ Tlòhvìmùrzì mòtò wa e mbòwa ya Ɛ̀hvɛ̀rzɔ̀rzì na Pàwolò hwa ɛndɛlɛnɛ ò tenì ya mbòwa, ndèŋgànɛ̀lɛ̀ hwà mà ɔ̀ŋgɛ̀lɛ̀ nanù ema Pàwolò à mà mò kpeyaneya ò tenɛ-tenɛ ya e ndawò yà Lohwà).

1 Kɔ̀rintìyà 15:32

Nà ɔ̀ŋgɔnìtɛ̀ na mirzɔ̀ ma mòtò wa hwènàmà, mamɛ e hwèlì mɔrzɛŋgi mo ami nà mà ana tɛ na nyàmà ja wàŋga o e mbowà ya Ɛ̀hvɛ̀rzɔ̀rzì. O èŋgànɛ̀lɛ̀ hwatò ema hwa ŋwelì hwa rza o hvùmùwà tɛ o lòŋgɛ nanù oma, i ohwa ndi nanù ema, “I hwɛ ndi o lì laa na lì nyɔ èhwanja ŋmɛlɛ oma i ma ŋwa.”

1 Kɔ̀rintìyà 16:8

Ndi na lìya anù o Ɛ̀hvɛ̀rzɔ̀rzì natɛ̀ɛ na eyu ya e ndèma ya Pɛ̀ntìkɔ̀rzì.

Ɛ̀hvìrzìyà 1:1

Ìmba Pàwolò ndi nà e omelì inì itita ema nà ma hwɛ̀lɛ̀hwɛ̀ na lemeyà la ama Lohwɛ̀ o lì hwɛ àpɔ̀rzìtòlò ya ama Yerzù Krirztò. Ìmba na e tìleya inyɔ hwatò hwa ama Lohwɛ̀ ema hwa lìya o mbowà ya Ɛ̀hvɛ̀rzɔ̀rzì. È hwèlì ndi mòtò mɔ̀kɔ na Yerzù Krirztò ema e mo òŋgama hvɛ na ŋmèma mɔ̀kɔ.

1 Tìmotì 1:3

Nà arza ema ò lìya ò mbowà yà Ɛ̀hvɛ̀rzɔ̀rzì, molemilemi nà oma nà mà ò kòkòwɛ̀lɛ̀ è hvonda ema nà mà hwɛ lì ɛndɛ ò erzòòkà yà Màrzèdonìyà. Àŋga nanù, ò wà ò kànèyà loŋgo là hwatò ema hwa rza okolɛ hwèyòkòlèlì ema hwe rza hvomɛ̀nɛ̀.

2 Tìmotì 1:18

Nà kanɛ̀ nanù ema Lohwɛ̀ à mò ùŋmɛ̀lɛ̀ ììlì jà eni ò Wùnyà wò hwèkàyìrzèlì. Ndèŋgàna ò wà ò hwi kɔ̀yi-kɔ̀yi lì oŋgowànɛ ema à mà nò ŋgbè ò mbowà yà Ɛ̀hvɛ̀rzɔ̀rzì.

2 Tìmotì 4:12

Nà ma oma Tàyìchìkùrzì o mbowà ya Ɛ̀hvɛ̀rzɔ̀rzì.

Hwèwulùwèlì 1:11

Lì ma ohwa nanù ema, “Tila o kààti hwèèmà ema o ɛni, rzìi hwe e omeya lìni lìrzàmba la mìitelì. Ò è omeya o lìni lìrzàmba la mìtelì ema me hwèlì o Ɛ̀hvɛ̀rzɔ̀rzì, o Rzɛ̀màyìnà, o Pɛ̀gàmùmì, o Tìyatìrà, o Rzàdìrzì, o Hvìladɛlhvìyà na o Làwòdèrzìyà.”

Hwèwulùwèlì 2:1

Oŋgo ema à mà àyɛ̀kɛ̀nɛ̀ è mòtò wà hwènàmà rzìi à nò òhweyà nanù ema, “Tìleyà è aŋgèlì ema è hwèlì ò ŋmèmba mò Ɛ̀hvɛ̀rzɔ̀rzì nanù ema, è mòtò ema à tɛ̀tì lìrzàmba là rzòmbe ò lìya là enì là momɛ̀, ema à ɛ̀ndeyà ò ìtììtènì jà lìrzamba là mboko jà gòòlù ema jò ohvi hwètùlù, mɔ̀ ndi à omi mono ŋmɛ̀ndì.