Hwègbèèlì 18:14 - Mokpwe: Bakwery (New Testament)

¹⁴ Nà òma Pàwolò à mà arze lì òhwa, Galìyò e Gɔ̀winà rzi a òhweyà wònyà Yudà nanù ema, “Ène eyà e ma hwɛ tɛ ndi nàa lùùrze, tɔ eyà ya wòhwe ema mòtò a gbèyi, aŋga òma na hwɛni lìtiŋga ò lì e hweyàna inyɔ wònyà Yudà.

Hwègbèèlì 18:14 ပူးပေါင်းရင်းမြစ်များ

Matiyò 5:2

Rzìi à wòteya lì hwa òkòlɛ̀ nà lì òhwa nanù ema,

Makòrzì 9:19

Yerzù rzìi a hwa alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀yi lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneyà òŋgò ŋmanà.”

Hwègbèèlì 13:10

rzìi a òhwa nanù ema, “O wa, e ŋmanà wa ama Mòkarzɛ̀! O hwèlì ndi e mɔ̀kɔ̀yèlì wa tɔ̀ mamɛ ema e hvòmɛ̀nɛ̀yi. O òndi na inyayi jà àrzɛ̀ ja wòhwe ja meyanò. Tɔ̀ ima hvònda ò wa ò arza ndi ò lì tikòwa e jɔ̀kɛ̀ ya ama e Rzàŋgò ò lì e timbirzɛ hweyà hwe lì kɔ̀.

Hwègbèèlì 13:18

Eyà ya mènìmènìi me meya mɔ̀ à mà kàkànà hwègbèèlì hwe awu ŋmèma ò tenì ya mòrzànjɛ.

Hwègbèèlì 21:39

Pàwolò à mà mò alàhwɛ̀ nanù ema, “Nà hwèlì ndi mòtò wa wònyà Yudà. Nà ŋyàhwɛlɛyi ndi ò mbòwa ndɛɛndɛ ya Tàrzùrzì, ò erzòòkà ya Rzìlìrzìyà, wònja ya e mbòwa ya wòlìtò. Ŋmàyi kòkò inyɛ na òhwirzɛnɛ hwanu hwatò.”

Hwègbèèlì 25:11

O eŋgànɛlɛ rzɔ, na undi tɛ mbenda ema e nò kànɛyi e mbàkò ya kpelì, nanù òma na emelì e kpelì. Ndi ò rza enje tɛ eyà ya jɔ̀kɛ̀ ò mamɛ ema hwanu hwatò hwa òhwa ò lì nò teŋgɛ̀nɛ̀, nanù òma tɔ̀ mòtò a rza hwɛni tɔ̀ wònja ò lì nò akɛlɛlɛ e wɔ̀ ò màà ma awu. O eŋgànɛlɛ na atɛ̀kɛ̀yi nanù ema Kàyìrzà mɔ̀ ŋmìti ndi à nò kàyìrzɛ.”

Hwègbèèlì 25:26

Ndi ò jɔ̀kɛ̀ na rza òhvi tɔ̀ lìtiŋga la eyà ò lì tìla ò itita ò lì òmeya Kàyìrzà ò lì teŋgɛ̀nɛ̀ Pàwolò. O èŋgànɛ̀lɛ̀ ò naŋgɛ na e jànelì e mɔ̀ ò marzò ma anyù, rzɛ̀hvɔ̀nì ò wòrzò wò aŋgɔ̀ Kìŋgɛ̀ Agrìpa, aŋga nanù ò mburza hweyàrzìrzèlì hwe anyu, na ò hwɛnɛ eyà ya lì tìleya Kàyìrzà.

Ròmànì 13:3

Hwàŋga hwatò ema hwa gbeyà gbamù hwa rza hwɛni lì òka hwàkànèlì wɔ̀ŋgɔ̀. Ndi e wɔ̀ ema hwa gbeyà wòhwe, wɔ̀ ndi hwa hwɛni lì òka hwàkànèlì wɔ̀ŋgɔ̀. O lìŋgàni tɛ nanù ema ò rza òka hwàkànèlì wɔ̀ŋgɔ̀, ò gbeye rzɔ hweyà hwe gbamù. O wa ò gbèyi tɛ nanù wɔ̀ hwa ò eka.

2 Kɔ̀rintìyà 11:1

Tɔ̀ na hwɛ ndi èèti ya mòtò, na e rzorzomeya nanù ema e no hwɛmɛ na e ohweyà tɔ̀ ŋmana eyà, e òkànèyà.

2 Kɔ̀rintìyà 11:4

Imba na ohwa ndi ene eyà nanù èhwanja mòtò a jelì tɛ rzi a e ohweyà ŋmɛ̀ndì ema mo rza enje ndi ŋmɛ̀ndì mo ama Yerzù Krirztò, ema irzɔ i hwèlì lì e ohweyà inyɔ e mo emeyà. Tɔ̀ e hwɛ ndi ema mɔ̀ à e ohwèlì tɛ ndi eyà ya lì hvomɛ̀nɛ̀ èlìŋgɛ̀ ema rzeketɛ yɔ ndi irzɔ je e ohweyà e emeyà. Tɔ̀ mòtò a e ohwèlì tɛ ŋmɛ̀ndì mò gbamù ema rzɛ̀kɛtɛ mo ndi irzɔ je e ohweyà, inyɔ e mo emeyà.

Hibrù 5:2

O àjùlɛ̀nɛ̀ hwatò ema hwà mà hvònda e njiya, ehwànja wɔ̀ hwa rza hwi hweyà ema hwa gbeyà, ndèŋgànɛ̀lɛ̀ mɔ̀ hvɛ a hwèlì ndi e mòtò wa hwènàmà ndeŋga ehwànja mɔ̀ hvɛ a ohvi màtona.