Hwègbèèlì 17:28 - Mokpwe: Bakwery (New Testament)

²⁸ Nà òma mòtò mɔ̀kɔ mɔ̀ à mà lòme lì òhwa nanù ema, ‘Nà òma i hwèlì mɔ̀kɔ na mɔ̀, i hwèlì lòŋgɛ, ndèŋgànɛ̀lɛ̀ i hwèlì mamɛ ema i hwèlì.’ È gbeye hvɛ ndi nàa hwakpɛɛ hwa meyàna hwa òhwa nanù ema, ‘Irzɔhvɛ i hwèlì ndi hwàanà hwa eni.’

Hwègbèèlì 17:28 ပူးပေါင်းရင်းမြစ်များ

Lukàrzɛ̀ 20:38

Lohwɛ̀ à rza ènje Lohwà là è wɔ̀ hwa ŋwelì? À hwèlì ndi Lohwà là è wɔ̀ hwa hwèlì lòŋgɛ. Ène ŋgàna è uŋmɛ̀lɛ̀ ndi nanù ema, nàa Lohwɛ̀, hwa arzɛ hwa hwèlì lòŋgɛ.”

Lukàrzɛ̀ 3:38

Kènànì à mà hwɛ ndi è ŋmanà wà ama Ɛnɔ̀rzi. Ɛnɔ̀rzi à mà hwɛ ndi è ŋmanà wà ama Rzɛti. Rzɛti à mà hwɛ ndi è ŋmanà wà ama Adàmu. Adàmu à mà hwɛ ndi è ŋmanà wà ama Lohwɛ̀.

Yòwanìrzɛ̀ 11:25

Yerzù rzìi a mò òhweyà nanù ema, “Imba ndi na hwèlì hwèhvùmùwèlì nà lòŋgɛ, tɔ̀ ima mɔ̀ ema à nò lòkɛ̀ tɔ̀ nɛ à ŋwa, à ò tɛ̀mɛ̀ hvɛ ò lòŋgɛ.

Yòwanìrzɛ̀ 5:26

Nà òma Tatɛ̀ mɔ̀ ŋmìti a hwèlì lìwòndò la lòŋgɛ, nanù mɛnɛ hvɛ ndi à gbèyi è Ŋmanà wà eni lìwòndò la lòŋgɛ.

Kòlòrzìyà 1:17

Ndeŋgànɛ̀lɛ̀ è ohwàhwɛlɛ nanù ema o ò wèkàhwà tɔ̀ yoma anu rze yà mɔ̀nyɛ̀, Krirztò mɔ̀ à mà lòma lì hwɛ ò lòŋgɛ. Ndèŋgànɛ̀lɛ̀ mɔ̀ ndi à gbèyi ɔ̀ndèŋgàtɛ̀ hwèèmà hwe arzɛ hwe hwèlì ndi ò wèkì hwe awu hwe jɔ̀kɛ̀.

Tàyìtùrzì 1:12

Mòòhwèlì mɔ̀kɔ wa èlìŋgɛ̀ wa kowàa o èkomè ya Krɛ̀tɛ à mà ohwa nanù ema, “Hwàto hwa Krɛ̀tɛ hwa kɔɔ hweyà ihvonda ja arzɛ. Wɔ̀ hwa hwèlì wɔ̀ɔ̀ na ɛkɔ̀ni, hwa hwèlì ndi hwatò hwa rziŋga ema hwa ondi na njɔ̀ŋgu.”

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.

Hibrù 12:9

Irzàŋgo ja arzu ja anu rze ya mɔ̀nyɛ̀, hwà mà jo kɔ̀kìrzɛ̀ lì hvomɛ̀nɛ̀ wòhwe ema i ma gbèye ndèŋgàna i hwa ŋgbà èluhwe. O eŋgànɛ̀lɛ̀ rzɔ ja àŋgàmɛ̀nɛ̀ o lì ŋgba Tatɛ̀ hwa arzu ema a hwèlì o ŋmanyu ya Lohwà èluhwe lì aka nanù aŋga nanù i hwɛ lòŋgɛ.

Hibrù 2:11

Yerzù ema mɔ̀ ndi mɔ̀ à gbèyi ndèŋgànà hwatò hwa e jà wòtani, ndèŋgànɛ̀lɛ̀ hwatò ema hwa hwèlì wòtani, hwa arzɛ hwa hwèlì ndi hwàanà hwa Tatɛ̀ hvɔ̀kɔ. Ndeŋgànɛ̀lɛ̀ yɔ̀ ndi e gbèyi ndeŋgatɛ Yerzù a rza oka irzɔ̀ni o lì hwa hwɛlɛ nanù ema wònyànyàŋgo wa ami.